Page Text
________________
हितोपदेशः । गाथा-२०८ - भावधर्मविषये बाहुबलिकथानकम् ।।
२५३
कुविकप्पं किंपि मणे काउं जइ बंधुणो विणिक्खंता । इत्तियमित्तेणं चिय भायव्वं न हु तए तत्तो ।।४६।। पररिद्धिमच्छरिल्ला पिसुणा पलवंति तत्थ जं किंपि । पणइजणवच्छलो न हु भरहवई धरइ तं हियए ।।४।। ता चक्कवट्टिभावे वि तस्स सेवा अवस्सकायव्वा । तब्भूमिनिवसिरेहिं किं पुण बंधुस्स जिट्ठस्स ।।४८।। ता तुज्झ वि बाहुबले ! रजेण सजीविएण जइ कजं । ता भयसु भरहनाहं अह होसु रणाय लहु सज्जो ॥४९।। तव्वयणपवणसंधुक्वियं पि कोवानलं निगृहंतो । अह जंपइ बाहुबली उब्भडभुयदप्पअप्पडिमो ।।५०।। भो ! साहु दूयधम्मो तुमए निव्वाहिओ हु निच्छम्मो । एवं अक्खलियपयं पयंपिरेणं पुरो मज्झ ।।५१।। सझं जं सेविजई भरहो छक्खंडखोणिवालेहिं । तह देवदाणवेहि य विमुक्कमाहप्पदप्पेहिं ।।५२।।। लंघइन को वि आणं सक्कस्स व तस्स अवितहं तं पि । जंपुण कारणमित्थं तं सुणसु सुवेग ! एगमणो ।।५३।। जाणंति भूमिवइणो सव्वे सुरअसुरखेयरा य तहा । मज्झ भुयजुयलविलसिर-पयंडचंडिमचमक्कारं ।।५४।। आराहंता चित्तं मह चेव तओ कुणंति भरहस्स । मह जिट्ठभाउणो सेवग व्व सेवाइयं सव्वं ।।५५।। ता जइ मज्झ भुएणं सेविजइ तेहिं तेयवियलेहिं । तित्तियमित्तेणं चिय उत्ताणो कह णु तुज्झ पहू ।।५६॥ बंधुसिणेहो तेणं पयासिओ सोयरेसु जारिसओ । तत्तो वि विसिट्ठयरं मह सावक्कस्स दंसेही ।।५७।। मुक्का य अलुद्धेहिं रजधुरा रणधुरा य जइ तेहिं । ता किं तहेव मन्त्रइ ममं पि भरहो निरारंभं ।।५८।। का एसा नणु मज्झं बिभीसिया तस्स हरिकरिरहाणं । इक्को विहु तेयस्सी निहणइ सूरु व्व तमनिवहं ।।५९।। जंपंतु तस्स भिया जं किंपि अदिट्ठभुयबला मज्झ । सयमणुभूयं पि इमं भरहो वि हु किं न संभरइ ।।६०।। बालत्तणे मइ छिय जं सो चलणेसु धरिय लीलाए । रूवु ब्व मयगलेणं गयणे उच्छालिओ दूरं ।।६१।। मा पडिऊण विणस्सउ इमु त्ति करुणाइ झल्लिओ जेहिं । मह अज्ज वि नणु एए सुवेग ! ते चेव भुयदंडा ।।६२।। अहह ! अणप्पेहिं पिव उविक्खिओ मंतिमाइएहिं इमो । काराविही अवजं कजं अजो ममाहितो ।।३।। सेणा सेणानाहो चक्कं तियसा तडंमि ठाहिति । इक्कु छिय नणु भरहो सहिही मह भुयबलामोडीं ।।६४।। एवं ठिए य गच्छसु सुवेग ! वेगेण एउता भरहो । सज्जु छिय एस जणो सया वि कयपडिकयं काउं ।।६५।। इय सो साहिक्खेवं तक्खसिलासामिणा सयं भणिओ । संभंतमणो दूओ विणिग्गओ रायभुवणाओ ।।६६।। अविलंबपयाणेहिं गंतुं भरहाहिवस्स तं सव्वं । साहेइ बाहुबलिणो बलाबले वोचियं भणियं ॥६७।।। उच्छाहिओ तओ सो सुसेणपमुहेहिं लहु पहाणेहिं । विजयाय बाहुबलिणो भरहवई कुणइ पत्थाणं ।।६८।। मयधारासारेणं सिंचंता मेइणीतलं चलिया । चुलसीइसयसहस्सा जंगमसेल ब्व मायंगा ।।६९।। तावइया य तुरंगा तत्तियमत्ता य वरतरसयंगा । छण्णवइकोडिसंखा पाइका विक्कमिक्कधणा ।।७।। इय सिन्नविमद्देणं जलथलभूमीण विणिमयं कमसो । कुणमाणो संपत्तो भरहो बहलीविसयसीमं ।।७१।। पणिहिमुहाओ मुणिउंभरहं तत्थागयंच बाहुबली । तक्खणपयाणभंभारवमुहलियसयलदिसिवलओ ।।७२।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |