________________
८०
Jain Education International
पद्मसुन्दरसूरिविरचित
अस्योद्दामचरित्रचित्रिततनश्चित्रं यशो जृम्भते
सद्यस्त्रीणि जगन्ति पाण्डुस्यति प्राग्भारभामण्डलैः । तत्तादृक्प्रतिपक्षपक्षवदनं नीलीचकार क्षणा -
द्रक्तानि प्रकरोति तानि सुहृदां हृद्भक्त्रपद्मान्यपि ||७||
प्रत्यर्थिक्षितिपालवंशविपिने संस्फोटसङ्घट्टतः
सम्भूतोऽस्य भुजप्रतापदहनो जागर्ति विश्वत्रये । यस्येमाः स्फुटविस्फुलिङ्गकणिका भास्वान्भिदुर्भैरवे
भास्वद्भालविभावसुश्च हुतभुग्वारांनिधौ वाडवः ॥ ८॥
अस्मिँस्ततस्तरुणि ! तारतरङ्गितानि
दृष्टेः प्रसादय रसादनिमेषितानि । क्षोणीभुजि क्षणविभारुचिभासुराङ्गि !
श्यामाङ्गभाजि भज भूषणभूण्यभावम् ॥९॥
अस्य स्तुतिं सुवदना वदनान्निपीय
राज्ञो न राजतनया रजति स्म तस्मिन् । अन्याहते हि पुरुषे परुषायते वा
वाचस्पतेरपि वचो रचितप्रचारम् ||१०|
जन्याजना नृपसुतां विरतां विमृश्य
निन्युर्नृपान्तरमथान्तरलक्ष्यदक्षाः । भङ्गान्तरं शशिकरा इव वाद्धिवेलां
लब्धोदयास्तरलितां नु वलक्षपक्षे ॥ ११ ॥
तां दर्शकाऽथ निजगाद कुरङ्गनेत्रेऽमुष्मिन्नुदारचरिते चरितार्थयाशु |
स्वं यौवनं किल कलिङ्गधराकलावा
नानन्दयत्वममूं तव दृक्चकोरीम् ॥ १२ ॥
For Private & Personal Use Only
www.jainelibrary.org
