________________
४०
ता गंतव्वं हि मए भरुयच्छे ते मुणी वि दट्ठव्वा। कायव्वं जिण-भवणं पज्जत्तं विसय-'सोक्खेहिं।।४४२।। (६३ब)लद्धे सुमाणुसत्ते बुहेहिं तं किं पि एत्थ कायव्यं । जेण जर-मरण-वाही पुणो वि देहे न संभवइ।।४४३ ।। जायंति मरंति भमंति ठंति जायंति पुणरवि मरंति। जिण-सासणम्मि कित्ती(६४अ) विरला भुवणे पयासंति।।४४४ ।।
इय भरुयच्छ-नयर-निवेसिय-सिरि-संवलिया विहारस्स सुदरिसणाचरिए धम्माधम्म-वियारो
नाम चउत्थो उद्देसो सम्मत्तो।।४।।
जयधम्मराय-धूय-सीलवई-संविहाणो नाम पंचमो उद्देसो
सत्थत्थ-नीइ-वित्थरिय-नय-समत्थं निएवि निय-धूयं । सा संघ सप्परिहास-पेसलं भणइ नरनाहो।।४४५।। 'सुंदरि! अदिट्ठ-दुक्खा वि जह तुम तह वि अवसरावडियं । जंपसु महग्धमेगं सु(६४ब)हासियं सुंदरं वयणं ।।४४६।। . 'तुम्ह पसाएणेसा उप्पन्ना कुवलयच्छि! मह धूया। तह भणसु महुर-वयणेहिं वच्चए जह न वेरग्ग।।४४७ ।। भणियं च जओ महिलायणस्स कज्जेण सव्व-महिलाओ। तन्नत्थि नूण जं दुक्करं पि सुयणु! प्पकुव्वंति।।४४८।। सुणिऊण राय-वयणं जहट्ठियं सुंदरीए उल्लवियं। ‘एरिस-कजे अम्हारिसेहिं न हु किं पि भणियध्वं ।।४४९ ।। तहवि जंपेमि जं (६५अ) किं पि एत्थ पावइ नेय उवहासं। आयण्णह तं नरवर ! मुहुत्त-मित्तं ममाहिंतो।।४५० ।।
१. सोखेहिं. २. तं तह. ३. कुलवय.
Jain Education International
For Private & Personal Use Only
www.jainelibrary.org
