Page Text
________________
हितोपदेशः । गाथा-१८५ - शीलप्रतिपालने श्रीराजीमतीकथानकम् ।।
२०३
दियरु त्ति सरलचित्ता पडिच्छइ सा वि तस्स उवयारं । अणुरत्ता मम गिन्हइ एस त्ति विचिंतए सो वि ।।६०।। अह अन्नया विवित्ते भणइ इमो सुयणु बंधुणा मज्झ । जं तुममेवं चत्ता अन्नाणं कारणं तत्थ ।।६१।। को नाम किर सयन्नो चइज दिटुं सुहं अदिट्ठकए । मा हुज तारिसि बिय तुमं पि सुवियारचित्तासि ।।६२।। ता गिन्हसु मह पाणिं उवभुंजसु दिब्बजुव्वणारंभं । संसारकडुयविडविस्स महुरफलमित्तियं मुद्धे ! ।।६३।। तं सोउं सा चिंतइ इय संकप्पो इमो ममं पावो । ओलग्गइ उवयरइ य धिरत्थु ता एयचरियस्स ।।६४।। जुत्तीइ निवारिस्सं इमं ति परिचिंतिऊण अन्नदिणे । सा पियइ मु[सुद्धदुद्धं अग्घायइ तयणुमयणफलं ।।६५।। वमिऊण कणयथाले रहनेमि भणइ पिवसु दुद्धमिणं । सो भणइ मंडलो हं किं जं वंतं पिविस्सामि ।।६६।। अह जंपइ रायमई जइ एवं मुणसि मुद्ध ! ता कीस । नियजिट्ठभाउवंतं पि पत्थसे मं विवाहत्थं ।।६७।। होऊण तस्स भाया पागयजणसमुचियं पयं पत्तो । किं रे मूढ ! न लजसि विमुक्मजाय ! तस्सावि ।।६८।। ता मा इज्जसु इमिणा मणेण मह मंदिरंमि इइ भणिओ । नियवसहपाडिओ इव रहनेमी जाइ नियगेहे ।।६९।। अह चउपनदिणेहि वयगहणाओ गएहिं जयगुरुणो । पडिमाठियस्स रेवयगिरिंदसिहरम्मि रम्मंमि ।।७०।। सुक्कझाणानलसंपलित्त - घणघाइकम्मकक्खस्स । विगयावरणमणंतं केवलनाणं समुप्पन्नं ।।७१।। चलियासणेहिं चउसट्ठिसुरवरिंदेहिं कयसमोसरणो । ससुरासुराइ परिसाइ जयगुरु कुणइ धम्मकहं ।।७२।। उजाणपालएहि वित्रत्ते नेमिनाणवुत्तंते । सुव्वनस्स दुवालस कोडीओ तेसि सड्ढाउ ।।७३।। दाऊण पीइदाणेण सयलहरिकुलनरिंदपरियरिओ । वंदणवडियाइ गओ सह रामेणं तयणु कन्हो ।।७४।। सोउं अरिट्ठनेमिस्स दुट्ठकम्मट्ठगंठिनिट्ठवणिं । वरधम्मदेसणं भव्वपाणिणो के न पडिबुद्धा ।।७५।। वरदत्तप्पामुक्खा जाया गणहारिणो तया तत्थ । अजाउ अजजक्खिणिपमुहाओ निजियमोहाओ ।।७६।। सुस्सावया य जाया समुद्दविजयाइणो नरवरिंदा । सिवदेविप्पमुहाओ सुसावियाओ नेमिस्स ।।७७।। रायमई पव्वइया विरत्तचित्ता भवाउ पुदि पि । रहनेमिप्पमुहा वि हु सीसा सिरिनेमिणो जाया ।।७।। तित्थं पवत्तिऊणं सामी अन्नत्थ विहरि सुइरं । कालक्कमेण पुणराव संपत्तो रेवयगिरिम्मि ।।७९।। वासारत्तो पत्तो तया य तो समणसमणिपरियरिओ । तत्थेव ठिओ भयवं बोहितो भव्वपाणिगणं ।।८।। अह अनया गएसुं गोयरचरियाइ समणिसमणेसु । दुद्धरधारासारो वारिहरो वरिसिउं पत्तो ।।८१।। तरुतलसेलगुहासुं जलजीवनिकायरक्खणरएसु । समणिसमणेसु सहसा इओ तओ लीयमाणेसु ।।८।। पव्वयगुहाइ जीए रहनेमि पुव्वमेव संलीणो । भवियब्वयावसेणं रायमई वि हु तहिं पत्ता ।।८३।। अमुणिय तं तत्थ ठियं सा उवगरणाई अंगलग्गाइं । उव्वाविउं पवत्ता रमणीयणपत्तजयपत्ता ।।८४।। तो तीइ अंगुवंगाई लडहलायनलच्छिललियाइं । दट्ठण मयणतक्कर - परिमुसियविवेयसव्वस्सो ।।८५।। रहनेमिमुणी लहु पयडिऊण अप्पाणयं पुरो तीए । कामिजणसमुचियाइं पयडइ चाडूणि भोगत्थं ।।८।। दट्ठण तं अकम्हा पम्हट्ठविवेगमागयं पुरओ । संगोविअंगुवंगा रायमई भणिउमारद्धा ।।८७।।
___ Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |