Page Text
________________
हितोपदेशः । गाथा - १६९ - जिनबिम्बकारककुमारनन्दी सुवर्णकारकथानकम् ।।
भाणुहरु विन्दु त्ति य तह तहागउ त्ति इमो । पभणंता तं संपुडमुग्धाडेउं पयट्टंति । । ८४ ।। अइकढणा वि कुढारा सियधारा सारसारसंघडिया । तम्मि पत्ता भवंति झत्ति नवंगघडिय व्व ।। ८५ ।। 'अच्छोडंति य संपुडमेगे सलिलेहिं मंतपूएहिं । जुंजंति मंतजुत्तिं परे तदुग्घाडणपट्टिं । ८६ ।।
तहवि रहस्सं व कुलीणगोयरं पायडं न तं होइ । कज्जुंमि दिव्वसज्झे वंझा नणु माणुसी किरिया ।। ८७ ।। आदिrयरोदयाओ मज्झन्हे वि हु न जा महीनाहो । भुवणम्मि एइ ताव य देवीइ पभावईइ तहिं ॥ ८८ ।। निज्जुत्ता पडिहारी रन्ना वि हु तं विसज्जिडं देवी । तत्थेव समाहूया कहिओ सयलो वि वृत्तंतो ।।८९।। सा पुण विवित्तचित्ता जाणियजिणसासणुत्तनवतत्ता । चेडगनरिंदधूया अहिणवधम्माण गुरुभूया ।। ९० ।। भणियं च तीए सामिय विस्से वि हु एस विस्सुओ मग्गो । अन्नस्स नामगहणे न हु अन्नो दंसणं देइ ।। ९९ ।। देवाहिदेवमेयं हरिहरबंभाइनामधेएहिं । पभणंता दंसणिणो पावंति न दंसणं तेण ।। ९२ ।। जियरागदोसमोहो अरिहो देवाहिदेवसद्देणं । भन्नइ जयंमि नत्रो जहत्थसन्नो य सो भयवं ।। ९३ ।। जंप निवो पमाणं किमित्थ देवी भणेइ पक्खं । ता को इत्थ विलंबो देवाएसस्स सा भणइ ।। ९४ ।। तो रन्नाऽणुन्नाया सुइभूया जक्खकद्दमरसेण । अच्छोडेउं संपुडमिय विन्नविडं समारद्धा ।।९५।। दुट्ठट्ठकम्मनिट्ठवण ! अट्ठवरपाडिहेरसुपइट्ठ ! । वरनाणनिलय ! देवाहिदेव ! मह दंसणं देसु । । ९६ ।। इय भणिए तीइ महासईइ सहस त्ति संपुढं एयं । उग्घडियं दिणयरकिरणसंगमे कमलकोसं व ।। ९७ ।। अमिलाणदिव्वदामा पडिमा चरमस्स तित्थनाहस्स । पाउब्भूया तत्तो जणनयणाणं अमयवुडी ।। ९८ ।। जयइ जिणसासणं चिय जस्स पभावा परिप्फुरइ एवं । इय तत्थ समुग्घुट्ठ मुइयहियएण लोएण ।। ९९ ।। जय तिहुयणिक्कवच्छल ! छलवज्जिय ! जियकसायभडवाय ! । जरजम्ममरणविरहिय ! हियदंसण ! जिणवइ ! नमो ते ।। १०० ।
१८९
इय थोऊणं देवी पभावई पणमिऊण पुणरुत्तं । जंपड़ पोयाहिवरं तं चिय धन्नो सि हे भाय ! ।। १०१ ।। जेणेसा उवणीया तिहुयणचिंतामणिस्स जिणपहुणो । अप्पडिमा वरपडिमा कह णु तए पाविया एसा ।। १०२ । । तो तेणावि हु सव्वो कहिओ तल्लाभवइयरो तीए । दिव्वपडिम त्ति तत्तो सविसेसं पमुइया देवी ।। १०३ ।। विन्नविऊण नरिन्दं उस्सुंको उक्करो स कारविओ । सयले वि हु नियदेसे दिनं अन्नं पि से वित्तं । । १०४ ।। सम्माणिण एवं विसज्जिओ पोयवाणिओ रत्रा । परमविभूईइ तओ पडिमा वि पवेसिया गेहे । । १०५ ।। विन्नविडं रायाणं देवीए कारिओ य पासाओ । फलिहदलेहि देवाहिदेवपडिमाकए तत्थ । । १०६ ।। तिक्कालं पि हु परिमलमिलंतफुल्लंधएहिं फुल्लेहिं । घुसिणघणसारमयमयकालागुरुचंदणेहिं च ।।१०७।।
गाथा - १६९ 1. अच्छोड - (आ+छोट्य) सिंचना, छिटकना इति भाषायाम् । - पा. स. म. पृ. २२ ।। 2. मयमय मृगमदः ।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |