Page Text
________________
हितोपदेशः । गाथा-१९९ - तपधर्मविषये सुन्दरीकथानकम् ।।
२४७
देविंदस्स व देवस्स अत्थि भुवणे वि किन्न साहीणं । सुंदरिकुमरीइ पुणो किसत्तणे कारणं इणमो ।।४८।। जप्पभिई देवी णं वयगहणाओ निवारिया एसा । तप्पभिई गिहवासे निवसइ उवरोहमित्तेण ।।४९॥ एवं ठिए वि देवस्स विजयजत्तादिणाओ आरब्भ । आयंबिलाणि एसा निरंतरं कुणइ जा अज ।।५०।। तं सोउं भरहवई पभणइ धिद्धी मए इमीइ इमो । नेहेण अजवेण व संजमजोगुजमो खलिओ ।।५१॥ आलवइतं च कोमलगिराइ सुंदरि ! वयं किमिच्छेसि ? । आमंति तीइ भणिए सप्पणयं भणिउमारद्धो ।।५२।। अणुरूवं खु अवचं तं चिय तायस्स तेण इय भणसि । विसयामिसम्मि गिद्धा तत्तविमुद्धान उण अम्हो ।।५३।। जीयंमि चले लोलंमि जुब्बणे भंगुरेसु भोगेसु । को नाम किर सयनो भववासे वसिउमहिलसइ ।।५४।। असुइदलनिम्मिएणं असुइसरूवेण असुइपुढेण । देहेण सुई धम्मो जं धिप्पइ तं खु दक्खत्तं ।।५५।। तं चिय वियक्खणा जा असारभंडेण पुग्गलेणिमिणा । सयलसुहतिलयभूयं सिवसुक्खं वंछसे घित्तुं ।।५६।। आबालकालओ छिय अलित्तचित्ताइ विसयपंकेण । उव्वहइ तुज्झ रेहं बंभि छिय न हु जए अना ।।५७।। तम्हा इत्तियकालं वयविग्यो तुज्झ जं मए विहिओ । तं खमसु तह य सजसु निरवजे संजमुज्जोगे ।।५८।। इय सहरिसेण भरहेसरेण सा सुंदरी कयाणुना । ऊससियतणू जाया तवदुब्बलं व अवणेउं ।।५९।। संकप्पियं च तीए जइ ताओ कुणइ संपयं करुणं । ता अविलंबियमित्तो पूरेमि मणोरहं निययं ।।६०।। इत्थंतरंमि सामी सुरअसुरनरिंदविंदनयचलणो । अट्ठावयंमि सेले समोसढो पढमजिणनाहो ।।६१।। गुरुहरिसपूरपूरियहियया अह सुंदरी जिणागमणे । पढम पि पट्ठिएणं चित्तेणंतो रविचंता ।।६२।। सह भरहचक्कवइणा संपत्ता सामिपायमूलंमि । तइंसणमित्तेण वि मन्नइ मुत्तं व अप्पाणं ।।६३।। पुट्विं पि भवविरत्ता विसेसओ धम्मसवणओ तइया । सिरविरइयंजलिउडा एवं वित्रवइ जिणनाहं ।।६४।। संकप्पोवणएणंताय ! तएजह अहं अणुग्गहिया । वयवियरणेण संपइ तह पसियसु परमकारुणिय ! ।।५।। मा पडिबज्झसु गेहे अहासुहं कुणसु वंछियं वच्छे ! । दिनाणुना एवं जयगुरुणा सा पहिट्ठमणा ।।६६।। अशब्भुयभूइए भरहेणं विहियनिक्खमणमहिमा । पढमजिणपायमूले पव्वइया सुंदरी कुमरी ।।६७।। अब्भत्थदुविहसिक्खा दिक्खादिवसाओ सा समारब्भ । दुक्रतवचरणरया मायामयविप्पमुक्कमणा ।।६८।। इक्कारसन्हमंगाण सुत्तमत्थं च भाविरी सम्मं । भववासनिप्पिवासा सिवत्थिणी चरणमणुचरइ ।।६९।। गिहवासे शिय तीए आयामतवं तहा तवन्तीए । पयइठिइप्पएसा रसा य कम्माण संखिविया ।।७०।। जं किं पि कम्मसेसं तं पि हु तवसंजमेहिं निम्महिउं । उप्पाडियं अणन्तं तीइ तओ केवलनाणं ।।७१।। इत्यचिन्त्यविभवेन तादृशा, दुश्चरेण तपसाऽतिभूयसा । कर्मबन्धमवधूय दूरतः सुन्दरी पदमवापदव्ययम् ।।७२।।
समाप्तमिदं सुन्दरीतपोवृत्तम् ।। एवं च -
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |