Page Text
________________
२४६
हितोपदेशः । गाथा-१९९ - तपधर्मविषये सुन्दरीकथानकम् ।।
मोयाविंती सव्वायरेण भवचारयाउ अप्पाणं । भरहेण नेहमोहियमणेण न विसज्जिया एसा ।।२१।। ओहयमणसंकप्पा वि सासणं तस्स लंघिउमसत्ता । सम्मत्तमूलियाई पडिवना सावयवयाइं ।।२२।। अनत्थ भुवणनाहमि विहरिए मोहतिमिरखरकिरणे । चक्काणुमग्गलग्गे चलिए भरहे दिसिजयाय ।।२३।। नयरीइ विणीयाए परिट्ठिया सुंदरी विचिंतेइ । चरणावरणं कम्मं पिच्छह कह मज्झ अइनिबिडं ।।२४।। जं तायवयणसवणेण मुणियनिग्गुणभवो वि भरहवई । एयारिसपडिबंधे पाडइ मं ही अबंधु व्व ।।२५।। वयसा वएण तवसा जिट्ठ चिय सव्वहा वि मे बंभी । जा तायपायमूले निम्मूलइ कम्मवणगहणं ।।२६।। मह पुण जइ वि विरत्तं चित्तं भववासपासओ तह वि । किर कित्तिओ गिहित्ते हविज्ज सावजपरिहारो ।।२७।। किं वा अघडियसंघडणचिंतणेणं इमेण मह इन्हेिं । ताव तवु छिय सारो वए वि इहई पि तं काहं ।।२८।। न य एगतेणं अणसणेण निब्बहइ देहजत्ता वि । देहं च विणा विहलो वयगहणमणोरहो होही ।।२९।। ता कायव्वं च तवं देहं पि हु संजमो य वोढव्वं । इय चिंतिऊण चित्ते कया पइन्ना इमीइ इमा ।।३०।। जइया मं भरहवई वयाय अणुमत्रिही महाभागो । तइया हं विरमिस्सं आयामतवाओ एयाओ ।।३१।। इय कयविणिच्छया सा आयामतवंमि तंमि अइकढिणे । [संचिट्ठिउ] पयट्टा किं दुग्गं दढपइन्नाणं ।।३।। निन्नेहभायणेणं मणं पि से नेहविरहियं मन्ने । तेणं चिय अइफरुसं इय नियदेहे वि संजायं ।।३३।। हिययालवालरूढे रागदुमे तीइ तवदवो दिनो । तप्पल्लवुट्ठअहरो तेणाऽतंबोलविच्छाओ ।।३४।। तिव्वेण तेण तवसा उम्मीलइ पंडिमा तयंगेसु । अभिंतरं विसुद्धि सयराहं वाहरंतुझं ।।३५ ।। जणउ किसत्तं जुत्तं अञ्चंतं कक्कसं तवो तीए । देहम्मि सो तह चिय तहवि हु लवणिमजलुप्पीलो ।।३६।। सद्धिं वाससहस्साई चरइ सा तं तवं महासत्ता । संवच्छराणसणिणो जिणस्स पुत्ति त्ति किमजुत्तं ।।३७।। इत्तो य पडिनियत्तो भरहवई साहिउं भरहखित्तं । तह बारसवारिसिओ संजाओ सोऽभिसेयमहो ।।३८।। तस्संते य निउत्तेहिं चक्किणो सयणदंसणावसरे । सा सुंदरी कुमारी वि दंसिया तारिसरूवा ।।३९।। दिट्ठा य तेण अनंतकिसतणू सा निदाहसरिय ब्व । विच्छाया य पकामं पभायमयलंछणतणु व्व ।।४।। तत्तो साहिक्खेवं छक्खंडवई निओइणो भणइ । किं रे ! मज्झ वि गेहे दरिद्दगेहि ब्व न हु अन्नं ।।४१।। संतं पि सूवयारा अहव पमाएण नो पकप्पंति । होऊण गुत्तिया ते ता किं भुंजंति मह वित्तिं ।।४२।। खजूरहारहूरा - दाडिमकयलीफलाण ते रुक्खा । किं सव्वे समगं चिय तावसतेयग्गिणा दड्डा ।।४३।। गोमहिसीणं खीरं हीरइ किमदिट्ठचेडगगणेहिं । जं एरिसं अवत्थं पडिवन्ना सुंदरी कुमरी ।।४४।। अह वा साहीणेसु वि समत्थवत्थूसु आउरा एसा । ता किं जीवइ विजेसु कोइ वजेण अह निहया ।।४५।। के साहिया मए नणु भारहवासे विरोहिणो अवरे । पञ्चक्खविवक्खेसुं भवारिसेसु ठिएसु पुरो ॥४६।। अह विणयविरइयंजलपुडेहिं सभएहि तेहिं विनत्तं । कुणउ पसायं देवो अवहारउ जमिह परमत्थं ।।४७।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |