Page Text
________________
हितोपदेशः । गाथा-२९ - भक्तिरागस्य गौरवम् ।। श्रीसम्भवप्रभुचरितं प्रथमो भवः ।।
आलिंगतो कालोयजलहिवेलाविसालबाहाहिं । धायइसंडो दीवो अत्थि दुईओ वि अदुईओ ।।४।। छक्खंडं पि अखंडं थिरस्सरूवं पि विउलवेयर्छ । बहुगुत्तं पि अगुत्तं खित्तं एरावयं तत्थ ।।५।। कुलसेलसमा सेला वणसंडा देवरमणसमरुइणो । नगरागारा गामा नगरा सुरपुरसमा जत्थ ।।६।। अक्खलियनिखिलखेमाखेमपुरी अत्थि पुरवरी तत्थ । पवरनियरिद्धिवित्थरअवहत्थियतियसवइनयरी ।।७।। पसरंतागुरुगुरुधूमपडलकयजलयजालललिएहिं । पणवन्नरयणतोरणकरविरइयतियसचावेहिं ।।८।। वरकणयकलसविलसंतकंतिपायडियतडिकलावेहिं । वजंतमंजुगुंजियमुयंगगंभीरगजेहिं ।।९।। पवणुद्धयसियधयवडचलिरबलागेहिं देवभवणेहिं । जत्थ अपत्यावि चिय पयडिजइ पाउसारंभो ।।१०।। अवि य - दक्खो दक्खिन्नपरो परोवयारी पियंवओ सरलो । गुणरागी य कयन्नू पनवणिज्जो समजाओ ।।११।। सविवेओ सुविणीओ चाई अविकंथणो किवालू य । सद्धम्मकम्मनिरओ निवसइ पाएण जत्थ जणो ।।१२।। किञ्च - हियमियमहुरगिराओ गुरुयणविणओवयारचउराओ । परकजपवत्ताओ परतत्तिनिवित्तचित्ताओ ।।१३।। परिचियउचियकलाओ, निरुवमसोहग्गरूवकलियाओ । सिचयावरणं लज्जापडेण पुण रत्तयंतीओ ।।१४।। नियपियपिम्मपराओदूरुज्झियखलकुसीलमग्गाओ।कुलविलयाओदीसंतिजत्थसुइसीलललियाओ।।१५॥ तत्थ य चायपरक्कमनयविउलो विउलवाहणो राया । जस्स जसपसरभरियं वियरइ नायासमवयासं ।।१६।। लीलाए लंघती महीहराणं पि वियडकडयाइं । आण व्व जस्स सेणा न खलइ वेलावणेसुं पि ।।१७।। सोसंतो कित्तिसरे निव्वाविंतो पयावपडुदीवे । जो सत्तूण तरूण व महाबलो नामए सीसे ।।१८।।। सब्बासु पि दिसासुजस्स सुदुस्सहपयावरवितविया । करिणि ब्व वेरिलच्छी वच्छयले सीयलेलीणा ।।१९।। सोहामित्तं सेणा पहरणपडलो वि बाहिराडोवो । इक्कं पि हु अक्खलियं कजकरं जस्स मइसत्थं ।।२०।। मयणु ब्व नियपियाणं, पररमणीणं सिणिद्धबंधु ब्व । जणउ ब्व जो पयाणं तणउ ब्व गुरूणमिक्को वि ।।२१।। तह कहवि हु संकंतोमणम्मि सव्वप्पणा जणस्स निवो । जह सो तब्भयभीओ मणसा वि नतिए पावं ।।२२।। करुणामहन्नवेणं तह तेण निसेहिओ वहो भुवणे । जह हरइ जंतुजायं कालो काले वि सासंको ।।२३।। जह पडिवन्नो सामी सु छिय तक्कालिएहिं निवईहिं । तह तेण वि पडिवत्रो सव्वन्नू चेव सामि त्ति ।।२४।। इय एस धम्मविजई निजियजेयव्वनिव्वुओ समयं । वोलेइ विणोएहिं विविहेहिं विबुहनाहु व्व ।।२५।। समइक्वंते समए सुबहुम्मि दुसमओ समावडिओ । कइया वि तस्स रट्टे कणिट्ठबंधु ब्व कालस्स ।।२६।। दुभिक्खडमरहरणो होइ पुरा नूणमेस तित्थयरो । इय मुणिऊण व पढम पि दंसिओ तेण तस्सप्पा ।।२७।। दीसंति पाउसे वि हु काओयरधूसरा घणा गयणे । भाविरकुणपगणोवरि गिद्धच्छायं व दाविंता ।।२८।।
4. सिचय पु. वस्त्रार्थे ।। - पाइय ल. ना. गा. २९१ ।।
_Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |