________________
णेमिसामि पजण्णो संबुकुमारो तहेव अणिरुद्धो । बाहत्तरिकोडीओ उज्जंते सत्तसया सिद्धा ॥४॥ रामसुआ बेण्णि जणा लाडणरिंदाण पंचकोडीओ । पावागिरिवरसिहरे णिव्वाणगया णमो तेसिं ॥५|| पंडुसुआ तिण्णिजणा दविडणरिंदाण अट्ठकोडीओ। सत्तुंजयगिरिसिहरे णिव्वाणगया णमो तेसिं ॥६।। संत्ते जे बलभद्दा जदुवणरिंदाण अट्ठकोडीओ । गजपंथे गिरिसिहरे णिव्वाणगया णमो तेसिं ||७|| रामहणू सुग्गीवो गवयगवाक्खो य णीलमहाणीला । णवणवदीकोडीओ तुंगीगिरिणिव्वुदे वंदे ॥८॥ णंगाणंगकुमारा कोडीपंचद्धमुणिवरे सहिया ।
सुवण्णगिरिवरसिहरे णिव्वाणगया णमो तेसिं ।।९।। दहमुहरायस्स सुआ कोडी पंचद्ध मुणिवरे सहिया । रेवाउहय तडग्गे णिव्वाणगया णमो तेसिं ॥१०॥ रेवाणइए तीरे पच्छिमभायम्मि सिद्धवरकूडे । दो चक्की दह कप्पे आहुट्ठयकोडिणिव्वुदे वंदे ।।११।। वड़वाणीवरणयरे दक्खिणभायम्मि चूलगिरिसिहरे । इंदजीयकुंभयणो णिव्वाणगया णमो तेसिं ॥१२॥ पावागिरिवरसिहरे सुवण्णभद्दाइमुणिवरा चउरो । चलणाणईतडग्गे णिव्वाणगया णमो तेसिं ॥१३।। फलहोडीवरगामे पच्छिमभायम्मि दोणगिरिसिहरे । गुरुदत्ताइमुणिंदा णिव्वाणगया णमो तेसिं ॥१४।। णायकुमारमुणिंदो वालि महावाली चेव अज्झेया । अट्ठावयगिरिसिहरे णिव्वाणगया णमो तेसिं ॥१५।। अच्चलपुरवरणयरे ईसाणे भाए मेढगिरिसिहरे । आहुट्ठयकोडीओ णिव्वाणगया णमो तेसिं ॥१६॥ वंसत्थल वरणियरे पच्छिमभायम्मि कुन्थुगिरिसिहरे । कुलदेसभूसणमुणी णिव्वाणगया णमो तेसिं ॥१७|| जसहररायस्स सुता पंचसयाई कलिंगदेसम्मि । कोडिसिलाकोडिमुणी णिव्वाणगया णमो तेसिं ॥१९।। पासस्स समवसरणे सहिया वरदत्तमुणिवरा पंच । रेसिंदि गिरिसिहरे णिव्वाणगया णमो तेसिं ॥२०॥
१४४]
[प्रतिष्ठा-प्रदीप]
Jain Education International 2010_05
For Private & Personal Use Only
www.jainelibrary.org
