Hitopadesh

SR No.: 002567
Original Sutra Author: N/A
Author: Prabhanandsuri, Parmanandsuri, Kirtiyashsuri
Publisher: Sanmarg Prakashan
Publication Year: 2009
Total Pages: 534
Language: Sanskrit
Classification: Book_Devnagari & Literature
File Size: 11 MB

Page 90

हितोपदेशः । गाथा-२९ - श्रीसम्भवप्रभुचरितं तृतीयो भवः ।।
४५
गोसीसविलित्तनियत्थदेवदूसं च काउमुभयं पि । चंदणदारुहिं कुणंति अग्गिकम्मेण वरभूई ।।१४।। बंधिय तप्पुट्टलियं मणिगोलयजुयलयं सवणमूले । ताडंतीउ पणिति होसु जिण ! पव्वयाउ त्ति ।।१५।। इय कयनियकिचाउ जम्मणभुवणे जिणं सजिणजणणिं । ठविउं गायंतीउ सव्वाओ ठंति तेसि गुणे ।।१६।। अह चलियासणविणिउत्तअवहिविनाय तित्थयरजम्मो । सोहंमवई सहरिसमन्भुट्ठिय पणयजिणनाहो ।।१७।। तक्खणनिउत्तहरिणेगमेसिताडियसुघंटसद्देण । अवहियएगूणदुसोललक्खवरसुरविमाणाणं ।।१८।। सामीहिं सपरिवारहिं परिवुडो पालयं वरविमाणं । आरुहिउं संपत्तो जियारिनरनाहभवणम्मि ।।१९।। मुत्तूण विमाणं पणमिऊण जिणनायगं च जणणिं च । साहियनियकायव्वो दाउं अवसोयणिं तीसे ।।१००।। मुत्तूण पडिच्छन्दं जिणस्स होऊण पंचरूवधरो । एगेण जिणं गिन्हइ छत्तं धारइ अवरेण ।।१०१।। दोहिं च चामराओ वजकरो पंचमेण रूवेण । उप्पइओ गयणेणं संपत्तो मंदरं झत्ति ।।१०२।। अइपंडुकम्बलाए सिलाइ सीहासणंमि पुव्वमुहे । उच्छंगसंगयजिणो सोहम्मवई समुवविट्ठो ।।१०३।। अडवीसलक्खवरसुरविमाणसामी तओ य ईसाणो । सपरीवारो पुप्फयमारुहिउं मंदरं पत्तो ।।१०४।। बारसलक्खविमाणाण तियसतियसीगणेहिं परियरिओ । सोमणंसविमाणेणं सणंकुमाराहिवो एइ ।।१०५।। माहिन्दवासवो विहु विमाणलक्खट्ठतियसपरियरिओ । सिरिवच्छेण विमाणेण झत्ति मेरुम्मि संपत्तो ।।१०६।। अह बंभलोगसामी चउलक्खविमाणवासिसुरसहिओ । नंदावत्तविमाणं आरुहिय जिणंतियं पत्तो ।।१०७।। पन्नाससहस्सविमाणवासिवरतियससंजुओ पत्तो । कामगवविमाणेणं जिणंतियं लंतयाहिवई ।।१०८।। अह सुक्ककप्पसक्को आरूढो पीइगमविमाणम्मि । चत्तालीससहस्सविमाणसुरसहयरो एइ ।।१०९।। सहसारकप्पसामी छसहस्सविमाणवासिसुरसहिओ । मंदरगिरिम्मि पत्तो मणोरमेणं विमाणेणं ।।११०।। चउसयविमाणतियसुत्तमेहिं अहमहमिगाइ अणुजाओ । विमलेण विमाणेणं आणयपाणयपहु पत्तो ।।१११ ।। आरणअअयसामी तिसयविमाणामरेहिं परियरिओ । ओइनो सुरसेले आरूढो सव्वओभदं ।।११२।। तहा - चमरे बली' य धरणे भूयाणंदे य वेणुदेवें" य । तत्तो य वेणुदाली हरिकंत हरिस्सहे चेव ।।११३।। अग्गिसिह अग्गिमाणव' पुन वसिढे तहेव जलकंते । जलपह" तह अमियगई५ बीएऽमियवाहणे इंदे ।।११४ ।। वेलंबे य पभंजण घोसे चेव य तहा महाघोसे । भुवणवईणं इंदा एए वीसं सपरिवारा ।।११५।। दिव्वेहि विमाणेहिं मन्दरसेले जिणंतियं पत्ता । जोइसियाणं पहुणो एवं चंदा य सूरा य ।।११६।। तहा - काले य महाकाले सुरूव पडिरूव पुनभद्दे य । अमरवइ माणिभद्दे भीमे य तहा महाभीमे ।।११७ ।। किन्नर' किंपुरिसे खलु सप्पुरिसे चेव तह महापुरिसे२ । अइकाय महाकाए' गीयरई५ चेव गीयजसे ६ ।।११८ ।। तहा - सनिहए सम्माणे धाय वधाएं य असि य असिपाले । ईसर महेसरे वाहवइ सुवच्छे विसाले य ।।११९।। हासो हासरई २ वि य सेय३ भवे चेव तह महासेए । पयगे५ पयगवई वि य बोधव्वा आणुपुब्बीए ।।१२०।।
_Jain Education International 2010_02