________________
पनसुन्दरसरिविरचित मलयजैरनिलैरनिलास्त्रता
मिव किमु प्रजिघाय मनोभवः । हृदिकृतैर्नु विसैरियमप्यहो !
पवनमुक्प्रतिशस्त्रमुपाददे ।।२५।।
जलदजालजलैर्नु जलास्त्रता
मतनुना प्रहितां प्रतियत्यसौ । किमुत दीर्घतरश्वसनानिल
प्रतिघशस्त्रमिवादित सादरम् ॥२६।।
किमबलाहृदि शङ्कुयुगं स्मरो
विरहितापि च जीवनमप्यहो ।। स निचखान कुचद्वितयच्छला
दपि बलात्तदिति प्रमिमीमहे ॥२७॥
न खलु चन्दनचन्द्रहिमानिला
जनमनः सुखयन्ति विना प्रियम् । ज्वलति वा कनकाहृदि तस्थिवा
निति विमृश्य यदुः किमनाकुलः ॥२८॥
विरहतापिनि मे हृदि वल्लभो
नवयुवा नवनीततनुर्यदा । प्रखरसञ्ज्वरतो नु विलीयते
सखि ! तदा मम का गतिरायतौ ॥२९॥
सखि ! कलङ्क इति स्फुरति स्फुटं
विरहिणीवधपातकपङ्किलः । ननु विधौ विधुरामपि मां पुन
दहति निष्करुणः किरणोल्मुकैः ॥३०॥
Jain Education International
For Private & Personal Use Only
www.jainelibrary.org
