Page Text
________________
२५२
हितोपदेशः । गाथा-२०८ - भावधर्मविषये बाहुबलिकथानकम् ।।
छक्खंडभरहवइणो भरहस्स सुवेगनामओ दूओ । देव ! दुवारे दंसणमिच्छइ को इत्थ आएसो ।।१९।। साणंदेणं रन्ना दिनाणुनेण वित्तवालेण । अत्थाणंमि विमुक्को विम्हयथिमिओ तओ दूओ ।।२०।। लोलंतकणयसिंखलरवेण नियसामिणो पसायं व । पयडं स वाहरंतो सप्पणयं पणमइ नरिंदं ।।२१।। समुचियठाणम्मि इमं दिन्ने उचियासणम्मि उवविढे । दिट्ठीइ अमयबुट्ठीइ सिंचिरो नरवई भणइ ।।२२।। कुसलं सुवेग ! जिट्ठस्स भाउणो मज्झ भरहनाहस्स । निव्वत्तिया य तेणं निविग्घेणं विजयजत्ता ।।२३।। करितुरयकोसकुमरा सुद्धतं मन्तिणो चमूवइणो । पोरा जाणवया वि य सुहेण मह भाउणो संति ।।२४।। सामाइणो उवाया निरवाया लहु फलंति अजस्स । तह संधिविग्गहाईणि सुट्ठ चिंतंति मंतिगणा ।।२५।। निसुणेइ अप्पियं पि हु परिणइपत्थं ति विउसजणवयणं । हिययं न वेलविजइ इमस्स पडुचाडुयारेहिं ।।२६।। इंदियदुदंतहया निहिया वि विवेयवाहयालीए । मजायरज्जुविरहेण उप्पहे न हु पयर्टीति ।।२७।। नीइपरिपालियाओ पसवइ गोमंडलाओ से विमलो । बंभंडभंडपूरणपवणो जसखीरपब्भारो ।।२८।। तह लालियाउ तह पालियाउ तह गाहियाउ विणयपहं । सुमरंति तायपायाण किं पयाओ पुराणाओ ।।२९।। कजेण केण सुंदर ! अजेण विसजिओ सि मह सविहं । संभरइ भरहनाहो किं संपइ बंधुवग्गं पि ।।३०।। इवाइ नेहगन्भं सोवालंभं च पभणिओ रना । विणएण सुवेगो वि हु भावनू विनवइ एवं ।।३१।। जो तिहुयणस्स वि खमो जोगखेमंमि निययतेएणं । तस्स सयं चिय सिद्धं कुसलं सिरिभरहनाहस्स ।।३२।। दिसिविजएसेविग्घाहविजकहतिहुयणिक्कमल्लस्स । अहियाओघडइविग्घोतुल्लोविनतस्स भुवणम्मि ।।३३।। करितुरयकोसपमुहं विद्दविउं तस्स कस्स किर सत्ती । को नाम जीवियत्थी लुंपइ सेसस्स सीसमणिं ।।३४।। पयतललुलंतसीसाण मणुयपुहईसराण का गणणा । जं देवदाणवा वि हु भिश्न व भयंति भरहवई ।।३५ ।। सामाइणो उवाया तह विग्गहसंधिपभिइणो भुवणे । तेणं चिय निम्मविया कह न फलिस्संति तस्सेव ।।३६।। अविणयपहमि पहियं भुवणजणंजोपयट्टए विणए । नियकरणवग्गनिग्गहणपोरिसेतस्स किं भणिमो ।।३७।। उवजीवइ विउसजणो तं चिय विसमेसु अत्थसत्थेसु । तेहिंतो को अहिओ उवएसो तस्स किर होही ।।३८।। सुरकिन्नरीहिं गिजइ सुरवइपुरओ वि तस्स जसपसरो । भूमंडलंमि पसरइ तस्स पसिद्धित्ति को पसिणो ।।३९।। कह तायस्स पयाओ भरहमि सुसामियं सुमरंति । सुलहे सहयारफले अहिलसइ न मंजरिं को वि ।।४०।। जइ भग्गविणयमग्गा न बंधुवग्गा भयंति भरहवई । कुलमेरामयरहरो सो वि हु ता तेन संभरिओ ।।४१।। बंधु त्ति निब्भएहिं न बंधवेहिं पि तंमि ठायव्वं । आणासाराण विणा न सेवगं बंधवो को वि ।।४२।। किंचसिरिभरहवइणोचुलसीहयगयरहोहनाहस्स ।छण्णवइकोडिवरसुहड-गामसामिस्सकिमसज्झं ।।४३।। किं वा परेहिं इको सुसेणसेणावई पसप्पंतो । खयसमयकुवियचंडीसभीसणो रुज्झए केण? ॥४४।। चक्कहरो वि करेणं तोलिंतो चक्कमिकहेलाए । ससुरासुरं पि भुवणं आरोवइ संसयतुलाए ।।४५।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |