________________
४१
इह विसय - 'सोक्ख - लुद्धाण जाई दुक्खाइ हुंति नरनाह । विसमा ताइं अंते सुविसम - विस- कंदलि - समाई । । ४५१ । ।
अत्थेत्थ भरह - वासे सासय- जिण भवण- तुंग-पाया (६५ब ) रा । बहु - रयण - धण- समिद्धा अवज्झ-नयरी जय-पसिद्धा । । ४५२ । ।
ससि कर तुसार सिच्चंत थोर थण वट्ट-नट्ठ - मग्गाहिं ।
-
-
दुक्खेण जत्थ गम्मइ वासहरं लडह - विलयाहिं । । ४५३ । ।
-
-
मज्झ पसंतर-भज्जमाण - भीयाहिं जत्थ जुवइहिं । कहकहव चलि (६५/१अ ) ज्जइ सवण - पत्त- नेत्ताहिं वि सदुक्खं ॥ ४५४ ॥
तत्थ नरिंदो हरिवंस -कुल- मुणालालि - बोहण - रवि व्व । रिउ - वग्ग - भग्ग - दप्पो आदिय-सयल - जण - निवहो । । ४५५ । सत्थत्थ-पयासिय-नय-वरो वि जो नय- वरो न सत्तूण | सत्तु -पणासिय-विहवो विहव - सुहासीण - सव्वंगो । । ४५६ । । मुणिसुव्वय - सांवि गुणाणुराय रंजिय-मणो महा - सत्तो । मिच्छत्त - तिमिर - भाणु व्व नरवई नाम जयधम्मो । । ४५७ ।। उयहि व्व जो न खारो ताववरो जो सया न भाणु व्व । मेरु व्व जो न थट्टो कलंकिओ जो न चंदो व्व । । ४५८ । । ( ६५ / १ब) कित्ती सुरलोयावहि सत्तु - पयावहि 'सुपोरुसं जस्स । भत्ती जिणपणमावहि दालिद्द - खयावही चाओ । । ४५९ ।।
तस्स नरेसर ! रायाहिराइणो सयल - लोय - सुहयस्स । अंतेउर - प्पहाण दईया पउमावई नाम । । ४६० ।। सा अन्नदिणे पुत्तस्स करणे जाव चिन्तमावन्ना । पव्वाइयाए भणिया हविस्सए तुज्झ वर - पुत्तो ||४६१ । । एयं भणितुं तीए ण्हवणं काऊण ओसहं दिण्णं । गहितुं पूया - -दविणं खणेण अद्दंसणा जाया । । ४६२ । । तह विन तीए पउमावईए पत्तो नरिंद ! उप्पण्णो ।
कालेण सयं धूया (६६अ ) उप्पण्णा सोहणा जाया । ।४६३ ।।
Jain Education International
१. सोखं. २. पयेस. ३. रव्वि. ४. साम्वि. ५. सुपोरसं.
For Private & Personal Use Only
www.jainelibrary.org
