Page Text
________________
१४२
हितोपदेशः । गाथा-१३४ - सुपात्रदाने बाहुमुनिचरितम् ।।
रयणुक्कराणि मुत्ताहलाणि करितुरयकणयरयणाई । चिरसंचियाई ते दिति चक्किणो विक्कमक्कंता ।।१४३।। चुल्लहिमवंतकुमरं बाणपओगेण सेवगं काउं । निक्खिवइ उसभकूडे उसभसुओ तयणु नियनामं ।।१४४।। अह उत्तरे नियंबे वेयड्डनगस्स संठवियसिबिरो । नमिविनमीविजाहरवइणो साहइ दढपइन्नो ।।१४५।। तत्तो गंगादेवी पसाहिया भरहमब्भुयसरूवं । अब्भत्थिऊण ठावइ वाससहस्सं नियावासे ।।१४६।। अणुकूलिऊण देविं साहेउं पुव्वनिक्खुडं तीसे । पत्तो खंडपयावं वेयड्डगुहं महीनाहो ।।१४७।। तिमिसं व तं पि उग्घाडिऊण उल्लंघिऊण वेयर्ल्ड । गंगापच्छिमकूले निहिणो उद्दिसिय सो ठाइ ।।१४८।। अह नेसप्पप्पमुहा निहिणो तप्पुत्रपेरिया पुरओ । होऊणं पञ्चक्खा सीसआणं पडिच्छंति ।।१४९।। इय छक्खंडं भरहं अखंडपरक्कमो पसाहित्ता । विणियत्तो स विणीयं सद्विसहस्सेहि वासाणं ।।१५०।। चुलसीइसयसहस्सा पत्तेयं तस्स हरिकरिरहाणं । छनउई कोडीउ पत्तीण परक्कमधणाण ।।१५१।। बत्तीसं च सहस्सा बद्धकिरीडाण सेवगनिवाणं । तदुगुणा जुवईणं लोउत्तररूवरेहाणं ।।१५२।। सोलसतहयसहस्साजक्खाणखणंपितस्स अविउत्ता।नवनिहिणोचउद्दसरयणावसवत्तिणोतस्स ।।१५३।। पुरनयरखेडकब्बड - मडंबगामागराण सुबहूण । एगपहू सिरिभरहो कमेण पत्तो विणीयपुरिं ।।१५४।। चक्कित्तणाभिसेओ बारसवरिसेहिं तस्स निव्वडिओ । जाओ पयडपयावो भरहवई भारहे वासे ।।१५५।। आपुव्वदक्खिणावर-जलनिहिणोआयचुल्लहिमवंतं । सरभसमुवसप्पंतीनखलइसेणव्वतस्साणा ।।१५६।। किञ्चवररूवलडहलायन - ललियवेयड्भावसुभगाहिं । जं कामिजइ चउसट्ठिसहसवरकामिणीहिं सया ।।१५७।। सेविजइ अत्थाणे किरीडतडघडिरअंजलिउडेहिं । सुरसामिउ व्व सामाणिएहि जं मउडबद्धेहिं ।।१५८।। वियसियकमलवणं पिव गयणसरवरणि[य] विमाणमालाहि । दंसंतेहि नमिज्जइ जं नहयरचक्कवालेहिं ।।१५९।। संकप्पाणंतरसंघडंत - मणवंछियत्थसत्थेहिं । आराहिजइ अनिमित्तमेव जं सुरसमूहेहिं ।।१६०।। अप्पडिमपभावेणं बत्तीसविमाणलक्खपहुणा वि । आसिजइ सक्केणं वि निए य जं आसणद्धम्मि ।।१६१।। तवजावकढिणकिरिया - कलावआयावणाइविरहे वि । जं सुद्धंतठियस्स वि उप्पजइ केवलनाणं ।।१६२।। तं सव्वं चिय सिरिभरह - चक्किणो बाहुभवविढत्तस्स । वेयावश्यावसरे सुपत्तदाणस्स मुणह फलं ।।१६३।। इति यदकृत बाहुसाधुरुचैरकृतनिदानमसौ सुपात्रदानम् ।। समजनि सुकृतेन तेन चक्री, परमपदं च विना श्रमं प्रपेदे ।।१६४।।
दर्शितं बाहुमुनिचरितम् । अधुना पुष्पचूलाकथानकमुच्यते -
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |