Page Text
________________
हितोपदेशः । गाथा-१३४ - सुपात्रदाने बाहुमुनिचरितम् ।।
१४१
अवसप्पिणीइ भरहे चक्की पढमो इमो जओ होही । जगगुरुणा तेणं चिय विहियं भरहु त्ति से नामं ।।११६ ।। बंभाणस्स वि दुद्धरमेसा बंभब्वयं धुवं धरिही । बंभि त्ति तेण नामं वियरइ धूयाइ धुयमोहो ।।११७ ।। इत्तो अणुत्तरुत्तमविमाणओ ठिइखएण चविऊण । देवीइ सुनंदाए गब्भे जीवो सुबाहुस्स ।।११८ ।। पुत्ततेणुववन्नो तहा महापीठसाहुणो जीवो । धूयत्ताए तत्थेव पुव्वकम्माणुभावेण ।।११९।। कप्पद्रुमं व उत्तरकुरुधरणी नंदणं अह सुनंदा । पसवइ उत्तमलक्खण - सहियं सोहणमुहुत्तम्मि ।।१२०।। जणमणनयणाणन्दं दिती सममेव तेण तणएण । ज्ाया तणया एरावणेण सह चंदलेह व्व ।।१२१ ।। अकलियबाहुबलोकिलहोहीनणुचक्कवट्टिणाविइमो।इयबाहुबलित्तिसुयस्सतस्सनामंकयंपहुणा ।।१२२।। जियसुरवहुसुंदरा वि देहसोहाइ नंदणी एसा । सुंदरतवचरणरया होही इय सुंदरी भणिया ।।१२३।।। सयलकुसलिक्कजणणी जणणी भरहस्स पसवइ कमेण । एगूणं पन्नासं जुगलाणि पहाणतणयाणं ।।१२४ ।। अह भरहमाइणो ते पिउणा सव्वन्नुणा सयं चेव । सयलं कलाकलापं लीलाए लंभिया कमसो ।।१२५ ।। इय विस्सुयसंताणस्स तस्स जगबंधवस्स पुव्वाणं । वीइक्वंता वीसं लक्खा कोमारभावम्मि ।।१२६।। अह मुणिऊणं समयं भुवणजणं ठाविउं ववत्थाए । सक्को सयमागंतुं करेइ रायाभिसेयं से ।।१२७ ।। ठावइ विणीयनयरिं परिपूरावेइ मणिधणकणेहिं । तत्थ ठिओ भयवं पि हु निरवजं पालए रजं ।।१२८ ।। उप्पाइयाणि सिप्पाणि पंच पडिसिप्पकप्पसहियाणि । संठाविओ य लोओ सयलो वि हु धम्मनीईए ।।१२९।। संगहिया करितुरया गोमहिसिपसू य लोयसेयत्थं । तह उग्गभोगरायन्न - खत्तियाणं कया मेरा ।।१३०।। इय तेवट्ठिलक्खा पुवाणं रजमणुहवंतस्स । वोलीणा जयगुरुणो खीणं कम्मं च भोगफलं ।।१३१।। विनत्तेणं कप्पु त्ति तयणु लोगंतिएहिं तियसेहिं । संवच्छरियं दाणं पयट्टियं भुवणनाहेण ।।१३२।। अह भरहो अहिसित्तो विणीयनयरीइ नियपए पहुणा । दिनाय बाहुबलिणोतक्खसिला नाम वरनयरी ।।१३३।। अन्नेसि पि सुयाणं दाऊण पुढो पुढो पुहविखंडं । कयसव्वसंगचाओ पव्वइओ पढमजिणराओ ।।१३४।। संवच्छरं अणसिओ वाससहस्सं च रहिय छउमत्थो । पत्तो केवलनाणं घाइत्ता घाइकम्माणि ।।१३५ ।। सरभसमिलियचउब्बिह - देवनिकाएहि कए समोसरणे । अञ्चब्भुयभूयाइ तित्थयरसिरीइ सो सहइ ।।१३६ ।। उप्पनचक्करयणो भरहो [विहु] विहियसामिपयपूओ । चक्काणुमग्गलग्गोचलिओ दिसिविजयमुद्दिसिउं ।।१३७।। गच्छंतेण य पुव्वं पुवाइ दिसाइ मगहतित्थेसो । विहिओ निद्देसकरो अमरो वि हु किंकरु व्व निओ ।।१३८।। एवं वरदामो दक्खिणाइ अवराइ तह पभाससुरो । विहिया य सिंधुदेवी नरदेवेणं निदेसकरी ।।१३९।। सिंधुमिलिच्छाण तओ गिण्हइ दंडं पयंडभुयदंडो । पडिवत्तिं च पडिच्छइ कमेण वेयड्डकुमरस्स ।।१४०।। कयसागओ य तत्तो कयमालसुरेण कंदरं तिमिसं । उग्घाडावइ सेणाहिवेण विहिओवयारेण ।।१४१।। मग्गेण तेण उल्लंघिऊण लीलाइ तयणु वेयर्ल्ड । भंजइ भुयभडवायं परकूलनिवासिमिच्छाणं ।।१४२।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |