Page Text
________________
हितोपदेशः । गाथा-२९ - श्रीसम्भवप्रभुचरितं तृतीयो भवः ।।
पजनगजिगहिरे वियंभिए देवदुंदुहिनिनाए । चउविहसुरेहिं जुगवं कए य जयमंगलुग्गारे ।।२०८।। दाविजंतो अंगुलिसएहिं रसणासएहिं थुव्वंतो । आसंसिजंतो कुलथेरीहिं चेलहत्थाहिं ।।२०९।। सावत्थीनयरीए मज्झेण विसुज्झमाणसुहलेसो । संचरिउं संपत्तो सहसंबवणम्मि सो भयवं ।।२१०।। हिट्ठा असोयवरपायवस्स ओरुहिय दिव्वसिवियाओ । उम्मयइ ममत्तं पिय वत्थालंकारमल्लाई ।।२११।। पंचहिं मुट्ठीहिं समुद्धरेइ दुद्धरकिलेसजालं व । केसुचयं तमिंदो खीरोयजलम्मि पक्खिवइ ।।२१२।। निक्खिवइ देवदूसं वामे खंधमि वासवो पहुणो । कयसिद्धनमुक्कारो समभावठिओ तओ भयवं ।।२१३।। मग्गसिरपुनिमाए मिगसीसजुए ससिम्मि पुव्वते । पडिवजइ पव्वजं छटेणं निवसहस्सजुओ ।।२१४।। उज्जोइयसयलजए अवि नारयतिक्खदुक्खसंहरणे । तम्मि खणे उप्पनं नाणं मणपजवं पहुणो ।।२१५ ।। इय आरूढे संजमरहम्मि भवरिउजयाय जिणजोहे । पणमिय गया सठाणं तचरियचमक्किया तियसा ।।२१६।। भयवं पि सयलजयजीवजायहिए कयमई अणासत्तो । तमहोरत्तं तत्थेव संठिओऽणिट्ठिउच्छाहो ।।२१७ ।। बीयंमि दिणे गंतुं सुरिंददत्तस्स खत्तियस्स गिहे । परमनेणं लद्वेण कुणइ छट्ठस्स पारणयं ।।२१८ ।। आवडिया वसुहारा पाउन्भूयाणि पंच दिव्वाणि । जाओ य सुरिंदस्स वि सुरिंददत्तो थुइट्ठाणं ।।२१९ ।। कयपारणो य भयवं तिगुत्तिगुत्तो य पंचसमिओ य । समसत्तुमित्तचित्तो विहरइ वसुहं अणाबाहो ।।२२०।। चरइ तवं अइतिव्वं दव्वाइअभिग्गहे धरइ विविहे । रुंभइ मणं निसुंभइ पमायखलियाई उवउत्तो ।।२२१ ।। आयावेइ य विविहं उवसग्गपरीसहे सहइ घोरे । अंतररिऊण दमणं अद्दीणमणो सया कुणइ ।।२२२।। तह खंतिमद्दवजवतवसंजमसञ्चसोयबंभेसु । सन्नाणचरणदसणगुणेसु सव्वुत्तमतमेसु ।।२२३।। पइदियहं वतो अप्पडिबद्धो य गामनगरेसु । विहरइ एगग्गमणो चउदसवासाइं सो भयवं ।।२२४ ।। अह सावत्थिपुरीए सहसंबवणम्मि सालतरुमूले । सुक्कज्झाणाइमभेयजुयलमुल्लंघियठियस्स ।।२२५ ।। कत्तियकिन्हाए पंचमीइ मिगसिरगयमि निसिनाहे । छटेणं पुव्वह्ने उप्पन्नं केवलन्नाणं ।।२२६ ।। जाओ भवणुज्जोओ सह नरतिरिनारयाण सुक्खेण । तह वज्जियाउ दिवि दुंदुहीउ सयमेव समकालं ।।२२७।। अह चलियासणसंभंतमिलियचउसट्ठितियसनाहेहिं । चउविहसुरनिवहजुएहिं तत्थ रइयं समवसरणं ।।२२८ ।। वंतरसुरनिम्मविए जोयणपरिमंडले रयणवीढे । मणिकणयरययमइयं मणिकउसीसं चउदुवारं ।।२२९।। वेमाणिजोइसभवणाहिवेहिं वप्पत्तयं कयं कमसो । चेइयतरुधम्मज्झयसीहासणधम्मचक्काई ।।२३०।। पुक्खरिणिदेवछंदयचामरवरछत्तमंगलियपमुहं । वंतरसुरेहिं सेसं जिणपडिछंदाई तत्थ कयं ।।२३१।। तो थुव्वंतो सुरनायगेहिं नवकणगकमलकयचलणो । उवविसइ तत्थ सामी पुव्वमुहो मणिमए पीढे ।।२३२।। अह उवसंते घणगजिघोसगहिरे जयारवुम्मीसे । दुंदुहिसद्दे नियनियठाणनिविट्ठासु य सहासु ।।२३३।। जोयणपसप्पिणीए सव्वसभासाणुगाइ वाणीए । पारद्धा धम्मकहा भव्वाणुग्गहकए पहुणा ।।२३४।। तथा - "भो भो भव्याङ्गिनस्तीक्ष्णदुःखलक्षजलाविले । अनिष्टेष्टभवद्योगवियोगलसदूर्मिके ।।२३५।। गम्भीरलोभसक्षोभतले कुग्राहसङ्कले । समुद्बुद्धगुरुक्रोधवडवानलभीषणे ।।२३६।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |