Page Text
________________
२७६
हितोपदेशः । गाथा-२११ - भावधर्मविषये कनकवतीकथानकम् ।।
पणइजणवच्छलो तं पणई य इमो जणो सया तुज्झ । तुह दंसणं अमोहं इत्तियमित्तेण मह होउ ।।१४१।। इय भणिए परितुट्ठो निहिनाहो तयणु भणइ वसुदेवं । मज्झ समप्पसु एवं कुबेरनामंकियं मुदं ।।१४२।। तह विहिए सहस शिय जायं पयर्ड इमस्स नियरूवं । ओहासिंतं रूवाणि सयलनरनाहनिवहाणं ।।१४३।। अह पुलयसेयसझससरभंगपकंपपमुहभावेहिं । वम्महरहस्सभूमिं पए पए पाउणिज्जती ।।१४४ ।। मालइकुसुमाणुगभसल-सेणिललिएहिं तंसवलिरेहिं । पिक्खंती तिक्खेहिं कडक्खलक्खेहिं वसुदेवं ।।१४५।। कणगवई गहिऊणं धाइकरग्गाउ झत्ति वरमालं । भुयजुयलयं च कंठे ठवेइ लहु विन्हितणयस्स ।।१४६।।
_ विशेषकम् ।। अह संतुट्ठमणेणं वेसमणेणं वहूवराणुवरिं । सह रयणकणयबुट्ठीइ पुष्फवुट्ठी विणिम्मविया ।।१४७।। भणियंच सजलजलहर-गंभीररवेणतेण सप्पणयं । भो भो सयंवरागय-नरनाहा ! सुणह मह वयणं ।।१४।। हरिकुलगयणमयंक-विन्हिनरिंदस्स नंदणो दसमो । अणुओ समुद्दविजयस्स राइणो एस वसुदेवो ।।१४९।। एसा पुण कणगवई सिरिहरियंदस्स निवइणो धूया । पुत्वभवेसु बहूसुं मह मणपणयप्पयं दइया ।।१५०।। तेणं चिय नेहेणं सयंवरे अहमिमीइ संपत्तो । ता इत्थ उचियजोगे न विसाओ को वि कायव्यो ।।१५१।। इय धणयवयणससहर-समुन्भवं वयणममयरसवरिसं । पाऊणं कणगवई हरियंदो सेसभूवा य ।।१५२।। नियनियभावाणुगयं अमंदमाणंदपयरिसं पत्ता । कस्स न जायइ तोसो जाए जुग्गाण जोगम्मि ।।१५३।। अह तेहिं जनजत्ता-मिलिएहि सहरिसेहिं निवईहिं । सहिओ हरियंदनिवो नवमंगलतूरतूरविओ ।।१५४।। पत्तो वहूवरेहिं सह गयणगएण तहय धणएणं । पगुणियसमग्गवीवाह-जुग्गसामग्गिमावासं ।।१५५ ।।
युग्मम् ।। तत्थत्थनाहपेरिय - वरच्छरागीयमंगलोलूलं । गुज्झगगणघणताडिय-सुरदुंदुहिमुहरनहविवरं ।।१५६।। अभिणीयमाणनट्टं सुहिबंधुसिणेहकणयकसवढें । दिजंततुरयथट्टं पढंतसुरखयरनरभट्ट ।।१५७।। सरिससमागमपमुइय-वरवहुमणभवणमहमहियमयणं । वित्तं विच्छड्डेणं पाणिग्गहणं निवसुयाए ।।१५८ ।।
विशेषकम् ।। अह कणगवईपिउणा पूयापुव्वं विसजिओ धणओ । अने वि महीनाहा पसाइउं पेसिया सव्वे ।।१५९।। वसुदेवो वि हु सहिओ कणगवईरोहिणीपमुक्खाहिं । पत्तो पजाएणं समुद्दविजयस्स पयमूले ।।१६०।। कालक्कमेण हरिहलहरेसु जाएसु पडुपभावेसु । निहयंमि जरासंधे सबंधवे अद्धचक्किम्मि ।।१६१।। भरहद्धस्स य रजे एगच्छत्तंमि करगए जाए । उप्पनेसु य पजुन्न-संबपमुहेसु कुमरेसु ।।१६२।। पच्छिमसमुद्दतीरे बारवइपुरीइ तियसरइयाए । हरिकुलपियामहो सो वसुदेवो विलसइ जहिच्छं ।।१३।। देवी वि हु कणगवई लोउत्तरपइपसायदुल्ललिया । विविहविणोयासत्ता विवित्तचित्ता सुहं वसइ ।।१६४।। एवं च ताण चिरचित्र-पुत्रपब्भारपमुइयमणाणं । उत्तमचरियरयाणं सुबहू कालो अइक्वंतो ।।१६५।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |