Page Text
________________
हितोपदेशः । गाथा-२९ - श्रीसम्भवप्रभुचरितं प्रथमो भवः ।।
३७
दुभिक्खे वि हु जाए जीवइ तणुओ वि नणु जणो कीस ? । इय दुक्खेण व रक्खसदिसा वि नीससइ पवणमिसा ।।२९।। इय दुसमए पयट्टे नवऽननिष्फत्तिमन्तरेण जणो । पुवनसंखएणं खणे खणे खिजिउं लग्गो ।।३०।। अहकइया विनरिंदोपहाणकइवयनरेहिं परियरिओ।पासायउदयमहिहरसिहरे मिह(हि)रुव्व आरूढो ।।३१।। जाव निवडंतकुवलयदलपयरं पिव सदिट्ठिवाएहिं । कुणइ पुरपरिसरं ता पिक्खइ कंकालजालभियं ॥३२॥ तत्तो संभंतमणो पभणइ पासट्ठिए नरे एवं । “अहह ! किमदिट्ठमस्सुयपुव्वं एवं विभावेमि ? ॥३३।। किं समहियकरउप्पायणेण ? किं तकरपओगेण ?। खीणधणो नयरिजणो रोगेण व पावए निहणं ।।३४।। जं नरकरंकसंकुलमेवं पुरपरिसरं" ति निवभणिए । ते विनवंति "न हु देव ! पुव्वहेऊणमेगो वि ।।३५।। किंतु अइभीसणेणं दुभिक्खेणं न सस्सनिष्फत्ती । संते वि धणे पाउणइ तेण निहणं नयरिलोओ" ॥३६।। इय सोउं कारुणिओ सहसा तदुक्खदुक्खिओ राया । नियकुट्ठारनिउत्ते पुरिसे एवं समाइसइ ।।३७।। "भो भो सव्वत्थ पुरे उग्घोसावेह जस्स अस्थि धणं । सो निवकुट्ठाराओ गिन्हउ धनं जहिच्छाए ।।३८।। जस्स पुण नत्थि दविणं सो एमेव य कुटुंबभरणखमं । गिन्हउ किंच पुरीए चउसु पि हु गोउरग्गेसु ।।३९।। सत्तागारे कारेह दीणदुहियाणा[ह]भोयणनिमित्तं । पासंडीणं पि कए तदुचियदाणं पयट्टेह ।।४०॥ सीयंतसावयगणो भुंजउ मह रसवईइ अणवरयं" । ते हि 'तहत्ति तं रायसासणं सव्वमवि विहियं ।।४१।। अह विसेसुवउत्तो राया सरिउं विसेसकायव्वं । पत्तो निग्गंथाणं मुणीण वसहीइ सयमेव ।।४२।। आगमभणियविहाणेण वंदिउँ मुणिवरिंदपयजुयलं । वित्रवइ भावसारं सिरविरइयकरकमलकोसो ।।४।। "भयवं ! अत्तहियं पि हु पमायवसगेण सुमरियं एयं । रोगाउरेण परमोसहं व न मए सुमुणिदाणं ।।४४।। धम्मोवग्गहदाणं मुणीण सुस्सावएहिं सयकालं । दायव्वं दुब्भिक्खे किं पुण भणिमो दुलहभिक्खे ? ।।४५।। ता काऊण पसायं मह अंतेउरमहाणसेसु सया । चउविहमवि आहारं समणेहिं तह य समणीहिं ।।४६।।
ओसहभेसजजुयं अहागडं फासुयं च एसणियं । गिन्हिय उद्धरियब्बो भवावडे निवडिरो अहयं ॥४७।। किर इछिरं पि कालं जं न मए पूइओ समणसंघो । नणु अहयं तेणं चिय वंचियमप्पाणयं मन्ने ।।४८।। धन्नाण वनणिजाण पुवभवचिन्नपुनपन्नाणं । गेहंगणाओ संघो कयकिछो निञ्चमोसरइ ।।४९।। अणुवित्तिप्पभिईहिं वि दिन संघे न निष्फलं दाणं । दढधम्मरायअणुरत्तचित्तवित्तीण किं भणिमो ? ॥५०।। चक्कहरसक्वपमुहा वहति सीसेण सासणं जस्स । जिणपवयणस्स कुजा तस्सावत्रं कह सयनो ? ।।५१।। लब्भंति नरामरसिवसुहाई जिणपवयणस्स सेवाए । तस्स पुण सम्मसेवा लब्भउ कयरेण मुल्लेण ? ।।५२।। अनंतमलिणघणपावपडलकलुसाइ रायलच्छीए । मह होउ निम्मलत्तं अजं सिरिसंघभत्तीए ।।५३।। चेइयजइसुवजुजइ जत्तियमित्तं तदेव सफलं ति । सेसमणत्थमणत्थस्स कारणं मुणह सव्वं पि ॥५४।। उवजुजउजीयंपिहुमहजिणमयधम्मकम्ममासजा ।खणघडिरविहडिराणंकागणणाचाऽत्रवत्थूणं?" ।।५५।। इय तेण तया जिणपवयणम्मि दढधम्मरायरत्तेणं । सिरिविउलवाहणेण समजियं तित्थयरनामं ।।५६।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |