________________
[प्र०
श्रीपल्लोपालवंशीयधनपालविरचितः कश्चक्रे वल्कलाधीनां तनुं चीनांशुकोचिताम् ? । न ते' वयसि विद्वेषः किमेष विषयेषु ते ! ॥५६॥ तस्या मयैवमुक्ताया गलिताश्रुकणावलिः । प्राग्दशां दर्शयन्तीव हारश्रियमशिश्रियत् ॥५७|| मदर्पिताम्बुधौताक्षी सा जगाद सगद्गदम् । श्रूयतां मे महाभाग ! प्रागवस्था व्यथामयी ॥५८॥ अस्ति काञ्चीति काञ्चीव पृथिव्याः प्रथिता पुरी । तस्यां तेजोनिधिर्भूपरत्नं कुसुमशेखरः ॥५९॥ तस्य गन्धर्वदत्तेति देवी प्रेमैकमन्दिरम् । दत्तदुःखातिरेकाहं तयोरेका तनूद्भवा ॥६०॥ आदिष्टं वसुरातेन ज्ञानिना मम जन्मनि । पुण्यपात्रमियं कन्या यश्चैनां परिणेष्यति ॥६१॥ चक्रिणा न्यस्तराज्यश्रीः स प्रभुत्वं करिष्यति । दृष्टस्तातोऽथ मां चक्रे नाम्ना मलयसुन्दरीम् ॥६२॥ वर्द्धमाना कलाभ्यासपरा लेखेव वैधवी । क्रमादहं स्मरोन्मादपदं यौवनमासदम् ॥६३॥ निद्राणा चन्द्रशालायामेकदा क्षणदामुखे । अकस्मादस्मि दिव्येन नान्दीनादेन बोधिता ॥६४॥ उन्निद्रचक्षुरद्राक्षमात्मानमतिविस्मिता। कोणैकदेशे माणिक्यनिर्माणस्य जिनौकसः ॥६५॥ पार्श्वे च रुचिराः कन्याः काश्चिदत्यानतोन्मुखीः । हस्तन्यस्तमुखीः काश्चित् काश्चित् कौतूहलाकुलाः ॥६६॥ [च]किताऽचिन्तयं चाहमहो ! किमिदमद्भुतम् । स्वप्नः किमिन्द्रजालं किमिन्द्रियाणां भ्रमो नु किम् ? ॥६॥
१ ने। २ च । ३ The choice of this word is rather unhappy due to its similarity with the derivative from the word 'Vidhava'. १ नो।
Jain Education International 2010_05
For Private & Personal Use Only
www.jainelibrary.org
