Page Text
________________
आगम और त्रिपिटक : एक अनुशीलन
[खण्ड : १
अथ खो राजा मागधो अजातसत्तु वेदेहिपुत्तो पञ्चसु हत्थिनिकासतेसु पच्चेका इत्थिोयो आरोपेत्वा, आरोहणीयं नागं अभिरुहित्वा, उक्कासु धारियमानासु, राजगहम्हा निय्यासि महच्चा राजानुभावेन येन जीवकस्स कोमारभच्चस्स अम्बवनं तेन पाय्यासि |
५१६
अथ खो रज्ञो मागधस्स अजातसत्तुस्स वेदेहिपुत्तस्स अविदूरे अम्बवनस्स अहुदेव भयं, अहु छम्मितत्तं, अहु लोमहंसो । अथ खो राजा मागधो अजातसत्तु वेदेहिपुत्तो भीतो संविग्गो लोमहट्टजातो जीवकं कोमारभच्चं एतदवोच - " कच्चि मं सम्म जीवकं न वञ्चेसि ? कुच्चि मं, सम्म जीवक, न पलम्भेसि ? कच्चि मं, सम्म जीवक, न पच्चत्थिकानं देसि ? कथं हि नाम ताव महतो भिक्खुसङ्घस्स अद्धतेलसानं भिक्खुसतानं नेव खिपितसद्दो भविस्सति न उक्कासितसद्दो निग्घोसो" ति !
"मा भायि, महाराज ; मा भायि, महाराज । न ते, देव, वञ्चेति । न तं देव, पलम्भाभि । न तं देव, पच्चत्थिकानं देमि । अभिक्कम, महाराज, अभिक्कम, महाराज । एते मण्डलमाले दीपा झायन्ती" ति ।
अथ खो राजा मगधो अजातसत्तु वेदेहिपुत्तो यावतिका नामस्स भूमि नागेन गन्त्वा, नागा पच्चोरोहित्वा, पत्तिको व येन मण्डलमालस्स द्वारं तेनुपसङ्कमि, उपसङ्क्रमित्वा जीवकं कोमारभच्चं एतदवोच - " कहं पन, सम्म जीवक, भगवा" ति ?
“एसो, महाराज, भगवा ; एसो, महाराज, भगवा मज्झिमं थम्भं निस्साय पुरत्या भिमुख निसिन्नो, पुरक्खतो भिक्खुसङ्घस्सा" ति ।
अथ खो राजा मागघो अजातसत्तु वेदेहिपुत्तो येन भगवा तेनुपसङ्कमि ; उपसङ्कमित्वा एकमन्तं अट्ठासि । एकमन्तं ठितो खो राजा मागधो अजातसत्तु वेदेहिपुत्तो तुम्हीभूतं भिक्खुसङ्घ अनुविलोकेत्वा रहदमिव विप्पसन्नं, उदानं उदानेसि - "इमिना मे उपसमेन उदयभद्दो कुमारो समन्नागत होतु येनेतरहि उपसमेन भिक्खुसङ्घो समन्नागतो" ति ।
"आगमा खो त्वं, महाराज, यथापेमं" ति ।
“पियो मे, भन्ते, उदयभद्दो कुमारो । इमिना मे, उपसमेन उदयभद्दो कुमारो समन्नागतो होतु येनेतरहि उपसमेन भिक्खुसङ्घो समन्नागतो" ति ।
अथ खो राजा मागधो अजातसत्तु वेदेहिपुत्तो भगवन्तं अभिवादेत्वा, भिक्खुसङ्घस्स अञ्जलि पणामेत्वा, एकमन्तं निसीदि । एकमन्त निसिन्नो खो राजा मागधो अजातसत्तु वेदेहिपुत्त भगवन्तं एतदवोच - "पुच्छेय्या महं, भन्ते, भगवन्तं किञ्चिदेव देसं, सचे मे भगवा ओकासं करोति पञ्हस्स वेय्याकरणाया " ति ।
"पुच्छ, महाराज, यदाकङ्खसी" ति ।
सामञ्जफलपुच्छा
"यथा नु खो हमानि भन्ते, पुथुसिप्पायतनानि, सेय्यथिदं - हत्थारोहा अस्सारोहा रथिका धनुग्गहा चेलका पिण्डदायका उग्गा राजपुत्ता पक्खन्दिनो महानागा सूरा चम्मयोधिनो दासिकपुत्ता आलारिका कप्पका न्हापका सूदा मालाकारा रजका पेसकार, नलकारा कुम्भकारा गणका मुद्दिका, यानि वा पनञ्जानि पि एवंगतानि पुथुसिप्पायतनानि, ते दिट्ठेव धम्मे सन्दिट्ठकं सिप्पफलं उपजीवन्ति; ते तेन अत्तानं सुखेन्ति पीणेन्ति, मातापितरो सुखेन्ति पीणेन्ति,
Jain Education International 2010_05
For Private & Personal Use Only
www.jainelibrary.org
| SR No. | 002621 |
| Book Title | Agam aur Tripitak Ek Anushilan Part 1 |
| Original Sutra Author | N/A |
| Author | Nagrajmuni |
| Publisher | Concept Publishing Company |
| Publication Year | 1987 |
| Total Pages | 744 |
| Language | Hindi |
| Classification | Book_Devnagari, Agam, Canon, & History |
| File Size | 15 MB |