Page Text
________________
हितोपदेशः । गाथा - २०८ - भावधर्मविषये बाहुबलिकथानकम् ।।
पुरपरिहदीहरेहिं नियभुयदंडेहिं झल्लिओ झत्ति । गयणयलाउ पडतो दुकोडिनरबलधरो भरहो ।। १०० ।। मुक्ककुसुमुक्करेहिं सुरेहिं अह साहु साहु भणिरेहिं । उचियन्नुत्तं सह पोरिसेण परिवन्नियं बलिणो । । १०१ ।। तत्तो विलक्खवणंद जिट्टं पयंपइ कणिट्ठो । उव्वहसि कीस हियए मुहा विसायं महीनाह ! ।।१०२ ।। जुज्झताण अणियया कियवाण व जयपराजया जम्हा । ता धरिडं धीरतं नरिंदसद्दूल ! जुज्झेसु ।। १०३।। जह दट्ठो रोसेण वज्जगठिं व निठुरं मुट्ठि । सुसिलिट्टं काऊणं वच्छयले हणइ तं भरहो ।। १०४ ।। उवयारि व्व कयग्घे मोघीभूयम्मि तम्मि घायम्मि । वच्छत्थलम्मि बहलीनाहो वि हु निहणए भरहं । । १०५ ।। दंडाहयं व चक्कं पिक्खंतो तिहुयणं पि तो भमिरं । मुच्छानिमीलियच्छो चक्कहरो सरइ धरणियलं । । १०६ ।। सह नियसिन्त्रेण तया अक्खंडछखंडसामिए लुलिए । मत्तं व मुच्छियं पिव संजायं सयलमपि भरहं । । १०७ ।। अह सिंचंतो वच्छत्थलम्मि नयणंसुएहिं भरहवई । निंदंतो निययबलं वीयंतो अंचलेहिं बली । । १०८ ।। चितइ कुसलं अजस्स तायपायाणुभावओ होउ । अन्नह मए नियाणं पाणाण जलंजली दिनो ।। १०९ ।। सुत्तविद्ध व्वतओ सहसा अब्भुट्ठिऊण भरहवई । दप्पुब्भडो पयंडं दंडं तोलइ करग्गेण । । ११० ।। भंजइ तेण किरीडं सुहडकीरीडस्स नियकणिट्ठस्स । अह साहु साहु भणिरो सो वि कुणतो करे दंडं । । १११ । । कम्मं व खवगसाहू वम्मं निद्दलइ भरहनाहस्स । तस्स विरहेण सो वि हु दिप्पंतो सहसकिरणु व्व । । ११२ । । दंडरयणेण सीसे तडत्ति ताडेइ तक्खसिलनाहं । कुलिसकढिणम्मि सो तम्मि लग्गिउं होइ सयखंडो । ।११३ ।। आजाणुणी खुत्तो घाएण तेण नरनाहो । माहप्पं चक्किबलस्स पायडंतु व्व पुहवीए । ।११४ । । तव्वियणाए यखणं मिलियनयणो मुणि व्व झाणत्थो । ठाऊण विणिक्खंतो करि व्व पंकाउ स महीओ । ।११५ । । अह संभंतमणेहिं दीसंतो देवदाणवगणेहि । ताडइ भरहं सो वि हु सीसंमि पयंडदंडेणं । । ११६ । । आकंठं निब्बुड्डो महीइ चक्की वि तेण घाएणं । निययकणिट्ठस्स बलं कहिउं चलिउ व्व असुराणं । ।११७।। तत्तो असरिसलज्जा अवमाणविसायअयसपमुहेहिं । भावेहिं भावियमणो भरहो भूमीओ नीहरिउं । । ११८ । । चिंतइ हंत किमेयं असुयमदिट्ठ अचिंतणिज्जं च । सामन्नपत्थिवाओ पराजओ जमिह चक्किस्स ।। ११९ ।। न य चक्कराण जुगं जुगवं एगंमि होइ खित्तंमि । न खलु दुवे अप्पाणो एगम्मि मणुस्सदेहम्मि । । १२० ।। ता किं एअत्थं चिय छक्खंडं साहियं मए भरहं । अहवा एएण जिओ चक्कि प्रिय होमि न हु अहयं । । १२१ । । इय चिंतिरस्स पचयमुप्पायंतं इमस्स चक्कित्ते । भावनुएण सहसा जक्खसहस्सेण उवणीयं । । १२२ । । तिजयगयसयलतेयस - परमाणुविणिम्मियं व दिप्पंतं । चडियं चक्किस्स करंमि चक्करयणं तओ तइया । । १२३ ।। उप्पन्नपचओ अह नियचक्कित्तम्मि तम्मि हत्थगए । जाओ दुगुणुच्छाहो अमोहमेयं ति भरहवई । । १२४ । ।
तं तट्ठियम बाहुबली विचितए हियए । धिद्धी तायसुयत्तं इमस्स धी विक्कमुक्करिसो ।। १२५ ।। जं देवदाणवाणं पञ्चक्खं तह पइन्नामारुहिउं । मइ दंडजोहिणि इमो जाओ चक्काउहो एवं ।। १२६ ।।
Jain Education International 2010_02
For Private & Personal Use Only
२५५
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |