________________
चतुस्त्रिंशं लेश्याध्ययनम् ॥
कर्मप्रकृतीनां स्थितिर्लेश्याभिः स्यादिति चतुस्त्रिंशं लेश्याध्ययनमाह-अत्र नियुक्ति:
लेसाणं निक्खेवो, चउव्विहो दुविहो होइ दव्वंमि । आगमनोआगमतो, नोआगमतो य सा तिविहा ॥१॥ [उ. नि./गा.५३४] जाणगसरीरभविए, तव्वइरित्ते य सा पुणो दुविहा । कम्मा नोकम्मे य नोकम्मे होइ दुविहा उ ॥२॥ [ उ. नि./गा.५३५ ] जीवाणमजीवाण य, दुविहा जीवाण होइ नायव्वा । भवमभवसिद्धियाणं, दुविहाण वि होइ सत्तविहा ॥३॥ [उ. नि./गा.५३६ ] अजीवकम्मणो दव्व-लेसा दसविहा उ नायव्वा । चंदाण य सूराण य, गहगणनक्खत्तताराणं ॥४॥ [उ. नि./गा.५३७] आभरणाच्छादणा, दंसगाणमणिकागिणीण जा लेसा । अजीववदव्वलेसा, नायव्वा दसविहा एसा ॥५॥ [उ. नि./गा.५३८] जा कम्मदव्वलेसा, [ सा] नियमा छव्विहा उ नायव्वा । किन्हा नीला काऊ, तेऊ पम्हा य सुक्का य ॥६॥ [उ. नि./गा.५३९] दुविहा उ भावलेसा, विसुद्धलेसा तहेव अविसुद्धा । दुविहा विसुद्धलेसा, उवसमखइया कसायाणं ॥७॥ [उ. नि./गा.५४०] अविसुद्धभावलेसा, [सा] दुविहा नियमसो उ नायव्वा । पिज्जंमि अ दोसंमि अ अहिगारो कम्मलेसाए ॥८॥ [उ. नि./गा.५४१] नोकम्मदव्वलेसा, पओगओ वीससाए नायव्वो । भावे उदओ भणिओ, छण्हं लेसाणजीवेसु ॥९॥ [उ. नि./गा.५४२] अज्झयणे निक्खेवो, चउक्कओ दुविहो य होइ दव्वंमि । आगमनोआगमतो, नोआगमतो य तं तिविहं ॥१०॥ [उ. नि./गा.५४३ ]
Jain Education International 2010_02
For Private & Personal Use Only
www.jainelibrary.org
