Page Text
________________
हितोपदेशः । गाथा-१६३ - जीर्णोद्धरणविषये वग्गुरश्रेष्ठिकथानकम् ।।
१८१
ता पासायं एगं सिहरसिहाल्हसिरगुरुसिलाजालं । परितुट्टभारवटुं भूमिगयथंभसंभारं ।।२३।। उप्पट्टकुट्टिमतलंवियलियपायारलुलियकविसीसं ।पिक्खंतिकालपरिणाम-विसरिसंतहविससिरीयं ।।२४।। अह कोउगेण पविसंति जाव ते तस्स गब्भगिहमज्झं । ता मल्लिनाहपडिमं नियंति लोयणसुहावडिं ।।२५।। तत्तो तत्कालसमुल्लसंत - गुरुहरिसवियसियच्छिजुया । भद्दगभावत्तणओ पूयंति नमंति पुणरुत्तं ।।२६।। मुणिउं सपाडिहेरं सोहाइसएण तं तओ पडिमं । संघडियअंजलिउडा सविणयमेवं पयंपंति ।।२७।। जइ देव ! तुह पभावेण कहवि अम्हं सुओ सुया वा वि । होही ता तुह भवणं असंसयं उद्धरेहामो ।।२८।। तप्पभिई आजम्मं धम्मं तुह सम्मयं च काहामो । उत्तमपूयाइ तुम पूइस्सामो तह तिसंझं ॥२९॥ इय भणिउं भत्तीए पुणरुत्तं पणमिऊण मल्लिजिणं । सह सयणपरियणेहिं संपत्ता ते नियावासं ।।३०॥ अह तहभव्वत्तणओ जिणसासणदेवयाणुभावेण । पाउन्भूओ गब्भो अणब्भवुट्ठि व्व भद्दाए ।।३१।। तत्तो अमंदआणंद-पूरपूरिजमाणहियएण । भद्दापिएण गेहे आहूया थवइणो सब्वे ।।३२।। अह तेहिं समं विनाणनाणकुसलेहिं झत्ति संपत्तो । सिरिमल्लिनाहभवणं वणसंडपइट्ठियं सिट्ठी ।।३३।। सम्माणिऊण भणिया तेणतओ विस्सकम्मनिम्माया । भो ! भो ! उद्धरह इमं अचिरेण जिणिंदपासायं ।।३४।। जं उवजुजइ इत्थं महग्घमवि उवलदारुमाईयं । तं मह साहह सवं अविलंबं जह पणामेमि ।।३५।। अह फलिहवयरवरइंदनीलवेरुलियविहुमाईहिं । उत्तमदलेहिं विहियं पुणनवं तेहिं तं भवणं ।।३६।। सम्माणियदोहलया भद्दा वि हु पसवए सुयं समए । जणनयणाणंदकरं चन्दं खीरोयवेलव्व ।।३७।। जं तारिसरिद्धीए तस्स पमोयस्स समुचियं जं च । तं पुत्तजम्मवद्धावणम्मि सिट्ठी कुणइ सब् ।।३८।। सिरिमल्लिसामिणा से मणोरहो जह पमाणमुवणीओ । कलसपडायासीमं तह तेण वि तस्स पासाओ ।।३९।। अह पुत्तजम्मणमहे संजाए मासपरिमिए सिट्ठी । सह सयलनायरेहिं समग्गनियबंधुवग्गेण ।।४०।। भरिऊणं भंडीउ चउबिहेणावि भक्खभुजेण । सगडमुहे संपत्तो वर्णमि पुव्वुत्तजुत्तीए ।।४१।। तत्थ य सिरिमल्लिजिणं अब्भुयभूयाइ परमभत्तीए । न्हवणविलेवणपूया-पणिहाणपुरस्सरं नमिउं ।।४२।। अणिवारियं च दाऊण भोयणं गोरवेण सव्वेसिं । तंबोलवत्थसम्माणपुव्वयं भणइ ते सिट्ठी ।।४३।।। हंहो ! सुणंतु तुब्भे नायरसुहिसयणबंधवा सब्वे । विइयं चिय तुम्हाणं जह वंझा आसि मे भज्जा ।।४४।। को वा मए इमीए संताणकए उवक्कमो न कओ । उवयारु ब्व खलेसुं तह सयलो निप्फलो जाओ ।।४५।। संपइ सिरिमल्लिजिणेसरस्स एयस्स नणु पभावेण । संपुत्रो मह एसो मणोरहो दुल्लहो वि दढं ।।४६।। ता मह अजप्पभिई एसु छिय नणु जिणेसरो देवो । धम्मो इमस्स सरणं गुरुणो एयस्स दंसणिणो ॥४७।। जाओ सुसावगो हं अओ वरं चत्तसयलमिच्छत्तो । इय सोउं समणोवासगेहिं उववूहिओ एसो ।।४८।। गमणागमणपवित्ती जाया से मंदिरे मुणीणं पि । तेसिं संसग्गाओ संजाओ सो वि गीयत्थो ।।४९।। सह भद्दाइ तिसंझं पूयंतो मल्लिसामिणो पडिमं । जिणधम्मसंगयमणो वग्गुरसिट्ठी गमइ कालं ।।५०।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |