________________
१५२
श्रीनाभिवंशजलराशिनिशीथिनीशः
श्रेयःश्रियं प्रथयतु प्रथमो जिनेशः ॥ १॥ गोक्षीरहीरहरहारविहारहारि
कीर्तिप्रमोदितजनोदितमोहपाशः । कुर्वन् कुकर्मविजयं विजयातनूज. स्तन्यान्महोदयमहोदयसंपदं वः ॥ २ ॥ स्फूर्जन्निजोर्जितजितारिजितारिभूप
वंशान्तरिक्षतरणिं तरणिं भवाब्धौ । रोषादिदोषपरिमोषपरस्वभावं
श्रीसंभवं विभवसम्भवमानमामि ॥ ३ ॥ प्रहप्रभूतपुरुहूतशिरःप्रदेश
कोटीरकोटितटघट्टितपादपीठम् । वन्देऽहमिन्दुकरगौरगुणैरमन्द___ मानन्दकन्दमभिनन्दनतीर्थनाथम् ॥ ४ ॥ गाङ्गेयगेयरुचिमक्षयमोक्षसौख्य
लक्षीवशीकरणकारणकार्मणाभम् । भव्याङ्गिनेत्रकुमुदाकरकौमुदीशं
नौमि प्रणम्रसुमतिं सुमतिं मुनीशम् ॥ ५ ॥ श्रीमेघभूमिपतिनिर्मलवंशवंश
मुक्तामणिर्गुणमणीगणरोहणाद्रिः । बालप्रवालविलसत्तनुकान्तिकान्तः
पद्मप्रभो दिशतु वः शिवसौख्यलक्ष्मीम् ॥ ६॥
Jain Education International
For Private & Personal Use Only
www.jainelibrary.org
