Page Text
________________
हितोपदेशः । गाथा - २९- श्रीसम्भवप्रभुचरितं तृतीयो भवः ।।
पत्ते य बारसाहे वाहरिउं नियकुलुब्भवनरिन्दे । गोरविऊणं सगिहे भोयणवत्थाइदाणेण । । १५० ।। भइ जिआरिनरिन्दो अमन्दआणन्दसंगओ एवं । हंहो महानरिन्दा एयस्स सुयस्स अवयारे । । १५१ ।। उवसन्तडमरविड्डुरदुब्भिक्खोवद्दवम्मि महिवलए । जं संभूया सस्सा होउ इमो संभवो तम्हा ।। १५२ ।। इय नियगुणनिफने पहुणो नामंमि कप्पिए पिउणा । पमुइयमणेहिं एवं हवउ त्ति समत्थियं तेहिं । । १५३ ।। अह सक्कपउत्ताहिं पंचहि वर अच्छराहिं धाईहिं । लालिज्तो निउणं सुहेण सो वड्डइ भयवं । । १५४।। अंगुम्मिय पण वयणनिहित्ते सिसुत्तभावाओ । संचारिन्ति सुरिन्दा अमयरसं पमयरसरसिया । । १५५ ।। कमसो सुरासुरेहिं सेविज्वंतो सया वि भुवणगुरू । उम्मुयइ बालभावं पुव्वन्हे दिवसनाहु व्व । । १५६ ।। गंभीरमाइ रयणायरु व्व दुद्धरिसयाइ सीहु व्व । विज्जाहिं अलंकरिओ सहावसिद्धाहिं सो भयवं । । १५७ ।। पत्तो कलासु सयमेव पयरिसं जयगुरू किमच्छरियं । विंझु व्व गयवराणं सुचिय पभवो कलाण जओ ।।१५८ ।। भुवणत्तये विरूवं अप्पडिमं सामिणो सिसुस्सावि । किं पुण भणिमो सव्वंगजुव्वणारम्भसुभगस्स ।। १५९ ।। सिरिवच्छंकियवच्छो अट्ठग्गसहस्सलक्खणसमेओ । अह संभवजिणनाहो पत्तो नवजुव्वणारम्भं । । १६० ।। उत्तत्तकणयवन्नो चउसयधणुऊसिओ सहइ सामी । कणयायलु व्व कोउगवसेण पुरिसत्तणं पत्तो ।।१६१ ।। अह दिसि दिसि पसरते पहुणो लायन्त्रपरिमलुप्पीले । वासियमणा मणोरमकन्नाउ नियाउ नरवइणो । । १६२ ।। सिरिसंभवकुमरकएपेसंतिसयंवराउसावत्थिं । भूरिकरितुरयरहसुहडवियडलच्छीसणाहाउ ।।१६३ । । युग्मम् ।। ततो जियारिराया मायामयविप्पमुक्कहिययस्स । संभवकुमरस्स पुरो ससिणेहमिणं समालवइ । । १६४ ।। वच्छ ! न वंछा तुच्छेसु जइ वि तुह दुहफलेसु भोगेसु । न रमइ मणं मणंपि हु तुह पेयवणम्मि व भवम्मि ।।१६५ । । किं तु जयविम्हयकरं मुणिउं रूवाइगुणगणं तुज्झ । अपत्थिएहिं पत्थिवसत्थेहिं जाउ पहियाउ ।।१६६।। ताओ नरनाहकन्नाओ रूवलावन्त्रलच्छिनिलयाओ । तुह सूरकरप्फंसेण परमिणीओ व्व विहसंतु । । १६७ ।। इचाइ जियारिनरेसरम्मि सप्पणयमालवंतंमि । नाणेण मुणियसमओ समागओ तत्थ सक्को वि ।। १६८ ।। नमिऊण नमिरमणिमयकिरीडकोडीघडंतपयपीढो । पत्थेइ जियारिनरेसरु व्व सामिं विवाहत्थ । । १६९ ।। अवणबंधवो वहु नाणत्तयमुणियभवसरूवो वि । पिक्खंतो भोगफलं नियकम्ममवस्सखवणिज्जं । । १७०।। तह तिव्वं निब्बंधं पिउणो जणणीइ वच्छलत्तं च । सक्कोवरोहिओ कहकहंपि मन्त्रइ अकामो वि ।।१७१ । । दक्खिन्त्रमहो अहिणा विवाहकम्मंमि पडिसुए पहुणा । जाया सुरनरनाहा पमोयरसपसरअत्थाहा ।।१७२ ।। अहमहरिह-रिद्धिपबंधबंधुरो सामिणो विवाहमहो । जंभारिजुएण जियारिराइणा निम्मिओ विहिणा ।। १७३ ।। तत्तोककाव्वे जहागयं पडिगए सुरिंदम्मि । सम्माणदाणपुव्वं विसज्जिएसुं नरिंदेसु ।।१७४ ।। नियरूवहसियतियसंगणाहिं नवपरिणीयाहिं सह ताहिं । मणिपासाए भयवं विविहं विलसइ अणासत्तो । । १७५ ।। दिव्वं भोगुवभोगं गिव्वाणगणा जिणस्स उवणिति । मणुओ वि जओ भयवं अमाणवो चेव चरिएहिं । । १७६ ।। कमसोय विविहलोइयविणोयनिरयस्स संभवजिणस्स । पंचदसपुव्वलक्खा कुमारभावंमि वोलीणा । । १७७ ।। इत्तो जियारिया नियनिक्खमणस्स समयमवगम्म । महया उवरोहेणं ठविउं सिरिसंभवं रज्जे ।।१७८ ।।
Jain Education International 2010_02
For Private & Personal Use Only
४७
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |