Page Text
________________
२१४
हितोपदेशः । गाथा-१८५ - शीलपरिपालने सुभद्राकथानकम् ।।
पायडिए संकप्पे तीइ सुरो भणइ सयणु ! मा तप्प । मुद्दिस्समहं गोसे पुरीदुवाराणि सव्वाणि ।।७१।। अत्ते जणे भणिस्सं जा इत्थ सइत्तगव्वमुबहइ । उग्घाडउ कवाडे सा चालणिकलियजलसित्ते ।।७२।। तुह चेव पओगेणं एवं सव्वं भविस्सइ सुसीले ! । इय भणिय गए तियसे सा तुट्ठा वोलए रयणिं ।।७३।। संघडियासु पभाए अइनिब्भचं पुरीपओलीसु । अंतो बहिं च लोओ सरिपूरेण व तओ रुद्धो ।।७४।। गोमहिसिखरुट्टाइसु निरोहसुढिएसु कडुरडतेसु । जाओ समाउलमणो निरुद्धसासु ब्व नयरिजणो ।।७५ ।। मुणियसरूवो राया ससंभमो सयमुवागओ तत्थ । विविहपओगे कारेइ तयणु गोउरपयारत्थं ।।७६।। ता किंपि पयारंतरमपाउणंतो समाइसइ भिक्छ । रे ! कढिणकुढारेहिं तडत्ति लहु तोडह कवाडे ।।७७।। मयणमय व्व न कम्मं कुणंति सियपरसुणो विजा तत्थ । ता मुणियं नरवइणा दिव्वपकोवो इमो कोवि ।।७८।। तत्तो विमुक्ककेसो उल्लपडो पूयपडलपडहत्थो । उड्डमुहो घडियकरो सनायरो नरवई भणइ ।।७९।। देवस्स दाणवस्स गंधव्वस्स व गणस्स जक्खस्स । जस्स पुरेणऽवरद्धं अहव मए सो खमउ इन्हिं ।।८।। तो भणियचरो अमरो फुरंतदेहो पयंपए गयणे । तं पुव्वुत्तपओगं सयलं पि हु पुरपहुस्स पुरो ।।८१।। अहमहमिगाइ तत्तो उत्ताणाओ सइत्तगब्बेण । कय सुइनेवत्थाओ चाउव्वत्राउ नारीओ ।।८।। निवनायराण पुरओ खिवंति जा चालणीसुकिल सलिलं । ताव रहस्सं वमणंमिताण तंठाइ नहु तासु ।।८३ ।। तत्तो विलक्खवयणासु नमिरनयणासु अन्नमत्रेणं । पच्छायंतीसु पलाइरीसु लहु नयरिनारीसु ।।८४।। कयरोलो हसइ जणो जहा जलं चालणीसु एयाहिं । संठवियं दाराणि वि उग्घाडीहंति तह चेव ।।८५।। इत्थंतरे सुभद्दा सासुनणंदाउ भणइ सुविणीया । विनासेमि अहं पि हु अप्पाणं तुम्ह आएसा ।।८६।। हसिरीहिं ताहि भणिया सइत्तणं तुह मुणंति न मुणिणो । ता कीस मुहा रोवेसि उपरि चूलं कलंकस्स ।।८७।। एयं ता तुम्ह मणे सञ्चं तह वि हु तुलिस्समप्पाणं । इय भणिउं कयसमुचियनेवत्था लेइ चालणियं ।।८८।। सुमरंती परमिट्टिप्पयाई नियसीलनिम्मलयरेण । सलिलेण पूरइ तयं जणं च गुरुविम्हयरसेण ।।८९।। अह सेलभायणम्मि व पयट्ठिए चालणीइ सलिलम्मि । अंधारियाओ सहसा सासुनणंदाओ भद्दाए ।।१०।। उद्दिसिय पुव्वगोउरमह चलिया सा महासई जाव । ता मुणिउं नरनाहो सनायरो एइ पञ्चोणिं ।।११।। दण तं तहट्ठियमह भणइ ससंभमं महीनाहो । ए एहि पुत्ति ! पूरिसु मणोरहे नयरिलोयस्स ।।१२।। सझं तुम सइ छिय कहनहा ठाइ चालणी जलं । उग्घाडिय पुरदारे तहवि हु पयडेसु नियचरियं ।।१३।। इय उच्छाहिजंती निवेण सा पुवगोउरं गंतुं । सुमरियपरमिट्ठिपया जलेण अच्छोडइ कवाडे ।।१४।। तिक्खुत्तोतह विहिएरुडंति (झडत्ति) कुंचारवंकुणंताई। उग्घडियाइंकवाडाइंकमलकोसव्वगोसम्मि ।।१५।। उल्लसिओ जयसद्दो नंदउ एसा महासइ त्ति तओ । एसा सा बंभाणी एस गिय तह महादेवी ।।१६।। पणवत्रकुसुमवुट्ठी मुक्का सीसम्मि तीइ तियसेहिं । पहयाउ दुंदुहीओ गयणे गंभीरसद्दाओ ।।१७।। लग्गो चलणेसु तओ नायरो नरवई सुभदाए । भणइ तए उद्धरिओ वसणसमुद्दाउ एस जणो ।।१८।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |