Page Text
________________
२५४
हितोपदेशः । गाथा-२०८ - भावधर्मविषये बाहुबलिकथानकम् ।।
अहमहमिगाइमिलिएहिं सबलसामंतचक्कवालेहिं । सुरसामिउ व्व सामाणिएहिं परिवारिओ सहसा ।।७३।। चउरंगचमूभरभग्ग-भोगिपुंगवफणामणीजालो । कालुब्वविवक्खाणंतक्खसिलासामिओचलिओ।।७४।। आगंतूण य कमसो अदूरदेसंमि भरहसिन्नस्स । दिन्नावासो मत्रइ चक्किबलं च लुयपीयं [पायं] व ।।७५।। दिटुं तं जेहिं तया सिनं दुन्ह वि नरिंदचंदाणं । संपिंडियतिहुयणदंसणम्मि न हु कोउगं तेसिं ।।७६।। अह बंदिविंदविंदारएसु उभओ वि संचरंतेसु । नियनियपहुकजसमुजएसु सामंतसुहडेसु ।।७७।। सन्नद्धबद्धकवएसु देवदाणवबलेसु व खणेणं । अनुनसम्मुहं संठिएसु निवचक्किसिन्नेसु ।।७।। जा संफेडो होही ताव य ठाऊण गयणमग्गंमि । विंदारयविंदेहिं नरवसहा दो वि ते भणिया ।।७९।। भुवणस्स वि भयजणओ पारंभो एस को णु तुम्हाणं । तसथावरजीवदयावरस्स रिसहस्स तणयाणं ।।८।। अहवा माणधणाणं दुन्ह वि केणावि कारणेण इमं । जायं तह वि न जुज्जइ निरत्थओ पाणिसंमद्दो ।।८।। उत्तमजुज्झेण तओ तुम्हे दो चेव जुज्झह इयाणिं । एवं न हु भिजिस्सइ वजं वज्रेण कइया वि ।।८२।। तं जुत्तिजुत्तमायत्रिऊण दोहि वि तहेव पडिवत्रं । ओहट्टिउं ठियाई बलाई दुनि वि तयाणाए ।।८।। अह सहसा संछन्ने गयणे सुरअसुरखेयरगणेहिं । सन्भेसु व सिन्नेसुं ठिएसु मज्झत्थभावेण ।।८४।। अच्छोडियम्मि गंधोदएण सुरमुक्ककुसुमपयरम्मि । ओइन्ना धरणियले सिंधुरखंधाउ चक्किनिवा ।।८५।। काऊण दिविजुज्झे पइन्नमत्रुन्नसम्मुहा दो वि । जाया अणमिसनयणा सोहम्मीसाणसक्क व्व ।।८।। नलिण व्व दिणे तेसिं मणयं पि न लोयणा निमीलंति । अत्रुन्नं सव्वुत्तमसत्तोलोयणसयन्ह ब्व ।।८७।। चिट्ठताण तह छिय उन्भडतडिपडिहय व्व सहस त्ति । दिट्ठी जिट्ठस्स तया घडिया रिसहेसतणयस्स ।।८८।। अह उवरि बाहुबलिणो सुमणा सुमणा मुयंति सुमणाई । आणंदकलयलो तह बलंमि तस्सेव संजाओ ।।८९।। विमणम्मि य चक्किबले बाहुबली सहरिसं भणइ भरहं । संपइ वायाजुद्धे धुरंधरत्तं धरसु धीर ! ।।१०।। अह मथायलपक्खेवखुहियखीरोयपडिरवरउदं । उम्मुयइ सीहनायं भरहवई कोवदुब्बिसहं ।।११।। अइकढिणकुम्मकप्पर-पयंडबंभंडखंडणुड्डमरं । तह बहलीनाहो वि हु मुंचइ नायं महाकायं ।।१२।। एवं मुंचंतेहिं अनुन्ननिनायपाडिसिद्धीए । कंठरवं तेहिं तया सद्दमयं तिहुयणं विहियं ।।१३।। दुजणमित्ति व्व कमेण हीयए भरहसामिणो सद्दो । अहियाहियं पवड्डइ बलिणो पुण सुयणमित्ति व्व ।।१४।। अह पक्खाइपरिग्गहपुव्वं सक्कयगिरा विवइराणं । छलजाइनिग्गहेहिं लहुएण पराजिओ जिट्ठो ।।९५ ।। अह कोवफुरियअहरो भरहवई बाहुजुद्धमारभइ । अभिट्टा ते दो वि हु पप्फोडिंता दढं तिवई ।।१६।। खणमुप्पयंति गयणे जुडंति विहडंति जंति भूवीढं । कोवाउ सिणेहाउ व पीडंति परुप्परं अंग ।।१७।। अह खेइऊण सुइरं चक्कहरं धरिय तयणु चरणेसु । उल्लालइ गयणयले बाहुबली लिदुलीलाए ।।१८।। हाहारवमुहरेसुं सुरअसुरनरेसु संकियमणेसु । ही ही न सुट्ठ विहियं मइ त्ति भणिरेण तो बलिणा ।।९९।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |