Page Text
________________
२८०
हितोपदेशः । गाथा-२११ - भावधर्मविषये कनकवतीकथानकम् ।।
'खंती य मद्दवजव-मुत्तीतवसंजमे य बोधव्वे । सनं सोयं आकिंचणं च बंभं च जइधम्मो ।।२३५ ।। पंच य अणुब्बयाई गुणब्वयाइं च हुंति तिनेव । सिक्खावयाणि चउरो इय गिहिधम्मो दुवालसहा ।।२३६।। जइ किर इमो न हुंतो ता को मिच्छत्तपिच्छले भुवणे । भव्वाण भवावडनिवडिराण आलंबणं दितो ।।२३७।। जणउ ब्व अवश्याणं ताणं धम्मो दुहत्तसत्ताणं । भाणु व्व पयत्थाणं पयासओ एस तत्ताणं ।।२३८ ।। दीवु व्व तमंधाणं अनाणंधाण लोयणं धम्मो । विजु व्व आउराणं एस गई भावरोगीणं ।।२३९।। कम्मरिणियाण धम्मो रयणनिहाणु व्व पायडो भुवणे । वणदवतवियाण सरोवरं व सरणं कसाईणं ।।२४०।। बंधु ब्व अबंधूणं तह य अनाहाण एस किर नाहो । उक्कंठियाण पियदंसणं व निब्बुइकरो धम्मो ।।२४१।। जेहिं पुरा जम्मजरा-मरणजलो रोगसोगतिमिमगरो । उत्तिन्नो भवजलही तेहिं धुवं धम्मपोएण ।।२४२।। इन्हेिं पि तरंति तहा भविस्ससमए वि तह तरिस्संति । ता सुट्ट इमो धम्मो अक्खाओ खीणमोहेहिं ।।२४३।।
धर्मस्वाख्यातता ।।१०।। धम्मेण विणा जीवा सकम्मपरिणामलहरिहीरंता । असमंजसमिहलोए विविहायारे परियडंति ।।२४४।। तहाहि - कइया वि अहोमुहगुरु-सरावसंठाणसंठियम्मि इमे । जायंति अहोलोए सत्तविहे विविहरूवधरा ।।२४५।। कइया वि तहेव विसाल-थालरूवम्मि तिरियलोयम्मि । विविहायारंमि भमन्ति कम्मनिम्महियमहिमाणो ।।२४६।। कइया वि पुणो मल्लग-समुत्सयाभंमि उड्डलोगम्मि । सामनेणं पनरसरूवंमि वि संकमंति इमे ।।२४७।। तिरियपसारियचरणोकड़ियडविनत्थहत्थजुयलोय ।जारिसओकिरपुरिसोलोओविहुतारिसोएसो।।२४८।। पंचत्थिकायमइओ चउदसरज्जुप्पमाणओ उठे । निम्मविओ नहु केण विनो वा केणावि उद्धरिओ ।।२४९।। किं तु सयंसिद्ध छिय सासयरूवो पइट्ठिओ गयणे । परिवेढिओ अलोगेण एस लोगो जिणुट्ठिो ।।२५०।। एयंमि रूविदव्वा जे केई ते समग्गजीवाणं । आहाराइसरूवेण परिणयाणंतसो सब्वे ।।२५१।। ता इत्तियमित्तेहि वि न गया जे पुग्गलेहिं किल तित्तिं । एगभविएहिं ते परिमिएहिं तिप्पंतु कह सत्ता ।।२५२।।
लोकभावना ।।११।। ता मुत्तूण ममत्तं होउं सव्वत्थ जीव ! समचित्तो । गिन्ह फलं दुलहाए कहंपि लद्धाइ बोहीए ।।२५३।। जेण अणंताणंतं कालं निवसंति ता निगोएसु । जीवा पसुत्तमत्त व्व मोहिया मोहमइराए ।।२५४।। कम्मखविऊण अकाम-निजराए य किचिरंपितओ । संववहाररूवरासिं जीवा पविसंति तत्थ विय ।।२५५।। 4. तुला - नवतत्त्व प्रकरणे । - गा. २९ दृश्यतां ।। 5. तुला - सम्मत्तमूलमणुवयपणगं तिन्नि उगुणव्वयाइं च । सिक्खावयाइं चउरो बारसहा होइ गिहिधम्मो ।।१।।
- दर्शन शु. प्र. गा. ६२ ।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |