Page Text
________________
हितोपदेशः । गाथा-२११ - भावधर्मविषये कनकवतीकथानकम् ।।
२७९
न य असुइत्तं देहस्स निनिमित्तं तहाहि किर एयं । सुक्काओ सोणियाओ उप्पजइ असुइरूवाओ ।।२१२ ।। तह परिवड्डइ जणणीआहाररसेहिं असुइरूवेहिं । होइ अउ छिय असुई कजं नणु कारणाणुगुणं ।।२१३।। जइ पुण न होइ असुई देहो ता कह सुईण वत्थूणं । संपक्कमित्तउ चिय असुइत्तं जणयइ तहाहि ।।२१४।। अवरअसणपाणतंबोल - जक्खकद्दमपसूणवत्थाइ । खणमित्तसंगमेण वि इमस्स मलरूवयमुर्विति ।।२१५ ।। एवं ठिए वि मणनयणमोहणं जं इमं सरागाणं । तत्थ अनिव्वेउ छिय उवाहिघडणेसु नणु हेऊ ।।२१६ ।। जं पुण उवाहिजोगेण कीरए किर इमस्स वि सुइत्तं । तं वोहरअहिवासणं व नणु हासकरमेव ।।२१७।। ता असुइणा वि इमिणा अजेयब्बो सुई सया धम्मो । जेणज्जिएण जीवो जुजइ न पुणो सरीरेणं ।।२१८ ।।
___ अशुचिभावना ।।६।। अजिजइ पुण धम्मो आसवदाराण रोहओ सम्मं । रुद्धसु य जोगेसुं आसवरोहो धुवो होइ ।।२१९।। मणवयणकायजोगा अनिरुद्धा कम्ममसुहमजंति । असुहेण य कम्मेणं भमइ भवे भीसणे जीवो ।।२२० ।।
आश्रवभावना ।।७।।
जोगाणं च निरोहो होइ भवत्थाण इत्तिएणेव । जं अट्टरुद्दचाएण धम्मसुक्केसु विणिओगो ।।२२१।। रुझंति अट्टरुद्दा नियमेणं संवरेण विहिएण । सो पुण विवक्खघडणेण भावसत्तूण संघडइ ।।२२२।। तहाहि - खंतीइ कोहजोहं निहणसु तह मद्दवेण माणं च । मायं च अजवेणं लोभं संतोससुहडेण ।।२२३।। संजमबलेण विसए गुत्तीहिं दलिज दुट्ठजोगे य । सज्झाउजोगेण य पमायपसरं निरंभेसु ।।२२४।। विरईइ अविरई पुण मिच्छत्तं दंसणेण विमलेण । इय कयसंवरजोगो न बंधसे अहिणवं कम्मं ।।२२५ ।।
संवरभावना ।।८।। नवकम्मपुग्गलाणं अग्गहणे संवरट्ठिओ जीवो । निजरइ चिरचियाई कम्माइं तवेण तिव्वेणं ।।२२६ ।। जह विउलम्मि तडागे रुद्धसुं सयलजलपवेसेसुं । पुव्वपविट्ठ सलिलं सोसिज्जइ तवणतावेणं ।।२२७।। तह जीवसरवरम्मी आसवदारेसु संनिरुद्धेसु । सोसिज्जइ कम्मजलं पुवपविटुं गुरुतवेणं ।।२२८ ।। जह मलिणं पिहुकणयं दहणपओगेण निम्मलं होइ । तह पावपडलमलिणो जीवो वि तवेण तिव्वेणं ।।२२९ ।। मलिणीकयं पि गयणं घणेहिं पवणे जहा पहासेइ । एमेव य जीवं पि हु अनियाणकडं तवोकम्मं ।।२३० ।। जह पंकिलं महीयलममलं सारयदिवायरो कुणइ । दुज्झाणपंककलुसं जीवं एमेव य तवो वि ।।२३१।। एवं च सकामाए विणिजराए विलीणकम्ममले । जीवे सहावविमलं केवलतेयं समुल्लसइ ।।२३२।।
निर्जराभावना ।।९।। दुव्वारजीववीरिय-मुसुमूरणपञ्चलाणकम्माणं ।निम्महणम्मिउवाओजिणधम्मिचियतवोऽभिहिओ।।२३३।। सुटु इमो धम्म चिय अक्खाओ अहव जिणवरिंदेहिं । सव्वविरयाण दसहा बारसहा देसविरयाणं ।।२३४ ।। तहाहि -
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |