Page Text
________________
हितोपदेशः । गाथा-१४८ - जिनवचनश्रवणफले रोहिणेयकथानकम् ।।
१६७
हरिसचलेण करेणं परामुसंतो तओ तणुं तस्स । पभणइ एसो पुत्तय ! जइ एवं तो निसामेसु ।।९।। जो सो सुररइयंमी ओसरणे कुणइ देसणं वीरो । मा तस्स सुणिज गिरं करिन सेसं जहिच्छाए ।।१०।। इय तं पनविऊणं सकम्मपरिणामभायणं एसो । संजाओ इयरेण वि कयाणि से चरमकिश्याणि ।।११।। वियलियसोओ कमसो असामियं पिव स रायगिहनयरं । लुटेइ जहिच्छाए अहिणवलोहक्खुरु व्व तओ ।।१२।। तम्मि य समए सामी चरमो तित्थंकरो महावीरो । चउदससहस्ससंखेहि समणसीहेहिं परियरिओ ।।१३।। संचारिजंतेसुं सुरेहिं पुरओ सुवनकमलेसुं । मुंचंतो पयकमले समोसढो रायगिहनयरे ।।१४।। रइयंमि समोसरणे चउब्बिहेहिं पि सुरनिकाएहिं । उवविट्ठो सो भयवं सव्वाइसएहिं दिप्पंते ।।१५।। अह सव्वसत्तसाहारणाए संसयहराइ महुराए । जोयणपसप्पिणीए वाणीए कुणइ धम्मकहं ।।१६।। इत्थंतरंमि चोरो रोहिणिओ नयरवइयरं मुणिउं । जा एइ तत्थ पिच्छइ ताव तहिं तं समोसरणं ।।१७।। अह सुमरंतो वयणं पिउणो चिंतेइ जइ पहेणिमिणा । वञ्चिस्सं निसुणिस्सं जिणस्स ता निच्छियं वयणं ।।१८।। निसुए य तम्मि भजइ पिउणो परलोयपत्थियस्साणा । न य अत्रो गमणपहो ता होउ इमो इहोवाओ ।।१९।। इय ठइऊणं कन्ने गाढं अंगुलिमुहेहिं तुरियपदं । लंघेइ स तं वसुहं पइदियहं मोहिओ पिउणा ।।२०।। अन्नंमि दिणे पत्तस्स तस्स ओसरणपरिसरे झत्ति । विद्धो पाओ पावस्स कंटएणं सियमुहेणं ।।२१।। जइ कडिस्सं हत्थं कनाओ सुणिस्समस्स ता वयणं । न उण अणुद्धियसल्लो सक्को चलिउं पयाउ पयं ।।२२।। इय चिंतिऊण एगो अणनगइणा इमेण कन्नाओ । ओसारिओ करो लहु उद्धरिओ कंटओ जाव ।।२३।। ताव जयवच्छलेणं जिणेण ससुरासुराइ परिसाए । 'साहिप्पं(ज्ज)तं निसुयं देवसरूवं इमं तेणं ।।२४।। असेयगत्ता अनिमेसनेत्ता पयग्गभागेहि भुवं अपत्ता ।। भवंति देवा अमिलाणदामा संकप्पसिझंतसमग्गकामा ॥२५॥ हा बहु सुयं ति चित्ते समुव्वहंतो स तक्करो खेयं । तुरियपयं ओसरिओ तओ पएसाओ नरपसुओ ।।२६।। अह तेण तया तेणेण नयरलोओ उवदुओ बाढं । मिलिऊण सेणियनिवं उवडिओ दुट्ठदलणखमं ।।२७।। पुढे सुहनिव्वाहे निवेण नायरजणेहिं विनत्तं । देहेसु देव ! कुसलं देवपसाएण अम्हाणं ।।२८।। किं तु धणं जणवच्छल ! छलप्पहाणेहिं देव ! तेणेहिं । दढदंडनिगूढं पि हु हीरइ नियपाणिठवियं व ।।२९।। ज(सु)त्तीइ उवालद्धो राया नायरजणेहिं आरक्खं । विप्फुरियतिव्वकोवो साहिक्खेवं इमं भणइ ॥३०॥ रे ! रे ! किं मह रिणिओ होउं अह बंधवो अहव चोरो ! गिन्हेसि तुमं वित्तिं निश्चिंतो सुपसि तह रत्तिं ।।३१।। संकेइएहिं तुमए तेणेहिं मुसिजइ जणो मज्झ । ता तक्करे विमग्गसु मग्गसु वा अप्पणो ठाणं ।।३२।। अह दंडपासिएणं विनत्तं देव ! अत्थि इह चोरो । नामेणं रोहिणिओ को वि अणेगरूवु ब्व ।।३३।।
- पा. स. म. पृ. ८९७ ।।
गाथा-१४८ 1. साहिप्पंतं - साह (कथय, शास) क. व. कृ. ।।
For Private & Personal Use Only
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |