________________
Jain Education International
यदुसुन्दर महाकाव्य
सन्त्युप्रा युधि शतशोऽपि सांयुगीना
दातारो जगति परःशताः श्रुता ये । भोक्तारो भुवि रसिकाश्च भूरिशोऽन्ये
द्वित्रास्ते परकरणीयबद्ध कक्षाः ||५५||
यच्चिन्तामणिरुपलो दुसः सुरद्रु
नर्थित्वं विफलयति स्म सोऽर्थिनोऽपि निष्णातस्त्वमलमलं विलम्ब्य कार्ये
मन्दारः कमितरि मादृशेऽस्यवन्ध्यः ॥५६॥
इष्टापत्यै सुरनिवहान्विशोऽर्थयन्ते
तेऽपि त्वां समयवशेन मादृशश्च । तत्तूर्ण क्षितिपसुतोपयामसिद्धयै
दूत्यं मे सुभगशिरोमणेऽभ्युपैहि ॥५७॥
तेनेदृग्धनदवचो निशम्य सम्यग् -
वैदुष्यं किल विबुधेषु नेत्यचिन्ति । तस्या मय्यनुनय एव मे च तस्यां
तामेषोऽभिलषति मन्मुखेन दूत्यात् ॥५८॥
स्मृत्वा यां क्षणमपि मूर्च्छितोऽतिमोहा
दुह्रान्तश्चकित इवापनिद्र एव । तद्ष्टौ कथमवद्दित्थयाऽस्मि गोप्ता
भावस्यापनविधौ कथं प्रभूष्णुः ||५९ ||
प्राणेभ्यः शतगुणपण्यभूमसीमा
या तामप्यभवमहं वरीतुकामः ।
तद्दत्यं मम वचनीयतैव किंवा
ह्रीभारादवनतकन्धरो ब्रवाणि ||६०||
For Private & Personal Use Only
३७
www.jainelibrary.org
