________________
हितोपदेशः । गाथा-१४८ - जिनवचनश्रवणफले चिलातीपुत्रकथानकम् ।।
१७१
छलजाइनिग्गहेहिं निग्गहिओ तयणु जन्नदेवदिओ । सो वायलद्धिदुद्धरिस - बुद्धिणा तेण खुल्लेण ।।९।। लज्जाविलिजमाणोबलाविपव्वाविओदिओतइया ।जियकासिणासमुणिणाजिणपवयणपञ्चणीउत्ति ।।१०।। तो गहियदव्वलिंगो सासणदेवीइ जन्नदेवदिओ । संबोहिओ कमेणं पडिवन्नो भावचारित्तं ।।११।। पालेइ एगचित्तो सुत्तत्थे पढइ कुणइ तिव्वतवं । तणुवत्थविसयमलगोयरं तु उव्वहइ विचिकिच्छं ।।१२।। सन्नाइणो वि कमसो उवसंता तस्स देसणाईहिं । किं सुमणसंगमेणं न वहंति तिला वि सोरब्भं ।।१३।। नीरागे वि हु रागं न जत्रदेवंमि पणइणी मुयइ । विसएहि वेलविजंति मुणियतत्ता वि किमु अन्ने ।।१४।। होउ इमो वसवत्ती मम त्ति पारणगदिवसपत्तस्स । सा देइ तस्स वसियरणकम्मणं पिम्मसम्मूढा ।।१५।। तो तेण 'वलक्खेयर - पक्खेण व खीयमाणतणुलट्ठी । चंदु व्व जन्नदेवो स देवभूयं समणुपत्तो ।।१६।। अह तेण विरागेणं विरत्तचित्ता इमस्स पत्ती वि । पडिवना पव्वजं निरवजं पालए निझं ।।१७।। पइवसणपाक्मेसा अपडिक्कमिऊण सुगुरुपयमूले । कालेणं कालगया उववना देवलोगम्मि ।।१८।। इत्तो य मगहविसए रायगिहे पुरवरम्मि धणनिलओ । सिट्टी नामेण धणो भद्दा से भारिया अस्थि ।।१९।। दासी य तस्स गेहे चिलाइया नाम तीइ गब्भंमि । सो जन्नदेवजीवो चविऊणं देवलोगाओ ।।२०।। विचिगिच्छादोसेणं नीयकुले दारओ समुप्पन्नो । भन्नइ चिलाइपुत्तु त्ति जणणिनामेण सव्वत्थ ।।२१।। कालेण जन्नदेवस्स पुवभवभारियाइ जीवो वि । पंचसुयाणं उवरिं तणया सिट्ठिस्स संजाया ।।२२।। कयसुसुमाभिहाणा वड्डइ सा धणमणोरहेहिं समं । विहिओ चिलाइउत्तो बालग्गाहो स तीइ तओ ।।२३।। सो उण सहावचवलो कलहइ सह नायराण डिंभेहिं । सिट्ठी य उवालंभं लहइ सया तस्स दोसेण ।।२४।। अह दीहदंसिणा सो धणेण निव्वासिओ नियघराओ । दुवित्तो तणओ वि हु धाडिजइ किमुय दासेरो ।।२५।। पत्तो य परियडतो सीहगुहं नाम चोरपल्लिं सो । संघडिओ य निसंसो निसंसचरिएहिं चोरेहिं ।।२६।। कालक्कमेण पत्ते समवत्तिपुरं पुराणपल्लीसे । सु छिय पयम्मि ठविओ तयत्थमिव निम्मिओ विहिणा ।।२७।। इत्तो य सुंसुमा वि हु मयरद्धयरायरायहाणिं व । सुविभत्तसयलगत्ता पत्ता नवजुव्वणारंभं ।।२८।। अह अन्नया चिलाई - तण नियतक्करे पयंपेइ । वञ्चामो रायगिहं पविसामो तत्थ धणगेहं ।।२९।। तुम्हाण धणस्स धणं तणया पुण सुसुमा महं होही । इय ते कयसंकेया दुक्का धणमंदिरे रत्तिं ।।३०।। ओसोयणीइ सयलं पि घरजणं निम्मिऊण निशिटुं । तो लुटिउं पयट्टा धणस्स ते सारभंडारं ।।३१।। ऊसरिऊण धणो विहु पंचहिं तणएहिं सह ठिओ बाहिं । किं कुणउ पुरिसयारो पडिकूले हयकयंतम्मि ।।३२।। गहिऊण धणं तेणा चिलाईतणओ वि सुंसुमाकनं । तुरियतुरियं पलाणा ते नियपल्लिं पवणजवणा ।।३३।।
2. द्विजः । 3. वलक्खेयरपक्ख - वलक्ख-शुक्लपक्ष, वलक्खेयर-कृष्णपक्ष इति भाषायाम् ।
Jain Education International 2010_02
For Private & Personal Use Only
www.jainelibrary.org