Page Text
________________
१४०
हितोपदेशः । गाथा-१३४ - सुपात्रदाने बाहुमुनिचरितम् ।।
अभिनंदिऊण एवं सुरनाहे निययठाणमणुपत्ते । पुव्व ब्व रविं समए मरुदेवी पसवइ जिणिदं ।।१५।। छप्पनदिसिकुमरीहिं विहियनीसेससूइकायब्वो । मंदरगिरिम्मि नीओ सोहम्मेसेण सो भयवं ।।९।। चउसद्विसुरिंदेहिं तत्थ य तित्थोदएहिं पवरेहिं । अहिसित्तो भत्तीए मणिमयकलसोवणीएहिं ।।९७ ।। अह नाभिमंदिरम्मी वड्डइ कप्पडुमु व्व सो भयवं । लालिजंतो सुरसुंदरीहिं सुरवइनिउत्ताहिं ।।१८।। "वसहो लंछणमूरुंमि जं च सुमिणेसु पढमओ वसहं । पासइ किर मरुदेवी तेणं उसह त्ति से नामं ।।१९।। दट्ठणमिक्खुजहिँ सक्ककरे सामिणा सिसुत्तमि । पाणी पसारिओ जं तेणं वंसो वि इक्खागू ।।१०।। पीणिजमाणदेहो दिव्वेहिं भोयणेहिं अणवरयं । उम्मुक्कबालभावो पत्तो नवजुब्बणारंभे ।।१०१।। नाणत्तयपरियरियं पणसयधणुतुंगचंगतणुलटुिं । तत्ततवणिजवनं वसहंकं उसहजिणनाहं ।।१०२।। पिक्खंतो नवतारुनपुत्रदेहं ललंतलावनं । आभोयंतो भोगप्फलं च कम्मं बहुं पहुणो ।।१०३।। आगंतूणं सक्को अब्भत्थइ परिणयत्थमञ्चत्थं । कुणसु पसायं पयडसु लोए नीइं ति जंपंतो ।।१०४।। भयवं पि हु भुवणगुरू भवियव्वं तं तहा विभावितो । तुसिणीओ चेव ठिओ उवरोहमहनवो तइया ।।१०५।। अप्पडिसिद्धंनणुअणुमयंति पीओपुरंदरोतुरियं । सपरीवारोहिसमग्ग-अग्गमहिसीहि परियरिओ ।।१०६ ।। अन्नेहिं पि हु सहरिस - मिलंतसुरअच्छरासमूहेहिं । दावितो देविष्टुिं अन्भुयभूअं मणुस्साणं ।।१०७।। गंधव्वाणीयपउत्त - तालतंतीमुयंगघणघोसं । अमररमणीमणोहर - कलमंगलमुहलियदियंतं ।।१०।। समगं सुमंगलाए देवीए किं च तह सुनंदाए । कारेइ पाणिगहणं पहुणो विहिणा सुणासीरो ।।१०९।। होऊणं कयकियो भिक्षु व्व नमंसिऊण भुवणगुरुं । सोहम्मं संपत्तो ललंतमणिकुंडलो सक्को ।।११०।। भयवं पि हु भोगफलं कम्मं भोगेण चेव खवियव्वं । इय विलसइ ताहि समं दिव्वे भोए अणासत्तो ।।१११ ।। तत्तो जिणस्स जम्माउ पुव्वलक्खेहिं छहिं अईएहिं । चविउं सम्वट्ठाओ जीवो सिरिबाहुसाहुस्स ।।११२।। चउदससुमिणुद्दिट्ठो देवीइ सुमंगलाइ कुक्खीए । उववनो पीढस्स वि जीवो इत्थित्तणेण तहिं ।।११३।। होही चक्की तुह नंदणु त्ति अभिणंदिया जिणिंदेणं । गन्भं निन्भरहरिसा उव्वहइ सुमंगला देवी ।।११४।। सायरसुत्ती मुत्ताहलं व समए सुविच्छसच्छायं । पसवइ एसा तणयं धूयं पि य लक्खणोवेयं ।।११५ ।।
दसणविणए आवस्सए य सीलव्वए निरइयारो । खणलव तवच्चियाए वेयावच्चे समाही य ।।२।। अपुव्वनाणगहणे सुयभत्ती पवयणे पभावणया । एएहिं कारणेहिं तित्थयरत्तं लहइ जीवो ।।३।।
- आ. नि. १७९-१८०-१८१ । प्रव. सा. गा. ३१०-३११-३१२ ।। 6. वसह - वृषभ ऊर्वोर्वृषभलाञ्छनमभूद्भगवतो जनन्या च चतुर्दशानां स्वप्नानामादौ वृषभो दृष्टस्तेन
वृषभः । उसह - ऋषभ ऋषति गच्छति परमपदमिति “ऋषिवृषिलुसिभ्यः कित्" ।। (उणा. ३३१) ।। इत्यभे ऋषभः । - अभि. स्वो. ना. श्लो. २६ ।
- आ. नि. हा. वृत्तौ ।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |