Page Text
________________
हितोपदेशः । गाथा-२११ - भावधर्मविषये कनकवतीकथानकम् ।।
२८१
पुढवीजलानिलानल-पत्तेयाणंततरुसु विगलेसु । ठाउं पणिंदियत्तं लहंति कहकहवि तुडिवसओ ।।२५६।। तत्थ वि तिरिनरयाइसु भवेसु भमिराण हंत सत्ताणं । सिवमंदिरनिस्सेणी दुल्लहा इक्कारसंगीयं ।।२५७।। माणुस्सखित्तजाई-कुलरूवारुग्गमाउयं बुद्धी । सम[व]णुग्गहसद्धा संजमो य इय समयपन्नत्ता ।।२५८ ।।
बोधिभावना ।।१२।। एमाय उत्तरुत्तरदुलहा वि हु पुव्वपुनजोगेणं । संघडिया किंतूणा मह ताव तहाहि माणुस्सं ।।२५९।। खित्तं च आरियमिणं जाइकुला मह मयंककरविमला । अप्पडिहयपंचिंदिय-पडिपुत्रं रूवमवि ताव ।।२६०।। आरुग्गं पि समग्गं आउगुणो वि हु जुगाणुमाणेण । मग्गाणुगामिणी मह बुद्धी वि हु अत्थि पाएणं ।।२६१।। अरिहा अरिट्ठनेमी भयवं धम्मोवएसओ सुगुरु । सद्धा वि बंधुरा मह तेण पणीएसु भावेसु ।।२६२।। तप्पायपउममूले पडिवत्रा तह य देसविरई वि । सम्वविरई उ रनो अणणुनाए न संपन्ना ।।२६३।। धन्नाउ ताउ हरिकुलतिलयस्स इमस्स चेव पत्तीउ । पयमूले जयगुरुणो जाउ पवनाउ सामन्नं ।।२६४।। तह मह सुन्हाओ विहुरुप्पिणिपमुहाउ सलहणिजाओ । उभयं पि जाण जायं इंदियसुक्खं च मुक्खं च ।।२६५ ।। जइ मं न निबिडपडिबंधबंधुरो धारए धरानाहो । ता इत्तियदियहेहिं अहं पि नणु हुज्ज कयकिछा ।।२६६ ।। पडिबंधु छिय जीवाण कारणं गुरुभवुब्भवदुहाणं । इत्तु ञ्चिय सप्पुरिसा पढम पि पडंति न इमम्मि ।।२६७।। धिद्धी पडिबद्धाए तुच्छेसु मए इमेसु कामेसु । सासयसुहिक्कहेऊ अवगणिओ संजमुज्जोगो ।।२६८।। अवि भारसंकलाओ तोडिजंती तडत्ति बलिएहिं । अणुमित्तमणपसत्तो न उणो नेहस्स तंतू वि ।।२६९।। अहवा इमं पि कीवाण चेव जीवाण दुक्करं मन्ने । रायमईइ अमूढो मह धम्मगुरु इहाहरणं ।।२७०।। ता कीवसमुचियमिणं मुंचसु रे जीव ! तं पि हु ममत्तं । उत्तमपुरिसाइन्नं संगचायं समल्लियसु ।।२७१।। परिचत्तम्मि य संगे चत्ताणि भवुब्भवाणि दुक्खाणि । संजोगमूलिया जं दुहदंदोलीह जीवाणं ।।२७२।। तित्तीयदिव्वसुहेसुंजानहुसामाणुसेसु कह होही ।माणससरम्मितिसिओकह तिप्पउछिल्लरम्मिनरो ।।२७३।। ता पज्जत्तं इत्तो धणपरियणसयणपिययमाईहिं । सरणं मह नेमिजिणो निस्संगसिरोमणी भयवं ।।२७४।। कस्स वि न अप्पणा हं ममावि न हु को वि अप्पणो भुवणे । मुत्तूण नाणदंसण-चरणाणि विमुत्तिमग्गाणि ।।२७५ ।। इय सा विसुद्धिपयरिसमारोहंती कमेण झाणस्स । काउं अपुवकरणं आरूढा खवगसेढीए ।।२७६ ।। अह पढमं भेयदुर्ग सुक्कज्झाणस्स लंघिउं झत्ति । घाइयघाइचउक्का कणगवई केवलं पत्ता ।।२७७।। तो देवदुंदुहीणं गयणम्मि वियंभिओ महानाओ । जाओ जयजयसद्दो समगं सुरकुसुमवुट्ठीए ।।२७८ ।। तत्तो विइनवेसा सुरेहिं जिणपायपउममुवणीया । तिपयाहिणिऊण जिणं 'तित्थस्स नमु'त्ति जंपेइ ।।२७९।। नाउं च सेसमाउं सुसच्छे थंडिले निहियदेहा मासियभत्तेण इमा सिवमयलमणुत्तरं पत्ता ।।२८०।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |