Page Text
________________
हितोपदेशः । गाथा - १८५ - शीलपरिपालने सुभद्राकथानकम् ।।
तेहि वि से जिणधम्मो सरलसहावेहिं सम्ममुवइट्ठो । कवडेण य पडिवन्नो इमेण अइगूढहियएणं । ।१९।। अह तहभव्वत्तणओ परिसीलंतस्स तस्स तं धम्मं । उल्लसिओ सुहभावो जायं तत्तत्थसद्दहणं ।। २० ।। तो गऊण गुरूणं पुरओ विणएण विनवइ एवं । जिणदत्तसुयालोभेण एस धम्मो मए पुव्विं ।। २१ । । छमेणं पडिवन्नो इय सम्मं मुणह संपयं किंतु । इय मज्झ मणंमि ठियं एसत्थो एस परमत्थो ।। २२ ।। तापसिऊणं पुणरवि अणुग्गहं कुणह मज्झ सविसेसं । जं जं धम्मरहस्सं तं तं सव्वं पि उवइसह ।। २३ ।। तत्तो गुरुकुलवासं सेवंतो सम्ममेव थिरचित्तो । संजाओ गीयत्थो कमेण सहवासओ तस्स ।। २४ ।। विविहोवयारपुव्वं जिणपडिमाओ गिहंमि अछे । वचइ जिणिदभवणं गुरुणो वंदेइ विणण ।। २५ ।। पूएइ समणसंघं वच्छलं कुणइ तुल्लधम्माणं । इय एसो संजाओ कमसो सुस्सावगो चेव ||२६|| सुणिउं जिणदत्तो वि हु पुव्वावरवइयरं तमेयस्स । साहम्मिउ त्ति तुट्ठो वियरइ से कन्नयं निययं । २७ ।। तो दोहि वि पक्खेहि पमुइयहियएहिं सोहणमुहुत्ते । पाणिग्गहणमिमेसि विच्छड्डेणं विणिम्मवियं ।। २८ ।। परिणीया वि सुभद्दा पुव्वं पिव मंदिरंमि नियपिउणो । चिट्ठइ सुहंसुहेणं कीलंती विविहकीलाहिं ।। २९ ।। विनत्तो जिणदत्तो तयणु विणीएण बुद्धदासेणं । ताय ! पसिऊण पेसह नियधूयं ससुरगेहंमि ।। ३० ।। भणिओ य सिट्टिणा सो वच्छ न इत्थत्थि पत्थणाजुग्गं । किं पुण धम्मविरोहेण घरजणो तुज्झ पडिकूलो ।। ३१ ।। तत्थ ट्टियाइ इमीए वियरिस्सइ जं व तं व अववायं । ता जयसु तह कहं पि हु सिणेहहाणी जह न होइ ||३२|| मुणियतयाभिप्पाओ पयंपए तयणु बुद्धदासो वि । भिन्त्रघरे ठाविस्सं अज् अहं नंदृणि तुम्ह ||३३ ॥ भाववलद्धितुण सिट्टिणा तयणु पेसिया धूया । ठविया य पुढो गेहे धणकणयसमाउले तेण ।। ३४ ।। सविसेसं ईसानलपज्वलिओ तयणु घरयणो तस्स । साइणिजणु व्व मग्गइ पए पए छिद्दमेई ।। ३५ ।। अह तीइ सुभद्दाए सुसावियाए घरम्मि जिणसमणा । पविसंति पाणभोयणओसहभेसज्जकज्ज्रेण ||३६|| असहंतीओ साहूण भत्तिबहुमाणपुव्वयं दाणं । जंपंति जणणिभइणीउ बुद्धदासं उवंसु तओ ।। ३७।। वच्छ ! न मच्छरमम्हाण जं तए निययपणइणी एवं । संठविया भिन्नघरे पूरेसि य वंछियं तीए ।। ३८ ।। किं तु न जुत्तं एवं अइप्पसंगो जमित्थ समणाणं । बलवं हि इंदियगणो कयाइ विउस पि धरिसेइ ।। ३९ ।। तं सोऊण सुभद्दापियो य रोसा इमं पयंपेड़ । अम्मो ! न चिंतिउं पि हु जुत्तमिमं तुम्ह किं वृत्तं ॥ ४० ॥ अपि जलइ जले जलणो जलणाओ लुलिज्ज अह जलुप्पीलो ।
अविरलगरलुग्गारो अमयकराओ वि वियलिज्ज ।।४१।।
पवणो वि हुज्ज पंगू मयरहरो पि हु चइज्ज मज्जायं । न उ एईई वियारो मणे वि मणयं पि जाइज ।। ४२ ।। तहान इत्थ संका केण वि सुमिणे वि कहवि कायव्वा । तं सोउं तुसिणीयाओ ताओ चिट्ठति खुद्धाओ ||४३|| सविसेसं च सुभद्दाइ छिद्दमणुमवि सुनिउणमूहंति । परदोसपिच्छणं चिय कुलधम्मो दुज्जणाण जओ ।। ४४ ।।
२१२
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |