Page Text
________________
हितोपदेशः । गाथा - ३९२ - कृतज्ञताविषयोपरि शबर - नरनाथकथानकम् ।।
हसणं भणिओ भूमीनाहेण वणयरजुवाणो । अलमित्थ संभ्रमेणं मह चेव इमाई सिनाई ।। ६४ । हयपयपयवीलग्गाई इत्थ पत्ताई इय पयंपतो । सामंताईहि निवो महियललुलिरेहिं पणिवइओ ||६५।। द अक्खयदेहं नियनाहं हरिसियाइ सिनाई । सकडक्खपिक्खिराई ससरसरासणकरं सबरं ।। ६६ ।। भणिया भूमिनाहेण हंत ! तुब्भे सुणंतु सव्वे वि । एसो सबरो भाया मह ताया पाणदाणेण । ६७ ।। कह पहु ! इमं ति पुट्टेण तेहिं सयलो वि पुव्ववुत्तंतो । सामंताईण पुरो कयन्त्रुणा साहिओ रन्ना ।। ६८ ।। ततो देवंगदुगूल-हारकेऊरकुंडलकिरीडा । सबरस्स पुरो तेहिं पक्खित्ता तुट्ठिदाणेण ।। ६९ ।।
यो भद्द ! बंधू धुवं तुमं चेव सामिणो अम्ह । एयारिसंमि विहुरे उवयारो जेण इय विहिओ । ।७० ।। पिक्खताण व सव्वाण वित्तिचोराण तुरयरूवेण । दिव्वेण दुद्दसमिणं अम्हाणं पाविओ सामी । ७१ । । जइ एवं न करिंतो उवयारमकारणोवयारी तं । अलमलममंगलेणं ता को अम्हं गई हुंतो ।। ७२ ।। भणियं पुणो 'रन्ना दिंतस्स इमेण अवसरे तम्मि । खीरामलस्स तुल्लं न हु मे रज्जं पि सत्तंगं ||७३ || तहवि उवयारलेसो कीरउ एयस्स नयरपत्तस्स । इय भणिरेणं सबरो अणिच्छमाणो वि नरवइणा ।।७४ ।। आरोविडं पहाणे तुरंग धरियधवलवरछत्तो । नीओ निवलीलाए नयरे निययंमि सममेव ।। ७५ ।। तत्थ य पलपुरिसा इमस्स नहदंतकेसपरिकम्मं । अकरिंसु निवाएसेण सव्वहा तयणभिन्नस्स ? ।। ७६ ।। अभंगओ य तिलेहिं एस सयसहसलक्खपागेहिं । उव्वट्टिओ य वरगंधवट्टिभंगीहिं विविहाहिं ।। ७७ ।। जाविओ य सुविसुद्धगंधपुप्फोदएहिं सुहएहिं । विहियविविहंगरागो नियंसिओ देवदूसाई । ।७८ ।। निवभूसणोचिएहिं विभूसिओ मणिविभूसणेहिं च । किं बहुणा स पुलिंदो विहिओ नरवरपडिच्छंदो । । ७९।। नियपासायसमाणे पासाए दाविओ स विउलम्मि । सुस्सूसाइनिमित्तं आणत्तो परियणो य पुढो । ८० ।। गयतुरयरहा जोहा य विलहिया विउलकोसदेसा य । अप्पसमाणो सबरो विहिओ स कयनुणा रना ।।८१ । । इय तम्मरज्वलच्छिं उत्तमपुरिसोवयारसंघडियं । भुंजंते वोलीणो कालो किर किझिरो जाव ।। ८२ ।। ताव सरिसेलकाणण - वणलयनवजवसजुव्वणुब्भेओ । अविउत्तमिहुणसुहओ संजाओ पाउसारंभो । ८३ ।। कासार सरिसरोवर - महिमहिहरगामगुट्ठखित्ताइं । पिच्छंतो स पुलिंदो पाउसट्ठ लच्छीइ सच्छायं । ८४ ।। भवियव्वयावसेणं पुव्वं पिव सेलकाणणाईसु । सेच्छाविहारसंभरण- भिंभलो जायरणरणओ ।। ८५ ।। सुत्रमणो वुत्रहो दिट्ठो पुहईसरेण पुट्ठो य । संकतो कह कहवि हु साहइ नियहिययउक्कंठ ।। ८६ ।। ईसि हसिऊण तत्तो संलत्तो सो निवेण भो मित्त ! । कह महसि सग्गचाएण दुग्गइं पुणरवि तमेव ।।८७ ।। एवं कत्थ पहुतं ढलंतचमरं फुरंतसियछत्तं । मयससयनिव्विसेसा वणयरवित्ती य सा कत्थ ।।८८ ।। पुरिसत्थाणं संपाडणेण निव्वडइ इत्थ पुरिसत्तं ! पसुसहचरियठिईणं पसुत्तणं चेव पुण तत्थ ।।८९।। पिच्छंतो य भवंतं उवयारं पिव फुरंतमचंतं । पावेमि निव्वुइमहं मणसो वि अगोयरं भाया ।। ९० ।।
३६८
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |