Page Text
________________
हितोपदेशः । गाथा-३९२ - कृतज्ञताविषयोपरि शबर-नरनाथकथानकम् ।।
३६९
ताजं तुह अभिरुइयं संपाइस्सं इहेव तं सव्वं । एगंतेण अजुग्गं वणगमणासग्गहं मुंच ।।११।। इय पुणरुत्तं भणिओ वि वणयरो सो कयन्नुणा रन्ना । पाउणइ तत्थ न रइं झसु ब्व जलविरहिओ जाव ।।१२।। ताव य सिणेहगन्भं भणिओ भूमीसरेण भो मित्त ! । तुह सुक्खकंखिरो हं वणे विसज्जामि न भवंतं ।।१३।। जइ पुण तुह पडिकूलं एयं ता कीस किर अहं काहं । किं तु समागच्छ समं ताव मए इय भणेऊण ।।१४।। मयरहियाणं सदयाण सुयसमुद्दाण पयपउममूले । सुव्वयसूरीण निवो संपत्तो सह पुलिंदेण ।।१५।। नमिऊण विणयसारं सूरिं विनवइ नाह मह एसो । पुट्विं कओवयारो पुलिंदपुरिसो महाभागो ।।९६।। इहलोयहिओ विहिओ पझुवयारो मए ससत्तीए । परलोइयं तु तुब्भे पसिऊणं कुणह एयस्स ।।९७॥ उवओगेणं मुणिपुंगवो वि आभोगिऊण तं जुग्गं । सम्मत्तग्गहणंमी करुणाए भणइ भो भद्दा ! ।।१८।। सुलहाओ समिद्धीओ बंधुरबंधूहिं संगमो सुलहो । इहपरभवेसु सुहओ जिणधम्मो केवलं दुलहो ।।१९।। जं तियसवई तियसालयंमि विलसइ लसंतमाहप्पो । जं पायाले पायालसामिओ कामिउं लहइ ।।१०० ।। जं सत्तंगसुसज्जं रज्जं भुंजंति केइ इह चेव । चिरसुचरियस्स जाणसु तं जिणधम्मस्स माहप्पं ।।१०१।। तावच्छ ! सच्छहियओनिच्छयसारोयसुणसुकरणिजं ।जेणकएणजयंमीसुकयंतंनत्थिजनकयं ।।१०२।। धुयसव्वदोसपास अप्पडिहयनाणदंसणपयासं । पडिवजसु जिणनाहं देवं सिवपंथसत्थाहं ।।१०३।। जियरागदोसमोहेण तेण जीवाइयाइं तत्ताई । जाई पनत्ताइं ताई सद्दहसु थिरचित्ते ।।१०४।। दुव्वहपंचमहव्वय-पव्वयवहणुजए जियकसाए । तस्साणायरणरए सुसाहुणो सरसु सुगुरु त्ति ।।१०५।। एयं तं रयणतियं तिलोयसारं तिकालविक्खायं । तिहुयणसिरिवसियरणं सरणं तुह होउ तिविहेणं ।।१०६।। एसो वि हट्ठतुट्ठो आणंदजलोहविमलियकवोलो । जलहरधारासंपायपुलइओ नीवकुसुमं व ।।१०७।। उल्लसियजीवविरिओ अपुवकरणक्कमेण य खणेण । काऊण गंठिभेयं सम्मत्तमणुत्तरं फुसइ ।।१०८।। रंजियरसु व्व वाई साहियविजु व्व खेयरकुमारो । लाभेण तस्स मन्नइ अणनसामनमप्पाणं ।।१०९।। इय सिवपहपाहेए सम्मत्ते तेण तत्थ पडिवन्ने । लोउत्तरोवयारेण तस्स तुट्ठो दढं राया ।।११०।। नमिऊण पणयजणवच्छलस्स मुणिपुंगवस्स चरणजुयं । सबरेण समं पत्तो नियपासाए पुहविनाहो ।।१११।। तत्तो वाहरिऊणं वड्डइणो विस्सकम्मनिम्माए । नियसामग्गिसमेओ गओ पुलिंदस्स जस्स भुवं ।।११२।। तत्थ य नयरनिवेसं गोउरपायारमंदिरसणाहं । सुहलक्खणाइ खोणीइ खोणिनाहो रयावेइ ।।११३।। उत्तुंगतोरणेसु पासाएसुं जिणिंदचंदाणं । कंचणमणिपडिमाओ सपाडिहराओ ठावेइ ।।११४ ।। सीहासणंमि तत्तो निवेसिउं तं वणेयरजुवाणं । अभिसिंचइ सयमेव हि महया रायाभिसेएणं ।।११५।। सबरपुरं पुरमेयं एसो पुण इत्थ सवरराउ त्ति । उग्घोसावइ एवं सव्वत्थ वि तत्थ नरनाहो ।।११६ ।। वणयरलोयं सव्वं निवेसए तेसु तेसु गेहेसु । आरियलोयं पि हु किच्चिरं पि ठावेइ तत्थ निवो ।।११७।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |