Page Text
________________
हितोपदेशः । गाथा - १३४ - सुपात्रदाने बाहुमुनिचरितम् ।।
तुम्हाण य गच्छस्स य अहापवत्ताण भत्तपाणाणं । ओसहभेसज्जाणं उवगरणस्सोवओगिस्स ।।७१ ।। पाडणेण मुणिव ! वेयावडियं विसेसओ काउं । दुक्कम्मनिज्जरट्ठा जिणवयणाराहणट्ठा य ।।७२।। अह सविसेसं मुणिनायगेण उच्छाहिओ स मुणिवसहो । निरवज्जंमि पयट्टो एगमणो तम्मि किमि ।। ७३ । न गइ नियतणुपीडं संतप्पइ नेव तवणतावेण । वासासु नो विसीयइ सीयइ सीएण न महप्पा ॥७४॥ लाभमि न हरिसिज्ज दूमिज्जइ न हु मणे अलाभम्मि । उव्वहइ न निव्वेयं बालगिलाणेहिं 'तोरविओ ।।७५ ।। अमिलाणवयणसोहो मन्त्रंतो पुन्नठाणमप्पाणं । सुहडु व्व रणे खुब्भइ वेयावडियंमि न कयाइ ।। ७६ ।। गुरुणो तह गच्छस्स व दिंतो दाणोचियाणि वत्थूणि । उप्पाएइ समाहिं स महप्पा कप्परुक्खु व्व ॥ ७७।। दितेण तेण तया मुणीण मणवंछियाणि वत्थूणि । जं जं जए मणुनं तं तं समुवज्जियं सयलं ।।७८ ।।
गिलाणाणं वेयावडिएण तेण तस्स तया । संजाया कुकडाणं कम्माण विनिज्जरा विउला ।। ७९ ।। इहलोयंमि पसिद्धी वेयावच्चाउ संखससिधवला । विउला य चक्किभोया भवंतरे अज्जिया तेण ।। ८० ।। 'अरिहंतसिद्धपमुहे ठाणे वीसं पि सेवमाणेण । तित्थयरनामगोयं समज्जियं वज्जनाहेण ।। ८१ ।। विस्सामणेण सम्मं मुणीण सीलंगवहणखिन्त्राणं । मुणिणा सुबाहुणा वि हु उवज्जियं बाहुबलमतुलं ।।८२ ।। गुरुपच्चएण अप्पच्चएण पच्छा वि अपडिकंतेण । पीढमहापीढेहिं विढत्तमित्थित्तणं तइया ।।८३ ।। एवं वयगहणाओ चरित्तधम्मंमि तेसि निरयाणं । पुव्वाण सयसहस्सा वोलीणा चउदस कमेण । । ८४ । अहनियसमयं मुणिउं मुणिवसहा ते दुहा वि संलिहिउं । पडिवन्ना पसमधणा सुयविहिणा अणसणं सव्वे ।। ८५ ।। इहलोए परलोए मरणे तह जीविए निरासंसा । धम्मज्झाणोवगया कालगया गुरुसमाहीए ।। ८६ ।। उववन्ना सव्व पंच वि पंचुत्तरेसु वि पगिट्ठे । तित्तीससागराऊ पयणुकसाया परमसुहिणो ।। ८७ ।। इत्तो य जंबुदीवे इहेव भरहस्स मज्झखंडम्मि । इक्खागुवंसउप्पत्ति - पवरवसुहाविभागम्मि ।।८८ ।। सुसमदुसमावसेसे छसु वोलीणेसु कुलगरवरेसु । नाभिसि कुलगरे सत्तमंमि मिहुणाणुसट्ठिकरे । । ८९ ।। तस्स वरपणइणीए सिरिमरुदेवाइ कुच्छिकमलंमि । सो वज्जनाहजीवो चविरं सव्वट्ठसिद्धाउ । । ९० ।। उप्पो पुत्रनिही वसहप्पमुहा य तीइ वरसुमिणा । चउदस तइया दिट्ठा सिट्ठा समए य नाभिस्स ।। ९९ ।। होही कुलगरपवरो तुह तणओ देवि ! इय सुणंतं व । जायासूयं सहसा सुरवइणो आसणं चलियं ।। ९२ ।। मुणऊ ओहिणा सहरिसं च सक्को समागओ तत्थ । साहइ पुरओ तेसिं सुमिणाणं ताण फलमिणमो । । ९३ ।। ओसप्पिणीइ पढमो तित्थयरो तुम्ह नंदणो होही । इह भरहे ता धन्ना तुम्हि चिय इत्थ भुवणयले ।। ९४ ।
3. तोरविअ दे. उत्तेजित ।
4. सेह शैक्ष नवदीक्षित साधु । सेध्यते -निष्पाद्यते यः सः सेधः, शिक्षां वाऽधीत इति शैक्षः ।।
5. अरिहंत सिद्ध पवयण गुरु थेर बहुस्सुए तवस्सीसु । वच्छलया य एसिं अभिक्खनाणोवओगे य ॥ | १ ||
For Private & Personal Use Only
www.jainelibrary.org
-
१३९
Jain Education International 2010_02
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |