Page Text
________________
हितोपदेशः । गाथा - २११ - भावधर्मविषये कनकवतीकथानकम् ।।
कइयाइ जायवपुरी परिसरपरिसंठियंमि उज्जाणे । सिरिरेवयंमि भयवं समोसढो नेमिजिणनाहो । । १६६ ।। मुणियसरूवा पत्ता केसवरामा पयंतिए पहुणो । वसुदेवो वि हु राया सह कणगवईइ तत्थ गओ ।। १६७ ।। विहिया य तिजयपहुणा कारुन्नमहत्रवेण धम्मकहा । विरसावसाणया तह पयासिया भवनिवासस्स । । १६८ ।। वेरग्गभावणाओ भुवणपईवेण पयडियाउ तया । संबुद्धा य अणेगे भव्वा भवसिद्धिणो तत्थ । । १६९ ।। कणगवई वि हु बाढं विरत्तचित्ता वि गेहवासाओ । नाणुनाया रन्ना वयाय पडिबंधबद्धेणं । ।१७० ।। तत्तो तिहुयणसामि नमंसिऊणं गया सगेहम्मि । सुहभावभावियमणा एवं चिंतेउमारद्धा ।।१७१ ।। वेरग्गभावणाओ अव्वो सव्वन्नुणा पणीयाओ । भाविज्जताउ मणे तहत्ति सव्वाउ भासन्ति । । १७२ । । तहाहि - अच्छउ ता अयरेहिं पलिएहिं पुव्वसयसहस्सेहिं । अन्तरियाणं भावाणं भंगुरत्तं जमिह भुवणे । । १७३ ।।
किर गोसे दीस मज्झने होइ तं सुमरणिज्जं । जं मज्झन्हे दिट्ठ वंझा संझाइ तस्स कहा । । १७४ ।। जड़ किर चक्कराण वि रिद्धीओ हवंति दिट्ठनट्ठाओ । ता सामन्नधणाणं धणेसु को नाम पडिबंध ।। १७५ ।। की ममत्तबुद्धी रिद्धी किलेसलक्खलद्धाए । जइ किंपि पणयमेसा वि दावए न उण तं जम्हा ।।१७६ ।। एइ न इंतं जम्मंतराउ अणुजाइ नेव गच्छंतं । मरणभयाउ न तायइ सुसंचिया नेइ न हु सुगई ।।१७७।। नवरं जणयइ मोहं पाडइ कुगईइ पाणिसंदोहं । चिरपरिचिए वि विहडइ दुज्वणमित्ति व्व धी लच्छी । । १७८ ।। तह जुव्वणं पिविगुणं खणरमणीयं च सुरवइधणुंव । मयभिभलव्व तहविहु भमंति तयहिट्ठियामणुया ।।१७९ ।। न गणंति पुत्रपावं कुणंति अमर व्व तह अकिञ्चाई । जररक्खसीकडक्खियमिणसु त्ति मुणंति न हु मूढा । । १८० ।। जो चैव कामिणीहिं पत्थिज्जइ सुरतरु व्व तारुन्ने । विसपायवु व्व सु यि जराहओ दूहवो होइ । ।१८१ । । किं वा परेहिं जं किर लालिज्जइ लालणासहस्सेहिं । देहस्स तस्स पिच्छह खणे खणे विसरिसं रूवं । ।१८२ । । मुद्धरं सिसुत्ते तारुत्रे धणवियारविप्फारं । कंपिरखलिरं जरढत्तणम्मि इक्कं चिय सरीरं । । १८३ ॥ fat कुत्थमूढा मणिमंतरसायणेहिं देहं पि । नवणीयस्स वि पिंडं थिरयरमिच्छंति जं काउं । । १८४ ।। जइ वज्जदलमयाणि वि उत्तमपुरिसाण ताण देहाणि । काले वियलंति तओ असारदेहेसु को मोहो । । १८५ ।। तह आउयं पि एवं समयसमत्तीइ विहडिरं केण । फलिहवलयं व सक्कं संधेउं बुद्धिमइणा वि ।। १८६ ।। जइ नाम तित्थनाहा न समत्थाऽणंतसत्तिजुत्ता वि । संधाउं नियमाउं ता को अन्नो खमो होही । । १८७ ।। एवं अणिचयाए धणजुव्वणदेहजीवियाईयं । कवलिज्वंतं पि जणो न समत्थो रक्खिमसरणी ।।१८८ ।। अनित्यभावना ।। १।।
1
अहह असरणं भुवणं ठिइक्खए उवणयंमि सयलं पि । केणावि 'अकयताणं ही हीरइ हयकयंतेण । । १८९ । । न गणइ निवं न रंकं विउसं मुक्खं कुलीणमकुलीणं । रूवस्सिणं विरूवं सबलं अबलं च जं मनू ।। १९० ।।
2. अकृतत्राणं - बहुव्रीहिसमासोऽयम् ।
Jain Education International 2010_02
For Private & Personal Use Only
२७७
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |