Page Text
________________
हितोपदेशः । गाथा - ३९२ - कृतज्ञताविषयोपरि शबर - नरनाथकथानकम् ।।
भद्दमुह ! कहसु के के तुरंगमा केसि केसि देसाणं । उवणीया इह तुमए कइसंखा किंसरूवा य ।।१०।। सो भइ सुण देवो कक्का सिरिवच्छिणो य खुंगाहा । सेराहा य कियाहा हरिया तह चेव वुल्लाहा । । ११ । । उक्कणाहा उराहा य संति कुलाहा य केइ य हलहा । नीला कविला सोणा पंगुल तह अट्ठमंगलया ।। १२ ।। तह कई पंचभद्दा वुक्खारा किंच केवि तुक्खारा । कंबोयसिंधुपारसवल्हीयवणाउदेसुत्था ||१३|| इक्क्सजाईए सयं सयं देव ! अत्थि तुरगाणं । सव्वे वि सव्वलक्खण- अलंकिया गहियसिक्खा य ।।१४।। किं वा मह वयणं देवो पसिऊण तत्थ सयमेव । आगंतूण पलोयउ विसारओ तुरयजाईए ।। १५ ।। तं सोउं नरनाहो समूसुओ ताण दंसणनिमित्तं । सामंतमंतिमंडलिय परिवुडो लहु गओ तत्थ । ।१६।। अह तुरयनायगेणं दंसिज्यंते कमेण ते तत्थ । गंधव्वगुणविहन्नू पिच्छइ राया पसंसइ य ।।१७।। तो ताण मज्झारे तणमज्झं पीणपच्छिमपएसं । निम्मंसलमुहभागं अइवियडोरत्थलाभोगं ।। १८ ।। मणहरभंगुरगीवं लहुकन्नं निद्धमुद्धतणुरोमं । सुसिलिट्ठपिट्टभागं मणपवणजवं हयं एगं ।। १९ । । दण कोडगेणं आरूढो भूमिपरिविढो स सयं । पज्जाणेणं सममुग्गड व्व सुदिढासणत्तेण ।। २० ।। ततो धारियवग्गिय - उप्पयणुत्तेइयाइ तुरियाए । उत्तेरियाइ तह पंचमीइ धारइ अणुकमसो ।। २१ ।। वाहंतो तं वाहं स वाहवाहोचियाइ वसुहाए । रेवंतु व्व विरायइ नररूवधरो धरानाहो । १२२ ।। तुरयगइविब्भमेणं जह जह लोलंति कुंडला स्त्रो । गुरुविम्हएण तह तह सामंताईण सीसाणि ।।२३।। सविसेसवेगविनासणत्थ मह पत्थिवेण सो तुरओ । कतरालदेसे कसाइ निवडं तया पहओ ।। २४ ।। तो चउहिं वि पाएहिं उप्पयमाणो मणं व पवणु व्व । गरुडु व्व गयणमग्गे खणं खणं खोणिवट्ठमि ।। २५ ।। इत्थ ठिओ इह दिट्ठो एस गओ अहह जाइ जाइ ति । इय भणिरे निवलोए झडत्ति अहंसणं पत्तो ।। २६ ।। तो वेगनिहत्थं वग्गं सेसं गहेइ जाव निवो । ता सविसेसं सो चोइउ व्व पयडेइ पडुवेगं ।।२७।। star कमेणं मुंचतो धणुसयाइं संपत्तो । जामेण दुवालसजोयणाणि सो तिक्खतुक्खारो ।। २८ ।। अह सुढियकरंगुलिणा निवेण वग्गा झडत्ति से मुक्का । तेहिं चिय पाएहिं ठिओ तओ थंभिउ व्व इमो ।। २९ ।। विवयसिक्खियं तं मुत्तूणं तयणु मेइणीनाहो । सव्वत्तो जा पिच्छइ ता रनगयं नियं नियइ ।। ३० ।। अनंतवणगमणेण तेण तुरएण खेइओ सुइरं । पयईए सोमालो सव्वंगगलंतसेयजलो ।। ३१ ।। मज्झन्हदिणयरेणं तस्स पयावेण पीडिएण पुरा । छत्तरहिउ त्ति लद्धूणमवसरं संतविज्यंतो ।। ३२ ।। सिसिरघणसारपारी - परिगयतंबोलसुत्रवयणु त्ति । सुक्कंततालुदेसो बाढं तन्हाइ अभिभूओ ।। ३३ । सलिलासयममुतो मिच्छद्दिट्ठि व्व जिणमयरहस्सं । सम्मग्गाउ भट्ठो चेइयदव्वोवओगि व्व ।। ३४ । कत्थ वि अपावमाणो मणुस्स गंधं पि सग्गवासि व्व । किंकायव्वविमूढो चिंतेउमिमं समारद्धो ।। ३५ ।। पिच्छह मुहमहुरेणं परिणइ अइदारुणेण दिव्वेणं । विसओवभोगतुल्लेण पिल्लिउं पाडिओ कत्थ ।। ३६ ।।
३६६
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |