Page Text
________________
४४
हितोपदेशः । गाथा-२९ - श्रीसम्भवप्रभुचरितं तृतीयो भवः ।।
तप्पभिइ खीरसायरवेला ससिणं व पडिहयतमोहं । सुत्ती सुवित्तमुत्ताहलं व देवी वहइ गब्भं ।।६।। जह जह वड्डइ गब्भो सो निरुवमभागधेयसंदब्भो । तह तह नरनाहो वि हु जसेण कोसेण सिनेण ।।६७ ।। दुभिक्खडमरविड्डररोगुब्भवमारिईइपभिइया । मंगलनिलयम्मि जिणे ओइन्ने झत्ति उवसन्ता ।।६८।। सुररायकयाणुना भवणं देवीइ जिंभगा देवा । अस्सामिएहिं सययं सिंहासणकलसेहिं पूरिति ।।६९।। वाउसुरा तं विरयं रयंति सिंचंति मेहमुहदेवा । उउदेवीओ पणवन्न "कुसुम [कुसुमवासंच] वासन्ति ।।७।। जह जह देहावयवा गब्भोवचएण उवचयमुर्विति । लहलहइ तेसु तह तह तीए घुणलवणिमुल्लासो ।।७१।। करिकलहदंतछेयच्छवी कवोलेसु सहइ देवीए । गब्भट्ठियजिणवरविमलपुनजुन्ह व्व पसरंती ।।७२।। दटुं पिव देवीए अप्पडिहयदीहदंसणं तणयं । सविसेसं संजाया कुवलयदलदीहरा दिट्ठी ।।७३।। नहु वयणपरिचओ वि हु होही अम्हाण सह जिणिंदेण । इय दुक्खेण व जाया साममुहा उररुहा तीए ।।७४।। दाही धुवमवयासं न एस अंतररिऊण वि बलीणं । उपरि वि वलिविलासो तेण निरुद्धो सजणणीए ।।७५।। आडंबरो महंतो होइ असाराण चेव वत्थूणं । तिहुयणसारे वि जिणे तेणं चिय गूढगब्भा सा ।।७६।। वेमाणियच्छराओ जिणवरगुणरायरत्तहिययाओ । सेवागयाओ देविं सुहगुट्ठीहिं विणोयंति ।।७७।। मणिदप्पणाई दार्विति जोइरमणीउ तीइ अणवरयं । वररयणतालयंटेहिं भवणदेवीउ वीयन्ति ।।७८।। संवाहणमंगाणं कुणंति वंतरसुरीउ सप्पणयं । इय सेविजइ देवी दिवानिसं देवजुवईहि ।।७९।। गब्भाणुभाववसओ चिंतइ हियमेव सव्वसत्तेसु । मणयं पि न संमुज्झइ सुहुमेसु वियारगहणेसु ।।८।। नो अइउन्हेहिं न सीयलेहिं नो तित्तकडुयलुक्खेहिं । आहारेहिं गन्भं पीणइ माणेइ दोहलए ।।८।। अह तीइ तियससुंदरितियसिंदनरिंदचारणमुणीहिं । सलहिजंतीइ सुहंसुहेण पत्तो पसवसमओ ।।८२।। तो उछट्ठिएसु सुहग्गहेसु पावेसु पडिहयपहेसु । मग्गसिरसुद्धचउदसिनिसीहमिगसीसससियोगे ।।३।। उज्जोयंतं भुवणत्तयं पि तिरिनारए य सुहयंतं । हयचिंधं हेमपहं पसवइ सेणा जिणं तणयं ।।८४।। तप्पुत्रपणुल्लियपीढमुणियजिणजम्मसमयकिञ्चाओ । छप्पन्नदिसाकुमरीओ किञ्चमेवं कुणंति तहिं ।।८५।। अट्ठ अहोलोगनिवासिणीउ जिणजम्मभवणपेरंते । जोयणमित्तं खित्तं कुणंति रयकंटयविउत्तं ।।८६।। अट्ठद्धलोगवत्थव्वयाउ विहियन्भवद्दलाउ तयं । गंधोदयसित्तं मुक्ककुसुमपयरं च विरयन्ति ।।८७।। पुवाइरुयगवत्थब्वयाउ पत्तेयमट्ठसंखाउ । दप्पणवीयणभिंगारचमरपरिमंडियकराओ ।।८८।। नियनियदिसासु चिट्ठति विदिसिदेवीउ तयणु चत्तारि । दीवयहत्थाउ ठंति विदिसिभागेसु नियएसु ।।८९।। अह मज्झिमरुयगनिवासिणीउ चत्तारि दिसिकुमारीउ । मउलंति नाहिनालं जिणस्स चउरंगुलाणुवरि ।।१०।। तं च सरयणं भूनिहियमुवरिहरियालियाविहियपीढा । दाहिणचाउस्साले विउब्बिए जिणजुयं जणणिं ।।११।। मणिपीढे संठविङ अब्भंगिय सयसहस्सपागेहिं । उव्वद्वृति य मिउसुरहिगंधचुन्नेहिं उभयं पि ।।१२।। तो पुब्वचाउसाले न्हविउं गंधोदएहिं जुयलं पि । निम्मज्जियंगमुत्तरचउसाले ठविय मणिपीढे ।।१३।।
14. कुसुमवासं च इति पाठो भाति - संपा० ।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |