Page Text
________________
१८२ हितोपदेशः । गाथा - १६३, १६४ - जीर्णोद्धरणविषये वग्गुरश्रेष्ठिकथानकम् ।। सप्तमं जिनबिम्बक्षेत्रम् ।।
इत्तो य तंमि समए सामी सिद्धत्थनंदणो वीरो । सिरिचरमतित्थनाहो छउमत्थविहारुगो तत्थ ।। ५१ ।। समुह पुरिमतालाण अंतरे संठिओ य पडिमाए । वग्गुरसिट्ठी य तया न्हाओ कयविमलनेवत्थो । । ५२ ।। पूओवगरणपडलग करेहिं किंकरनरेहिं परियरिओ । सिरिमल्लिनाहभवणंमि पत्थिओ पूयणनिमित्तं ।। ५३ ।। इत्थंतरम्मि अडवीसलक्खसंखाण वरविमाणाणं । समसमयं सामीहिं सेविज्जन्तो सुरवरिन्दो । । ५४ ॥ ईसाणकप्पसामी वसहगई सूलपहरणो तत्थ । सिरिवद्धमाणसामिस्स वंदणत्थं समोइत्रो ।। ५५ ।। दिट्ठो य तेण वग्गुरसिट्ठी अवगन्निऊण भगवंतं । वयंतो जिणपडिमाण पूयणत्थं पसन्नमणो ।। ५६ ।। परिचिंतियं च धिद्धी मुद्धत्तमिमस्स धम्मियस्सावि । पञ्चक्खं तित्थयरं अवहत्थिय जो वयइ एवं ।।५७।। तम्हा बोहेमि इमं ति चिंतिउं दिव्वरूवनेवत्थो । वियडमणिमउडकुंडल- गेविज्जधरो सुराहिवई ।। ५८ ।। aries ari भद्द ! कत्थ तं पत्थिओ सि एगमणो । भणइ ससंभममेसो वि देव ! वच्चामि जिणभवणं ।। ५९ ।। कं तत्थ गएण तए कायव्वं निव्वियप्पमण ! भणसु । विन्नवइ इमो पूया जिणिदपडिमाण रम्माणं ।। ६० ।। पडिमा वि जेसि पुज्जा पुज्जा ते किन्न नाम जिणचंदा । सो भणइ देव नियमेण सामिणो पूयणिज्जा ते । । ६१ । । जइ एवं ता एवं सिद्धत्थनरिंदनंदणं सामिं । पचक्खं तित्थयरं अवहत्थिय किं पुरो वयसि ।। ६२ ।। इय सुरवइणा भणिओ ससंभमो नियइ वग्गुरो सामिं । पंचंगचुंबियधरो परेण विणएण तो नमइ । ६३ ।। वित्रवइ सामि ! अहिणवधम्मो हं अमुणिऊण परमत्थं । छउमत्थतित्थनाहाणमेवमवहत्थिउं चलिओ ।। ६४ ।। ता खमसु मह महायस ! अवराहमिणं पुणो वि न हु काहं । इय अज्जवेण भणिरं तं सुरनाहो पयंपेड़ । । ६५ ।। भद्द ! गयरागदोसो भयवं एसो हु परमकारुणिओ । न हु तूसइ नो रूसइ पूयावन्नाहिं कस्सावि ।। ६६ ॥ सुंदर ! तुमं पि धन्नो इहलोगत्थे वि जेण जिणधम्मो । पडिवज्जिऊण एवं पालिज्जइ एगचित्तेण ।। ६७ ।। तम्हा लोगदुगे विहु सुहायरे रमसु इत्थ जिणधम्मे । इयं त अणुसासिय नमिय सामियं वचइ सुरिंदो ।। ६८ ।। अह वग्गुरो वि पूयाविच्छड्डेण परेण सिरिवीरं । परिपूइऊण सो मल्लिनाहभवणम्मि संपत्तो ।। ६९ ।। तप्पभि सविसेसं थिरचित्तो सो जिणिदधम्मम्मि । सम्मत्तमूलियाई पडिवन्नो बारसवयाई ।। ७० ।। सम्मं कम्मादाणे परिचयंतो पवत्तए वित्तिं । सत्तसु खित्तेसु नियं च वित्तबीयं निओएइ ।।७१ । । तह तस्स धम्मराओ निम्माओ माणसे समुल्लसिओ । जह सुचिय भयणिज्जो संजाओ मंदधम्माणं ।। ७२ ।। इय आजम्मं परिपालिऊण सो सावगत्तमकलंकं । मरिउं पंडियमरणेण थिरसमाही दिवं पत्तो ।। ७३ ।।
इत्थं किलैहिकमपि प्रतिपद्य हेतुं, वल्गद् विवेकगरिमा ननु वल्गुरोऽयम् ।
उद्धृत्य जैनसदनं भववारिराशेरात्मानमेव सुकृती ध्रुवमुद्दधार ।। ७४ ।। १६३ ॥
एवं प्रदर्शितं सनिदर्शनं षष्ठं जिनायतनक्षेत्रम् । अधुना सप्तमं जिनबिम्बक्षेत्रमभिधित्सुराह - निम्मविए जिणभवणे जिणबिंबं तत्थ ठावए मइमं । आणन्दसन्दिरच्छा हत्थं पिच्छंति जं भव्वा । ।१६४ ।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |