Page Text
________________
हितोपदेशः । गाथा-३९२ - कृतज्ञताविषयोपरि शबर-नरनाथकथानकम् ।।
३६७
उप्पाइऊण रंगं तुरंगदंसणमिसेण खणमेगं । एगंतनिदएणं जं छूढो भीसणंमि वणे ।।३७।। बुद्धी परक्कमो वा संकमइ न कजसंकडे इत्थ । मंतो वा तंतो वा जह डंके कालदिट्ठम्मि ।।३८।। तन्हाइ चिय मन्ने पत्तप्पसराइ पाविओ निहणं । अकयसुकओ गमिस्सं कुगई संसारिजीवु व्व ।।३९।। कत्थ घरं कत्थ पुरं पुत्तकलत्ताइणो य ते कत्थ । कत्थ य सा रजसिरी विहुरंमि न कोइ नणु सरणं ।।४।। धम्मु छिय जीवाणं सरणं ताणं पहू य बंधू य । इहपरलोयसुहयरो ता सु चिय होउ सरणं मे ।।४१।। इय अल्लीणो सरणं सरणागयवच्छलेण धम्मेण । आसासिओ जहा सो नरनाहो तह निसामेह ।।४२।। तम्मि पएसम्मि तथा तोरविओ तस्स चेव सुकएहिं । सबरजुवाणो एगो पत्तो कोदंडकंडकरो ।।४३।। दटुं दुराउ छिय अब्भुयभूयं निवस्स सो रूवं । विम्हयथिमियच्छिजुओ जोइ ब्व तहेव जाव ठिओ ।।४४।। रना वि ताव एसो एगंतविमुक्कजीवियासेण । सञ्चविओ सव्वायरचलंतनित्तुप्पलदलेण ।।४५।। खीणसरेण य भणिओ भो भद्द ! पुलिंदाविंदसद्दूल ! । निम्माणुसे अरन्ने विहिवसओ निवडिएण मए ।।४६।। पढम चियं तं दिट्ठो पढम चिय पत्थिओ सि पत्थावा । आणेसु जलं जालं मह हंसस्सुड्डुमणस्स ।।४७।। तं सोउंसबरो विहु सविहं उवसप्पिऊण नरवइणो । पणमिय पभणइमा कुणसुपत्थणंपुरिसपुंडरीय ! ।।४।। एयाइ आगिईए भुवणस्स वि जेण पत्थणिज्जो सि । का पत्थणा य सलिलस्स मइ पुलिंदे नरपसुम्मि ।।४९।। आणेमि जाव सलिलं तुम्ह कए देव ! पउमिणिपुडेण । गिन्हेह ताव एवं सरसं खीरामलगमेगं ।।५०।। आसाइएण इमिणा वि होइ आसासणा जओ परमा । तुह चरियं पिव सलिलं सुनिम्मलं जाव किर एइ ।।५१।। इय भणिऊण समप्पिय खीरामलगं गओ स सलिलत्थं । आसायंतो तं पत्थिवो वि परिचिंतए एवं ।।५२।। उयह कह सव्वह शिय निंदिजइ का वि किर जए जाई । जं सबरो वि हु एसो एवं उवयारतल्लिच्छो ।।५३।। पशुवयारसयन्हो उवयारं कुणइ को वि कस्सावि । मुणियसरूवस्स परं न उणो एवं अमुणियस्स ।।५४।। आजम्मं सेवाए फलंति कस्स वि कया वि किर पहुणो । सुमरियमित्तो इक्को धम्मु चिय सुप्पहू फलइ ।।५५।। कह मह इमा अवत्था कह वा सबरस्स इत्थ आगमणं । नियभिननिविसेसंममाइ कह चिट्ठियमिमस्स ।।५६।। गयगवयसहयरेणं वियड्डसंसग्गविप्पमुक्केणं । कह सिक्खियमेएणं नायरचरियं वणयरेणं ।।५७।। किं काऊणं किञ्चं किं वा दाऊण देयमेयस्स । अरिणो होहं एवं कओवयारस्स सबरस्स ।।५८ ।। इग्याइ तग्गयं चिय परिचिंतंतस्स पुहविनाहस्स । पत्तो घित्तुं सलिलं पुलिंदओ पउमिणिपुडेण ।।५९।। करचरणवयणसोयं कारविउं तेण मेइणीनाहो । सुइसच्छसीयलेणं जलेण आसासिओ तयणु ।।६० ।। हरिसभरगब्भयाए गिराइ सवरं नरसरो जाव । किर किंपि जंपिही ता कयहलबोलाइं सव्वत्तो ।।६१।। निट्ठरतुरंगखुरखणियखोणिवट्ठाइं निवइसिनाई। रायारूढतुरंगमपयाणुसारेण पत्ताई ।।२।। तासबरेण परक्कमधणेणपरचक्कसंकिरेण तया । आरोविओवियारियहरिकरिनियरोसरोचावे ।।३।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |