________________
ये क्षान्त-दान्ताः 'श्रुति-पूर्ण-'कर्णा जितेन्द्रियाः प्राणिवधे निवृत्ताः। (५४अ) प्रतिग्रहे सङ्कुचिता ग्रहस्तास्ते ब्राह्मणास्तारयितुं समथाः ॥३८१॥ तह खत्तिया वि नरवर ! तिकम्म-अहियारिणो सया हुंति। दाणाई दिति विजा पढंति जन्नं करावंति।।३८२।। नाएण सयल-लोयं सया वि पालंति हुंति धम्मपरा। रक्खंति अणायारं करेण लोयं न पीडंति।।३८३ ।। जूयं मंसं मजं वेसा-पारद्धि-परधण-कलत्तं । इह-पर-लोय-विरुद्धं चयंति तह खत्तिया नूणं ।।३८४ ।। विजा-वाणिज-कला-सेवा-विण्णाण सुहइ कम्माइं। वइसा कुणंति नरवर ! (५४ब) नय-धम्मपरा सया हुंति।।३८५।। बंभण-खत्तिय-वइसाण वज्जियं करिसणं विवण्णस्स। एयं किलिट्ठ-कम्मं पामर-लोयाणं निद्दिढ़।।३८६।। सुद्धा वि देव-गुरु-भत्ति-तप्परा हुंति देंति दाणाई। महिलाउ पुणो भत्तार-देवयाओ सया हुंति।।३८७।। एसा य तुज्झ धूया धण्णा जीए णु बालभावे वि। निम्विन्न-काम-पुरिसोच्चियम्मि धम्मे मणं जायं ।।३८८ ।। तुह यदारिद्दयस्स दाणं पहुणो 'खंती अगविओ नाणी। जोयणवंतस्स तवो जीवेसु दया इमं सत्तं ।।३८९ । । (५५अ) सुणिऊण विप्प-वयणं भणइ निवो 'पुत्त' ! एरिसो धम्मो। घरवास-संठिया वि हु करेह मा वच्च वेरग्गं ।।३९० ।। अह कारवेमि जन्ने पुत्तय ! धम्मत्थमेत्थ तुह कजे। दीणाण दुत्थियाणं सत्तुकारं करावेमि।।३९१ ।। जाइ-कुल-रूय-विजा भडावलेवेण जो नीव-पहाणो।
अजा-विहिओ पुत्त य तुज्झ वरो लहु गवेसेमि।।३९२।। १. स्तुति. २. कर्णी. ३. किलट्ठ. ४. दारिद्दिय. ५. खंति.
Jain Education International
For Private & Personal Use Only
www.jainelibrary.org
