________________
माहात्म्यमण्डितमखण्डितपौरुषेयं
श्रीयोगिनीपुरपुरन्दरमाचिरेयम् ॥३॥ मायामयस्मयभयप्रमयप्रवीणं
धीरध्वनेर्मधुरताधरितेन्द्रवीणम् । ध्यायामि विश्वजनवल्लभनामधेयं
श्रीयोगिनीपुरपुरन्दरमाचिरेयम् ॥ ४ ॥ श्रीजाउरपुरस्थायी सुधापायीश्वरप्रियः । शान्तिर्दूरीकृताशान्तिः स्तुतोऽस्तु प्रगुणश्रिये ॥५॥
॥ इति श्रीजाउरमण्डनशान्तिनाथस्तवनम् ॥
नमः स्याद्वादिने।
अथ श्रीनेमिजिनस्तवनम् । मानेनानूनमानेन नोनमुन्नामिमाननम् । नेमिनामानमममं मुनीनामिनमानुमः ॥ १॥
-
अवचूरिः। मानेनेत्यादि, आनुमः स्तुमः, के कर्तारः ? वयम् । कं कर्मतापनम् ? मुनीनामिनम् मुनीन्द्रम् । किमभिधानम् ? नेमिनामानम् जिनम् । पुनः किंविशिष्टम् ? उन्दी क्लेदने इत्यस्य धातोः न नुन्नं न क्लिनं नाकान्तमित्यर्थः । केन ? मानेन अहवारेण, किंविशिष्टेन ? अनूनमानेन अतुच्छप्रमाणेन, पुनः किंविधम् ? उन्ना. मिमाननम् । उन्नामिनः उत्सर्पिणी मानना पूजा यस्य सः। पुनः किंविशिष्टम् ? अममम् निर्मममित्यर्थः ॥१॥
Jain Education International
For Private & Personal Use Only
www.jainelibrary.org |
