________________
२७८
हितोपदेशः । गाथा-२११ - भावधर्मविषये कनकवतीकथानकम् ।।
इयरविहुरेसु सरणं भवंति जे भुयबलेण भुवणस्स । मरणभयम्मि असरणा छुहंति ते अंगुलीउ मुहे ।।१९१।। ओवाइयाउ कीवा कुणंति देवाण मरणभयभीया । जइ ते रक्खंति जणं जमाउ ता किन्न अप्पाणं ।।१९२।। सुहिसयणदेवगुरुयण-हरिकरिसुहडाणपिच्छिराणपुरो।हीरइजणोअसरणोकयंतसीहेणहरिणुव्व ।।१९३।। एवं जणे असरणे सरणं धम्मो परं जिणवरुत्तो । जो सेविओ निरंभइ मूलाउ जरमरणजालं ।।१९४।।
अशरणभावना ।।२।। तस्स य सेवा सम्मं संभवइ भवे विरत्तचित्ताणं । वेरग्गस्स य जुग्गो भवो अवस्सं इमम्मि जओ ।।१९५।। देवो वि होइ कीडो मणुओ वि हु तिरियजाइमणुसरइ । राया वि होइ रंको चाउव्वेओ वि चंडालो ।।१९६।। जणओविहोइतणओजणणीविहुपणइणित्तणमुवेइ । नवनवभवपरिवत्तेकाकानविडंबणा अहवा ।।१९७ ।। जं चउरासीलक्खा संखा जोणीण सव्वजीवाणं । पुढवाईणं चउन्हं पत्तेयं सत्त सत्तेव ।।१९८।। दस पत्तेयतरूणं चउदसलक्खा हवंति इयरेसु । विगलिंदियाण दो दो चउरो पंचिंदितिरियाणं ।।१९९।। चउरो चउरो नारयसुरेसु मणुयाण चउदस हवंति । संपिंडिया उ सब्वे चुलसी लक्खाओ जोणीणं ।।२००।। एवं च - तन्नत्थि इत्थ लोए खित्तं केसग्गभागमित्तं पि । जत्थ न जाओ न मओ अणंतखुत्तो इमो जीवो ।।२०१।। कित्तिमसंबंधेहि भवम्मि इय नाडयाभिणयतुल्ले । कह जुत्तो पडिबंधो इक्कसरूवस्स जीवस्स ।।२०२।।
भवभावना ।।३।। इक्कु चिय उप्पजइ इक्को य विवजए इमो जीवो । इक्को बंधइ कम्मं भुंजइ इक्को फलं तस्स ।।२०३।। जह तेण विढत्ताणं वित्ताण हवंति हंत भुत्तारो । तह जइ पावाणं पि हु ता ते नणु बंधवा चेव ।।२०४।। किंतु इमो दुब्बिसहं विसहइ भवचारए दुहं एगो । दसणलग्गणया इव दूरि चिय ठंति ते सयणा ।।२०५।। इय जइ सुहदुक्खाणं इक्कु छिय भायणं भवइ जीवो । ता परलोगहिए वि हु इक्कु छिय किन्न उज्जमइ ।।२०६।।
एकत्वभावना ।।४।। अन्नन्नदेसजाया अनवनियाणवड्डिया सयणा । अन्ननरूववेसा जुत्तं जीवा उ जं अन्ने ।।२०७।। समगं चिय जं जायं समगं चिय वडियं ठियं समयं । तं देहं पि हु जीवाउ नूणमन्नं चिय तहाहि ।।२०८।। जीवो अणाइनिहणो नाणी तह दसणी अरूवो य । देहं पुणो अणिचं जडं च मुत्तं च कह नन्नं ।।२०९।। तम्हा विसरिसरूवेसु सयणधणदेहमाइवत्थूसु । मुंचसु रे ! पडिबंध संसारनिबंधणं जीव ! ।।२१०।।
अन्यत्वभावना ।।५।। तह जीव ! सुइत्तगयं सया विगब्बं समुव्वहसि हियए । वससि य असुइसरूवे देहमि कहं न मूढो सि ।।२११।।
3. तुला - श्लोक-१९८-१९९-२०० । जीवविचारप्रकरणे ।। - गा. ४५-४६-४७ दृश्यतां ।।
Jain Education International 2010_02
For Private & Personal Use Only
www.jainelibrary.org