Hitopadesh

SR No.: 002567
Original Sutra Author: N/A
Author: Prabhanandsuri, Parmanandsuri, Kirtiyashsuri
Publisher: Sanmarg Prakashan
Publication Year: 2009
Total Pages: 534
Language: Sanskrit
Classification: Book_Devnagari & Literature
File Size: 11 MB

Page 305

२६०
हितोपदेशः । गाथा-२०९ - भावधर्मविषये मृगावतीकथानकम् ।।
चित्तफलयंमि रूवं विचित्तनेवत्थभूसणसणाहं । विलिहइ मिगावईए जहसत्तीए स चित्तयरो ।।४४।। गंतूण य उज्जेणिं पजोयनिवस्स जुवइलोलस्स । उन्भडभुयजुयलबलस्स दंसए तस्स चित्तयरो ।।४५।। अह अशब्भुयभूयं दटुं रूवं अवंतिनाहो वि । वियसंतवयणनयणो सप्पणयं भणइ तं एवं ।।४६।। नूणं नियविनाणस्स पयरिसो दंसिओ इमो तुमए । न उणो भुवणुच्छंगे वरंगणा एरिसी का वि ।।४७।। अब्बो अउव्ववेहा को वि तुमं जो विणा पडिच्छंदं । अपडिच्छंदं दंसेसि एरिसं कामिणीरूवं ॥४८॥ जंमि निविट्ठा दिट्ठी अंगावयवे इमीइ पढम पि । न सरइ अनत्थ तओ दुब्बलगोणि ब्व कलखुत्ता ।।४९।। इयाइ तम्मयमणे उजेणीनायगे पभणिरंमि । विनवइ देव ! रूवस्स लेसमित्तं इमं लिहियं ।।५०।। रूवस्स इमीइ पुणो सव्वावयवोहसोहमाणस्स । दप्पणतलंमि दीसइ जइ पडिबिंबो न अन्नत्थ ।।५१।। किं भणसि ? अत्थि कत्थइ एरिसरूवा वि कामिणी का वि । सो भणइ देव ! कोसंबिसामिणो पडुपयावस्स ।।५२।। निवइस्स सयाणीयस्स पणइणी नणु मिगावई एसा । जीए तणुसुंदेरं सिरिहंति सुरंगणाओ वि ।।३।। भणइ निवो जइ एवं पुरओ वि सयाणीयस्स ता तस्स । पंचाणणुव्व हरिणस्स एस गिन्हामि तं इन्हेिं ।।५४।। तं सोऊणं तुट्ठो निएण सो पडिकिएण चित्तयरो । सम्माणिओ निवेणं जहागयं पडिगओ झत्ति ।।५५।। चिंतइ पजोओ वि हु हढेण मुसुमूरिउं सयाणीयं । गिन्हामि तं मयच्छि लच्छिं लच्छीहरु ब्व अहं ।।५६।। अहवा करेमि सामं पढमं ता तंमि मा निदेसकरो । निवडउ इमो वराओ वसणसमुद्दे अगाहम्मि ।।५७।। इय निच्छिऊण दूओ विसजिओ लोहजंघनामो से । गंतूण सो वि पभणइ साहिक्खेवं सयाणीयं ।।५८।। हंहो कोसंबीसर ! सरभससामंतपणयपयकमलो । आइसइ अवंतीसो भवंतमझंतदुद्धरिसो ।।५९।। अस्थि मिगसावनयणा मिगावई नाम पणयणी तुज्झ । इत्थी अहं तमणुरत्तो पेसेउ इमं तओ तरए ।।६०।। इत्तियकालंच इमा वसिया तुह मंदिरम्मि दिव्ववसा । अझंतमणुचिए वि हु जह किर रिट्ठस्स परपुट्ठा ।।६१।। संपइ संबोहेडं पेसिज इमं लहु मम समीवे । जइ कजं रज्जेणं विउलेणं जीविएणं च ।।२।। तब्बयणपवणपजालियस्स रोसानलस्स जालोलिं । सोणनयणंसुमिसओ कोसंबीसो वि पयडतो ।।३।। भिउडीभासुरवयणो जंपइ रे दूय ! किं अवज्झु त्ति । असमंजसं पयंपसि धिद्धी तुह सामिसंदेसो ।।६४ ।। जस्स अणायत्तंमि वि ममाइ एमाइवयणविन्नासो । सायत्तासु पयासुं का होही तस्स किर नीई ।।६५।। ता मा जंपिज पुणो मुंचसु लहु नयणगोयरं मज्झ । जं तुह पहुणो जुजइ करिज सज्जो वि तमसेसं ।।६६।। इय धरिसिऊण दूओ कोसंबिनिवेण पेसिओ सव्वं । गंतूणं माणधणस्स साहए ऽवंतिनाहस्स ।।६७।। अह सो विमुक्कमेरो मयरहरो इव महीयलं सयलं । पच्छायंतो चतुरंगबलमहुम्मीहिं संचलिओ ।।६८।। चउदसनिवसेणीहिं बलोयही तस्स उवचयं पत्तो । जंबुद्दीवनईहिं व तावइयाहिं लवणजलही ।।६९।।
_Jain Education International 2010_02