Page Text
________________
हितोपदेशः । गाथा-१४८ - जिनवचनश्रवणफले रौहिणेयकथानकम् ।।
१६९
ता विलससु सच्छंदं एयाहिं वरच्छराहिं सह सुहय ! । एसो तुह परिवारो विमाणसामी तुमं चेव ।।६१।। जा चिंतइ रोहिणिओ किं सगं सुरवरो अहं जाओ । ता तेहिं लहु विइन्नो संगीयत्थेण स महत्थो ।।६२।। अह कणयदंडमंडियपाणी पुरिसो भणेइ तत्थेगो । किं एयं पारद्धं भणंति ते पिक्खणं पहुणो ।।६३।। को संगीययसमओ इयाणि पुच्छेह ता पहुं पढमं । पुत्वभवसंचियाई सुकयाइं दुक्कयाइं च ।।६४।। तो ते भणंति पडिहार ! सामिलाभेण सव्वमम्हाणं । विम्हरियं ता तुब्भे करेह जं इत्थ करणिजं ।।६५।। अह विणयरइयंजलिपुडेण पुरिसेण तेण विनत्तो । रोहिणिओ पहु ! साहह दुक्कयसुकयाणि निययाणि ।।६६।। ता लोहक्खुरतणओ चिंतइ सचं किमेयमिह अहवा । विहिओ इमो पवंचो अभएणं मज्झ मुणणत्थं ।।६७।। अह तहभब्वत्तणओ फुरियं तं तस्स माणसे तइया । कंटयउद्धरणखणे निसामियं सामिणो वयणं ।।६८।। सव्वन्नुपणीयाई तेसुं सुरलक्खणाई जा नियइ । ताव न पिक्खइ इक्कं पि तयणु सो मुणइ तं कूडं ।।६९।। कूडस्स कूडमेव हि णणु जुत्तं उत्तरं ति चिन्तन्तो । भणिओ पडिहारेणं पुणो वि सो सामि ! साहेसु ।।७०।। अह स भणइ रोहिणिओ भद्द ! मए निम्मियाइं परजम्मे । कंचणरयणमयाइं जिणिंदभुवणाइं रम्माई ।।७१।। वेरुलियफलिहविदुममयाउ पडिमाउ तेसु ठवियाओ । आराहिया य गुरुणो तिगरणसुद्धीइ अणवरयं ।।७२।। दिनं च महादाणं सील परिसीलियं तवो चिन्नं । भावेण तित्थजत्ताउ तह य तित्थेसु विहियाउ ।।७३।। वयणामयं च [पीयं] परमगुरूणं सया सयन्हेणं । तं नत्थि जं न विहियं पाएण मए सुकयठाणं ।।७४।। नाह ! नियदुक्कयंपि हु साहसु चोरिक्कमाइयं किंपि । न हु एगदसाइ जओ तइजजम्मु त्ति सो भणइ ।।७५।। किह साहुवग्गसंसग्गसालिणो मह घडिज दुअरियं । किं वा दुक्कयकम्मा उविंति नणु सग्गभूमीसु ।।७६।। इय तम्मि वइयरे साहियंमि अभएण भणइ नरनाहो । मुबउ चोरो वि इमो सक्को को लंघिउं नीइं ।।७७।। एवं निवेण मुक्को चिंतइ चित्तंमि तयणु रोहिणिओ । धिद्धी अणजताएण वंचिओ किचिरं कालं ।।७८।। जइ न मए तं वयणं वइज्ज मह कत्रगोयरे गुरुणो । ता अज विविहमारेहिं मारिओ किं न हुजाहं ।।७९।। मह भावविरहियस्स वि जायं संजीवणं व तं वयणं । चेयन्नसुन्नयस्स वि रसायणं आउरस्स जहा ।।८।। धिद्धी मह वि वियारो जयगुरुणो वयणमवगणेऊण । चोरस्स तस्स वयणंमि पश्चओ जं कओ एवं ।।८१।। इवाइ विचिंतंतो पत्तो जयबंधवस्स पयमूले । पणमित्तु भावसारं एवं वित्रविउमारद्धो ।।२।। तुह निक्कारणकारुणिय ! जयइ जोयणपसप्पिणी वाणी । उग्घाडंती दढमोहजड्डजडियाणि सवणाणि ।।८३।। धन्नाण कनकुहरे अखलियपसरं पसप्पए एसा । ही ही मए अहन्त्रेण ठइयकत्रेण परिहरिया ।।८४।। निज्जीवा जीवस्स विपडिभग्गा भग्गवस्स नियपन्ना । जीइ पुरो सा वि मए वियलविया जं अभयबुद्धी ।।८५।। अप्पडिहयप्पयावो वि चंडदंडोवि सेणियनरिन्दो । पञ्चाविओ मए जं तं तुह वयणस्स माहप्पं ।।८।। ता जह मरणाउ अहं जयवच्छल ! पालिओ तए अज्ज । तह चेव भवावडनिवडिरं पिमं रक्ख इत्ताहे ।।८७।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |