________________
एरिस-गुरुहिं कहिओ जन्नो धम्मत्थियाण भवियाण। इह-प(६२अ)र-लोय-हिओ जो सो जन्नो ताय! निसुणेह।।४३१।। छव्विह-जीव-दयाए काऊण विहीए मंडवं सुहयं । सच्चं वयणं उज्झेवि जुसरं तस्स मज्झम्मि।।४३२।। खमा दया तवो सच्चं बंभचेरं च नवविहं। हाणं पंचविहं कुज्जा जल-पहाणं चयह मय-करं।।४३३ ।। उवसम-विवेय-संवर-पवित्त-कुंडाई तिन्नि काऊण। झाणं जलणं च तहा पज्जालह नाण-धिय-सित्तं ।।४३४ ।। कोहो माणो माया लोहो तह राग-दोस कामो वि। हुणिऊण इमे पसवे भक्खह खंती-पुरोडासं।।४३५।। बंभचेर-महव्वयं 'सुपवित्तं संति-पाणि[६२ब]यं गहिउं। अह पक्खालह पावं जह देहे पुण न संभवइ।।४३६।। सव्व-जीवाण अभओ एसा तह दक्खिणा वि दायव्वा । जो हवइ एत्थ धम्मो इमेण जन्नेण सो सुहओ।।४३७ ।। एसो विहीए जन्नो किजंतो बहु-फलो हवइ ताय!। परिभाविऊणं एवं निरत्थयं करह मा खेयं ।।४३८।। तह यदया-विहीणो धम्मो धम्म-विहीणा वि होइ जा लच्छी। लच्छिं विणा विलासा पजत्तं तेहिं मह ताय !।।४३९ ।। उक्तं चवीतरागो महादेवो ब्रह्मचर्यं महाव्रतम् । महादानं दया भूतैर्ब्रह्मचारी महागुरुः ।।४४०।। अ(६३अण्णं च रूय-जोयण-गुण-कलिओ जं तए वरो कहिओ। तं पुव्व-भवे वि मए अणुहूयं विसय-सोक्ख-फलं।।४४१ ।।
१. सुपवित्तंसु. २. वाणियं. ३. जीव्वाजं. ४. इम्मेण.
Jain Education International
For Private & Personal Use Only
www.jainelibrary.org
