________________
हितोपदेशः । गाथा-१८५ - शीलपरिपालने सुभद्राकथानकम् ।।
अह अनया पविट्ठो खवगमुणी मंदिरे सुभद्दाए । तस्स य भूरेणुकणो खरपवणपणुल्लिओ नयणे ।।४५।। दूमिजंतो वि दढं स मुणी अवणेइ तन्न नयणाओ । अप्पडिकम्मत्तणओ निरविक्खो निययदेहे वि ।।४६।। चिंतइ सा तं दटुं चिट्ठतो दिट्ठियायगो एस । ता जाव नावणीओ न ताव मणनिबुई मज्झ ।।४७॥ वीमंसिऊण एवं भिक्खटुं तस्स ईसि नमिरस्स । रसणग्गेणं कणुगो अवणीओ झत्ति दक्खाए ।।४।। भवियव्वयावसेणं मुणिभाले तीइ भालवट्टाओ । घणपिट्ठचुन्नतिलओ अलक्खिओ चेव संकेतो ॥४९।। दुन्हं पि अणाभोगेण तम्मि तह चेव संठिए तिलए । गिहिउं साहू भिक्खं निक्खंतो तीइ गेहाओ ।।५।। दटुं सतिलयभालं मुणिं हसंतीहिं दिनकरतालं । जणणिभइणीहिं भणिओ तओ सुभद्दापिओ एवं ।।५१।। ए एहि वच्छ ! पिच्छसु सयमेव सइत्तणं सपत्तीए । उवभुत्तमुत्तमुणिभालतिलयपयडं पडुप्पन्नं ।।५२।। पुबभणियाणि अम्हंमच्छरगणणाइगणसितंताव । निम्मच्छरो किमुत्तरमिह काहिसि साहुतिलयम्मि ।।५३।। दढपश्चएण तेणं मणम्मि तस्स वि विलीयमुप्पन्नं । किं कसिणरयणछाया न लंछणत्तं गया ससिणो ।।५४।। चिंतइ य इमो एवं निम्मलकुलजुयलसंभवा वि इमा । सब्बप्पणा वि सव्वस्ससामिणी निम्मिया विमए ।।५५।। धम्मे य जिणुट्ठिम्मि अट्ठमिंजाणुरायरत्तावि । जइ एवं किर ववसइ धिरत्थु ता जुवईजाईए ।।५६।। इय जायमणवियप्पो तप्पभिई सिढिलपेम्मसम्माणो । ववहारमित्तउ छिय अणुयत्तइ चिट्ठियं तीए ।।५७।। मुणियसरूपा सा वि हु चिंतइ धिद्धी पमायओ मज्झ । तं किं पि समावडियं जेणिह मुहला खला हुंति ।।५८।। एवंविहे "विलीए सक्खं चिय चक्खुगोयरें कह णु । न पियस्स विप्पियाहं जंपंति न दुजणा किं वा ॥५९।। किंतु न चित्ते वि इमं पइपिसुणा जमिह मज्झ पडिकूला । अणुकूला इक्क झिय मणसुद्धी होउ मह धम्मे ।।६०॥ किं च गिहवासवसिरीइ विसयवासंगरंगियमणाए । ज मज्झ किल कलंको न दूमए सो तहा हिययं ।।६१।। किं पुण अणगारवरस्स तस्स मणवयणकायसुद्धस्स । मह चेव निमित्तेणं जो अववाओ स दूमेइ ।।६२।। न य तस्स चेव इक्कस्स दूसणे उवरमिज वयणिजं । सयलं पि हु जिणसासणमिमाउ पाउणइ मालिन्नं ।।६३।। ता जीवियनिरविक्खा तं काहमुवक्कम अहं जत्तो । मरणं व पाउणिस्सं कलंकमेयं व अवणिसं ।।६४।। इय कयविणिच्छया सा सुइभूया धरियधवलनेवत्था । परमगुरूणं पडिमाओ पूइडं परमभत्तीए ।।६५।। कयसागाराणसणा जिणबिम्बाणं पुरो इमं भणइ । देवो वा देवी वा जिणपवयणपाडिहेरकरो ॥६६॥ जो अस्थि सो निसामउ न जाव एवं कलंकमवणीयं । ता मह इहट्ठियाए अणसणमह काउस्सग्गो य ।।६७ ।। परिवत्तंती चिट्ठइ परमिट्ठिपयाणि सा खणं जाव । ता नियतणुतेएणं उज्जोयंतो दस दिसाओ ।।६८।। पाउन्भूओ पुरओ ललंतमणिकुंडलो सुरो एगो । भणइ सुभदं भद्दे ! जिणसासणपाडिहेरकरो ।।६९।। सम्मट्ठिी अमरो तुहप्पभावेण आगओ इत्थ । आइससु जं मए इह कायव्वं निवियप्पमणा ।।७०।।
11. विलीए (व्यलीक) अप्रिय, विप्रिय, विप्रियकर्ता इति भाषायाम् ।। - पा. स. म. पृ. ७९९ ।।
Jain Education International 2010 02
For Private & Personal Use Only
www.jainelibrary.org